Conferencia/Mesa redonda

O salón de plenos do Concello de Lugo acolle a mesa redonda dedicada a Ramón Piñeiro organizada pola RAG para celebrar o seu centenario. Xosé Manuel Dasilva abordará achegas documentais para a biografía de Piñeiro, Henrique Monteagudo participará cunha intervención titulada "Ramón Piñeiro e a lingua galega" e Andrés Torres Queiruga falará do "compromiso integral e integrador" do homenaxeado. Modera Xesús Alonso Montero.

Consulta o programa

O ciclo de cultura contemporánea Nexos volve á Cidade da Cultura coa sesión A literatura portuguesa despois da revista Orpheu.

Neste primeiro encontro Nexos achegaronos aos tres dos principais fitos da literatura portuguesa do último século: o nacemento da revista Orpheu, da que se cumpre agora o centenario, a poesía excepcional de Herberto Helder, recentemente falecido, e a narrativa de Lídia Jorge, con presenza da propia autora para falarnos da súa obra e das súas lecturas.

Coincidindo coa exposición Arissa. A sombra e o fotógrafo. 1922-1936, o CGAC presenta un ciclo de intervencións e comunicacións que abordarán como a investigación e valorización de distintos arquivos fotográficos históricos permitiu establecer unha nova lectura e interpretación de diversos autores.

Conferencia a cargo de Lucie Sauvé, profesora titular do Departamento de Didáctica da Facultade de Ciencias da Educación da Universidade de Québec, en Montreal. Organizada polo Grupo de Investigación SEPA da Universidade de Santiago de Compostela e coa colaboración da Concellería de Medio Ambiente e Convivencia do Concello de Santiago de Compostela.

O arquitecto Antonio de Vega fala para o ciclo Monumenta da relación entre a paisaxe e a característica arquitectura popular de Santalla.

A participación en todas as actividades e concertos é libre e de balde.

O xornalista e músico Xurxo Souto realizará unha fermosa “barriografía” de Noia en conversa con diferentes veciñas e veciños protagonistas da actualidade cultural e social de Noia.

Este faladoiro forma parte da programación de Monumenta 2015, ciclo que pon en valor, un ano máis, os bens históricos e artísticos restaurados.

A participación en todas as actividades e concertos de Monumenta é libre e de balde.

Artes e interculturalidade, infancia e integración, e arte na terceira idade. Estes serán os tres puntos clave da xornada de conferencias que o Encontro Artes pola Integración celebra no Gaiás.

Unhas conferencias onde se verifica, avalia e proponse desde diferentes áreas do coñecemento como a pedagoxía, as políticas públicas, a socioloxía, a cooperación cultural e sobre todo desde as prácticas artísticas contemporáneas a inclusión de facer arte en comunidade como ferramenta vital e coherente co desenvolvemento das sociedades actuais.  

Nesta ocasión desenvolveránse as seguintes poñencias e actividades homenaxeando ao Nobel de Economía do 1994:

Álbum de fotos da visita de John Nash a Galicia
Jorge Mira Pérez, catedrático de electromagnetismo da USC.

Xogando con John Nash
Julio González Díaz, investigador Ramón y Cajal do Departamento de Estatística e Investigación Operativa da USC.

Nash o mergullador
José Carlos Díaz Ramos, investigador Ramón y Cajal do Departamento de Xeometría e Topoloxía da USC.

Dentro do taller do mesmo nome e organizado polo proxecto La Plantación.

Catedrático de Institucións Económicas na Facultade de Económicas da Universidade de Santiago de Compostela. Especialista en temas económicos e industriais de Galicia relacionados coa historia marítima e o patrimonio industrial galego.