Contacontos/Narración oral

Divertida sesión de contos na que se integran cancións, literatura infantil, expresión dramática e tradición oral. Os cativos poderán chuchar contos, canción e arrolos ata encher a barriguiña nesta proposta para gozar en familia.
Un fermoso xeito de coñecer e valorar a literatura infantil dende os primeiros anos de vida.

Data e hora: venres 5 de xuño ás 17.00 h.

Público destinatario: bebés (de 0 a 3 anos) acompañados de ata dous adultos

Inscrición previa na web da biblioteca  a partir do 27 de maio ás 09.00 h.

Esta é unha proposta artística e participativa de Polo Correo do Vento para FalaRedes. Inclúe narración, música e ilustración en directo para achegarlle á cativada a figura de Begoña Caamaño, a quen este ano se lle dedica o Día das Letras Galegas.

Con motivo do Día das Letras Galegas, dedicado por terceiro ano consecutivo a unha muller, achegámonos á figura de Begoña Caamaño, autora comprometida coa defensa do papel da muller na sociedade e coa necesidade dunha mirada feminista sobre os relatos tradicionais.

O espectáculo “Eu tampouco navegar” revisita mitos clásicos, a mitoloxía grega e o ciclo artúrico desde unha perspectiva actual, crítica e chea de humor. A través da narración e da reflexión, propón pensar sobre a liberdade das mulleres para decidir e actuar por si mesmas.

Ás veces a rabia, a mágoa ou a dor son tan fortes que sentimos que imos estoupar. Cando iso pasa, o monstro das emocións toma o mando. E se aprendemos a adestralo?

Acompañamos a Sara Cruz nesta viaxe para aprender a convivir coas nosas emocións. Unha sesión chea de aprendizaxe e sensibilidade para as máis pequenas e pequenos.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

O cordel é unha das formas máis antigas de narración e entretemento, presente en culturas de todo o mundo.

Nestas deliciosas historias, un simple cordel se deliza entre os dedos e adopta, como por encantamento, as distintas figuras que acompañan a narración. Contos que deleitan.

No salón de actos. Para nenas e nenos de 3 a 8 anos. Entrada libre ata completar a capacidade da sala.

Do 25 ao 27 de setembro, o Centro Comercial Área Central acolle a segunda edición de Dálle Xogo, un festival de lecer familiar único en Galicia pensado para compartir tempo de calidade xogando e aprendendo en familia.
Durante tres días, o xogo converterase no gran protagonista cunha programación chea de xogos de mesa, demostracións, torneos, presentacións, obradoiros, charlas e experiencias educativas deseñadas para fomentar a conexión, a creatividade e a diversión sen pantallas.

Un percorrido polas cores do arco da vella e os seus contos musicados e cantados. Cada conto, unha historia e cada historia unha banda sonora. Goza comigo deste paseíño! Esperámoste!

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Un contacontos interactivo con Lalá Teatro

Xogaremos, cantaremos e bailaremos dándolle voltas ás historias como fixo Begoña Caamaño.

Actividade aberta a todo o público

A Biblioteca Pública de Santiago Ánxel Casal acolle a mostra bibliográfica Contando cadros, unha proposta dirixida ao público infantil que pon o foco na importancia da educación artística e na súa influencia no desenvolvemento creativo, comunicativo e emocional das crianzas. A través dunha selección de contos, a exposición achega a arte e as e os pintores como protagonistas, favorecendo a aprendizaxe da historia das expresións artísticas desde a Antigüidade ata a actualidade e promovendo a creación dun criterio propio, a concentración e o uso dos sentidos.

Contacontos en inglés sobre a diversidade e a inclusión cunha pequena actividade manual relacionada coas emocións, tamén traballarán os valores que se representan no conto.

Duración: 60 minutos.

De 4 a 12 anos.

Inscrición previa, presencial ou chamando ao teléfono 886 120 445, dende a o luns anterior á actividade.