Contacontos/Narración oral

Anímate e vén para falar das túas lembranzas, das lendas e cancións que saibas.

A música e os cantos populares interpretados por el tampouco faltarán.

Actividade aberta a todo o público.

Espectáculo de narración oral para nenas e nenos. Unha homenaxe ás cantareiras e a poesía popular oral.

Quen é? Para descubrilo, achegádevos coas orellas ben abertas para escoitar e descifrar cantigas. Vide cos ollos ben abertos para non perder detalle das historias que agochan moitos obxectos misteriosos. E vide coa boca ben aberta para recitar adiviñas, refráns, trabalinguas e para cantar!

Data e hora: venres 9 de maio ás 18.00 h.

Público destinatario: infantil, a partir de 5 anos.

Sen inscrición previa, ata completar o aforo da sala.

Nesta actividade narrarase oralmente a historia da vida e obra das homenaxeadas este ano, ademáis haberá un obradoiro de debuxo no que se realizará unha caricatura dunha cantareira galega.

Data e hora: venres 16 de maio ás 18.00 h.

Público destinatario: familiar, a partir de 3 anos.

Sen inscrición previa, ata completar a capacidade da sala.

Ven ás 11:30 h a aprender como se crea un libro, para poder facer o teu propio!

Ou ven ás 12:30 h a escoitar xunto aos mais pequenos contos con cancións e bailes.

Actividades abertas a todo o público.

O FalaRedes 2025 ábrese con narración oral (a cargo de Vero Rilo) e música (a cargo de Luís Iglesias) para os máis pequenos da casa e trasládanos ao ano 2735. Pelica de Burra viaxa no tempo e chega a un futuro sen xogos, sen música… así que decide regresar ao pasado para recoller as palabras perdidas e devolverllas a un porvir que será, sen dúbida, moito máis luminoso. Pelica de Burra ofréceselles aos concellos da Rede de Dinamización Lingüística en dous posibles formatos: obradoiro para bebés (0-3 anos) en grupos reducidos ou espectáculo familiar.

Acompáñanos a festexar o Día do libro infantil e xuvenil coa autora Inma Soto e o seu conto "Xela, aventura na fraga", creado para a posta en valor do noso patrimonio natural e cultural.

En palabras da súa autora, este conto "é unha ferramenta educativa para dar a coñecer e poñer en valor os recursos que existen no noso territorio; identificalos, sentir a natureza como unha oportunidade e facer que as nenas e nenos sintan fachenda do noso patrimonio natural e cultural".

Esperámoste!

Actividade aberta a todos os públicos.

Horario: de 11:30h a 13:00

Sesión de contacontos cunha actividade posterior relacionada coa historia narrada. 

Actividade pensada para nenas e nenos de 4 a 6 anos.

Para asistir a ela é necesario facer inscrición previa chamando aos teléfonos 988 788385 e 988 788386 dende o venres anterior á actividade .

Este venres contremos cunha experiencia única para celebrar o Día do Libro. 

 Unha vez que a biblioteca apague as súas luces e peche as súas portas, gozaredes dunha dramatización de contos populares cun toque actual e divertido.

Transformamos a biblioteca nun escenario onde os contos populares cobran vida. Dende unha perspectiva actual e chea de humor, reinterpretamos as historias de sempre, converténdoas nunha experiencia que fascina tanto a maiores como a pequenos.

A biblioteca só para vós!

"Unha noite, sobre unha folla iluminada pola lúa, había un ovo.

Unha mañá ao levantarse o sol, cálido e resplandecente, saíu do ovo, un verme con moita, moita, moitísima fame.

E púxose a buscar que comer."

Actividade para bebés de 1 a 3 anos acompañados dunha persoa adulta. 

Para celebrar o Día do Libro este xoves teremos dous pases: 

- ÁS 17.30 h 

- Ás 18.30 h

Prazas limitadas. Inscricións dende o venres 11 de abril ás 9 h nos teléfonos  988 78 83 85 / 86. Só se poden reservar 2 prazas por chamada.

Sesión de contacontos cunha actividade posterior relacionada coa historia narrada. 

Actividade pensada para nenas e nenos de 4 a 6 anos.

Para asistir a ela é necesario facer inscrición previa chamando aos teléfonos 988 788385 e 988 788386 dende o venres 11 de abril.