Contacontos/Narración oral

Dúas exploradoras, despois das súas longas viaxes, quedan de reencontrarse no lugar que elas ben saben e a hora que xa saben para intercambiar historias das súas aventuras.

Sinopse: Un día pedíronnos silencio. Nós non o coñecíamos. Entón saímos a buscalo. Nada estaba quedo, todo tremía. Queriamos atopalo pero todo se movía, así que o silencio fuxía. Pero algo descubrimos, i é que se nos movemos vibramos e se vibramos sonamos. Así que logo de moito insistir en buscar o silencio e non atopalo, decidimos abanear o corpo ben forte e facer música.

Sesión baseada nas accións en inglés. Os cativos traballan as partes do corpo e unha selección de verbos de movemento.

Empregaránse cancións, xogos de mímica e coordinación, e xogos de vocabulario.

"KAMISHIBAI, en xaponés, quere dicir "teatro de papel” sen embargo, é moito máis que iso: todo un universo repleto de historias sinxelas pero ricas en sentimentos e ensinanzas. O kamishibai, orixinouse nos templos budistas de Xapón, onde os monxes, utilizaban os "emakis"; que en realidade eran uns pergameos no que combinaban escritos con imaxes, para compartir mensaxes con ensinanzas aos mais novos . Os contos narrados no seu Kamishibai, lévannos a unha viaxe a través de lendas e mitos de distintos lugares do planeta.

Contos e cancións para os máis cativos narrados con efectos sonoros, xogos onomatopeicos e libros de imaxes. Para escoitar á calor deses colos que arrolan como berces.

Contacontos para nenos de máis de 3 anos pola Compañía do Trinke-Trinke. Con esta activdade de narració oral, a biblioteca celebra o Día da Lingua Materna.

Contacontos para nenos oíntes e xordos de máis de 3 anos, co obxecto de levar a cabo na biblioteca actividades a prol da integración.

Historias de mortos, de caciques, de curas, de personaxes singulares… Baseado no libro Os contos de Joselín. Primeiros documentos sonoros do teatro galego (1929-1954), o espectáculo recolle a tradición dos contacontos a través da figura de Joselín, o narrador galego de máis éxito de todo o século XX. Cadaval, Celso e Guti funden as súas narracións e dan renda solta á súa capacidade de improvisación narrativa abordando temas de actualidade e establecendo, en colaboración co público, un circuíto de información alternativo.

Pavís Pavós centra o seu traballo na recuperación do xeito tradicional de contar contos, na investigación e recuperación das formas orixinais dos contos clásicos. Tamén inclúe nos seus espectáculos contos de nova creación e con formatos contemporáneos. Traballa desde 1996 en bibliotecas, colexios, asociacións, feiras do libro... con sesións de contos e obradoiros de animación á lectura para nenos, nenas e tamén para pais e nais. É membro da Rede Internacional de Contacontos.

Nesta sesión de narración oral os rapace e rapazas emprenden unha viaxe na percura da estrela Salgadiña de Fisterra que lles ensinará a coidar o mar a través dunha fermosa historia de amor que transcorre en distintos espazos da costa galega.