Para Lucía Aldao e María Lado a lectura de poesía non pode ser algo que adormeza o espectador. Así, presentan un recital ameno, dotado de ritmo e comunicación aberta co público. Consta de música en directo, xogos e historias, pero sobre todo hai comunicación poética pura e verdadeira.
Este recital está plantexado para un público maior de 15 anos.
Esta actividade forma parte do programa Ler conta moito de dinamización lectora, da Rede Galega de Bibliotecas.
Sebastián é un soñador, un rato cunha imaxinación enorme, capaz de soñar coas historias máis fermosas e misteriosas. Braulio é un home, un sabio bibliotecario e escritor que manexa tódolos títulos e historias coñecidas ou descoñecidas. Son xa moitos anos nos que Braulio visita a Sebastián cada noite aproveitando seu profundo soño para espiar os seus soños e anotar tódalas historias que relata en voz alta mentres imaxina e soña.
Esta actividade forma parte do programa Ler conta moito de dinamización lectora, da Rede Galega de Bibliotecas.
Unha sesión de contos orientada a transmitir valores sen caer no didactismo e afastándose de moralismos. Contos que tratan das diferenzas na sociedade, a homofobia, o racismo, o machismo, as desigualdades... Contos que, sen querelo, van deixar pegada en quen os escoite.
Dirixida a nenos a partir de 4 anos.
Esta actividade forma parte do programa Ler conta moito de dinamización lectora, da Rede Galega de Bibliotecas.
Para bebés de 0-3 anos. Palabras, trabalinguas, historias, algún silencio, libros, xogos co corpo, cancións envolventes, sons sorprendentes, e todo un triquitraque (ou un trocatriqui) para que na biblioteca os que dormen no berce tamén poidan gozar coas historias no colo daqueles que ben os queren.
Esta actividade forma parte do programa Ler conta moito de dinamización lectora, da Rede Galega de Bibliotecas.
Comelibros é unha obra na que se mesturan personaxes reais e monicreques nun mundo de libros. Cando a biblioteca pecha as súas portas ao público, os libros reciben coidados e mimos de dous personaxes moi particulares, don Hilario o bibliotecario e David o aprendiz.
Pola noite pasan cousas estrañas e coñécense uns personaxes chamados Comelibros que habitan nas bibliotecas e gardan certos segredos.
Esta actividade forma parte do programa Ler conta moito de dinamización lectora, da Rede Galega de Bibliotecas.
Esta sesión de contacontos vai dirixida a nenos de todas as idades... e a non tan nenos.
Un ramallete de contos, xogos e cancións dramatizaranse por unha contacontos que interactuará co público asistente, cambiando elementos de atrezzo para cada conto cun espazo escénico acorde ó recuncho. Espertando nos nenos/as o gusto pola lectura e os contos.
Esta actividade forma parte do programa Ler conta moito de dinamización lectora, da Rede Galega de Bibliotecas.
A literatura en papel ás veces queda no papel. As máis delas potencia a imaxinación. Outras, mudar a palabra escrita por palabra falada fai que nos entre por todos os sentidos e non só polo oído.
Esta actividade forma parte do programa Ler conta moito de dinamización lectora, da Rede de Bibliotecas de Galicia.
Nesta ocasión Babamá vén de recoller miles de historias, que nacen en moitas familias cheas de amor. En Babamor hai familias grandes e pequenas, familias diversas envoltas en toneladas de agarimo. Ollos que miran a outros ollos, cóxegas e paseos por xardíns de bolboretas.
Esta actividade forma parte do programa Ler conta moito de dinamización lectora, da Rede Galega de Bibliotecas.
Agora é un pai responsable, un cómico respectado e está alcanzando a madurez. A un paso de converterse en corentón, cre ter aprendido algunhas boas leccións que quere compartir connosco. Superou os complexos e traumas que o atenazaron no pasado, e todo apunta a que está desenvolvendo uns novos.
Polo demais, segue obstinado en cantar e bailar e en explicar a súa vida. E a dos demais.
Pepiña Maruxiña quere voar conta a historia dunha xoaniña e como, a través da súa constancia e tenacidade, consegue esas ás que precisa para poder voar. Este conto está baseado na tradición popular de cantarlles ás xoaniñas, co obxectivo de recuperar esta tradición oral.
Esta actividade forma parte do programa Ler conta moito de dinamización lectora, da Rede Galega de Bibliotecas.
