Contacontos/Narración oral

Carmen, a cantareira de aldea é un contacontos que te adentra nunha fermosa aventura cunha nena dunha aldea galega que soña con viaxar polo mundo coa súa pandeireta máxica. A través da música tradicional, Carmen descubrirá novas amizades, vivirá momentos máxicos e aprenderá importantes valores como o respecto e o amor pola súa cultura.
Nesta actividade interactiva, as crianzas gozarán dunha historia chea de música, xogos e participación, mentres se mergullan nas raíces da tradición galega. Non faltarán cantigas, ritmos e moita diversión!

Historias de paxariños, sementes e animaliños para medrar, contar e cantar.

Data e hora: venres 2 de maio ás 18 h.

Público destinatario:bebés, de 0 a 3 anos acompañados de ata dous adultos.

Inscrición previa na web da biblioteca a partir do 23 de abril ás 9.00 h.

Un vermiño vai da laranxeira ao limoeiro. 

Non é moito camiño, máis será unha viaxe apaixonante!

Un espectáculo pensado e creado para os máis cativos, con elementos sinxelos; caixas, ruídos, luces, cores... con esta pequena peza pretendemos que os nosos nenos e nenas abran os seus ollos e os seus sentidos. 

A cargo de Chespir Teatro. 

Público infantil de 0 a 3 anos con persoa adulta acompañante

Lugar: Bebeteca

Duración: 30 minutos 

15 prazas

Un peto é un sitio ideal para gardar de todo. No peto da dereita, van os contos para rir, para soñar ben, para cantar e namorar.

No da esquerda, os de chorar, os de esquecer. Pero nos dous, hai un buraquiño por onde se poden escapar e facer trasnadas. Así que ten coidado, vai amodo, abre as orelliñas e presta atención, que ou conto xa empezou.

Duración: 45 minutos.

A partir de 4 anos.

Inscrición previa dende o luns anterior á actividade de forma presencial ou chamando ao teléfono 886 120 445.

Nano está moi feliz, naceu a súa irmá mais pequena, Nona, e vai coidar dela.

Mais ao chegar a noite Nona non quere ir para a cama. Nano ten unha misión, conseguir que Nona durma sexa como for.

Data e hora: venres 23 de maio ás 18.00 h.

Público destinatario: infantil, de 1 a  4 anos (acompañados de ata dous adultos)

Inscrición previa na web da biblioteca a partir do día 14 de maio ás 09.00 h.

Unha paxariña, un avión o un papaventos, cousas da maxia, colles un papel e tes un mundo novo…

Na mesa poñemos o mantel, e unha xerra con auga fresquiña da fonte, e froita e logo convidámoste a unha merenda de historias e versos.

Historias de primavera, para os máis pequenos da casa.

Duración: 30 minutos.

Idade: de 0 a 3 anos.

Inscrición previa dende a o luns anterior á actividade, presencial ou chamando ao teléfono 886 120 445.

Se unha tradición temos clara na nosa cultura é que non se remata ningún gran traballo sen celebralo por todo o alto. As vendimas, os fiandóns, a colleitas e sementes, a malla, ir ao muíño moer... eran traballos que conxugaban ao remate da xornada baile, música e festa rachada.

O Samu é un neno con dificultades na comunicación e ten unha forma especial de interpretar o que lle rodea.

A familia e os amigos representan un papel importante para conseguir superar as súas dificultades.

Duración: 50 minutos.

A partir de 4 anos.

Inscrición previa dende o luns anterior á actividade de forma presencial ou chamando ao teléfono 886 120 445.

Historias onde os máis miudiños achegáranse aos libros e á lectura dunha forma lúdica e divertida, espertando o interese pola lectura con esta sopiña de contos, ben quentiña e saborosa.

Duración: 30 minutos.

dade: de 0 a 3 anos.

Inscrición previa dende a o luns anterior á actividade, presencial ou chamando ao teléfono 886 120 445.

Coñeces ós trasnos que habitan na nosa terra? O trasno Busgoso, cos seus pezuños e cornos de chibo, larpeiro e burlón. O Burleiro, un grandísimo transformista, capaz de adoptar forma de cabalo, becerro ou burra. Os Meniñeiros, cativos e invisibles, coa misión de facer rir ós bebés...

Recuperación de historias e lendas tradicionais galegas recollidas da tradición popular.

Duración: 45 minutos.

A partir de 4 anos.

Inscrición previa dende o luns anterior á actividade de forma presencial ou chamando ao teléfono 886 120 445.