A cargo de LISÍSTRATA. Heroes lendarios, deuses que dominaban a Terra, contos cheos de fantasía. Mitos fantásticos de todo o mundo que chegaron ata os nosos días para que o público infantil medre coa fantasía dese mundo máxico que serviu aos nosos antigos a buscar explicacións ao descoñecido. Para nenos e nenas
El Cavernícola está considerado como o monólogo máis representado da historia de Broadway e foi cualificado polo New York Times como "un fenómeno único". En Madrid estivo 6 anos de éxito ininterrompido.
Con divertidas percepcións sobre o feminismo contemporáneo, a sensibilidade masculina e as zonas eróxenas, El Cavernícola ten encontrado un modo de mirar os temas máis comúns das relacións entre os dous sexos apuntando de cheo ao detonante do humor e a diversión.
Coria Castillo (Madrid, 1980) considérase unha tardía no xénero stand-up, aínda que o colleu con ganas. Baixo a influencia dos seus propios compañeiros, aos que viu crecer ao longo desta última década, e de cómicos como Os Morancos, Martes e Trece, Faemino e Cansado, Luismi ou a americana Joan Rivers construíu unha personaxe doce e exasperada ao mesmo tempo que se serve dun humor un tanto absurdo e inocente para reivindicar aqueles aspectos que nos afectan a todos.
Un grande da comedia, pero dos de verdade. Gaditano, criado en Málaga e residente en Almería que desde 2008 se dedicou en corpo e alma á comedia. Antes dedicábase a atender ao público na carnicería dun centro comercial, onde se sentía cómodo, pero non o enchía.
Nos seus espectáculos practica un humor moi particular baseado en feitos reais. A súa infancia, anécdotas e historias dun neno sen amigos, que a nai sente vergoña ao sacalo á rúa. A historia dun neno que naceu cun pan debaixo do brazo, pero comeuno!
Daniel Mateo Patau nace o 1 de xuño de 1979 en Barcelona (Cataluña). Cómico, actor e presentador de televisión e radio española que actualmente traballa en El Intermedio (La Sexta TV) e en Yu no te pierdas nada (Los 40 Principales). Licenciado en Xornalismo pola Universidade Autónoma de Barcelona, iniciou a súa traxectoria na radio local e pasou por varias emisoras profesionais de Cataluña como Catalunya Cultura, Onda Cero, Radio Gràcia, Ona Catalá, RAC 1 e Flaix FM.
Larraitz Urruzola, vai contar os relatos “As mellores vacacións do Rei Neptuno” e "Ondalina", escritos por Luisa Martínez, da Unidade de Cultura Científica do CSIC de Galicia e por Martín Pérez, Físico galego, premiado cun texto para adultos no premio Inspiraciencia do 2012.
Esta actividade forma parte do programa Ler conta moito de dinamización lectora, da Rede Galega de Bibliotecas.
Os contos de sempre, cousas que foron e serán, un Castelao que nos fala de emigración e pobreza, ou tal vez non sexa un conto de Castelao?
Esta actividade forma parte do programa Ler conta moito de dinamización lectora, da Rede Galega de Bibliotecas.
María Díaz la Vikinga é unha actriz e monologuista asturiana, de Avilés.
Desde fai uns anos adícase á comedia, onde o seu peculiar sentido humor lle abriu un oco no mundo dos monologuistas.
Dous viaxeiros coinciden nunha estación de tren durante a súa viaxe. As súas vidas están condicionadas polas historias que atopan alí onde van e descubirán nesta ocasión que coinciden en moitas facetas da súa misión polo mundo, recoller historias.
Nunha realidade confusa coa fantasía, estas personaxes comparten algúns destes contos mentres agardan a que chegue o próximo tren...
En Bivalvos como Galegos, Pedro Brandariz e Fran Rei recompilan algúns dos seus mellores gags televisivos, de creación propia, achegándoos á súa propia linguaxe teatral e clown para compoñer un novo espectáculo, o decimoterceiro da súa carreira, cheo de humor sincero, sinxelo e directo e co toque ácido característico das montaxes da compañía. En definitiva: dous pallasos en escena na procura da gargallada do público.
