Isabel Burdiel, catedrática de Historia Contemporánea da Universidade de Valencia, abre a nova tempada do seminario interdisciplinar O(s) Sentido(s) das Cultura(s) coa conferencia 'Historia, Literatura e Biografía'.
As relacións entre historia, literatura e biografía son as grandes áreas de traballo nas que Isabel Burdiel é unha especialista, centran a conferencia que impartirá no Consello da Cultura Galega.
A Comisión de Normalización Lingüística da Facultade de Filoloxía da USC organiza o debate “Que fala falas? Gheada, seseo e localismos no uso público?”, que terá lugar no Salón de Graos desta facultade. No acto intervirán Xosé Luís Regueira, catedrático de Filoloxía Galega da USC e membro da RAG; Paulino Novo, coordinador lingüístico da CRTVG e doutor en Filoloxía Galega; Lorena Pose, presentadora da TVG e licenciada en Xornalismo, e Federico Pérez, actor e licenciado en Filoloxía Galega.
Idoia Zabaleta explicará un percorrido vital que partindo de Azala, un espazo de creación situado no medio rural alavés, chega ata a Azalea, que é unha estrutura de produción experimental situada en calquera lugar. Para iso, e para poder explicarse con claridade, debe atravesar unha superficie de coexistencias, que baixo o nome de Azalerak, se refire a uns modos de facer onde continuamente desbordan os lindes do terreo e todo se confunde e unha deixa de saber xa exactamente onde está.
Entrada de balde, ata completar localidades.
L’animal a l’esquena nace da necesidade dos seus iniciadores María Muñoz e Pep Ramis, directores artísticos de Mal Pelo, de abrir unha estrutura de creación de danza a unha estrutura de rede baseada no intercambio con outros artistas e creadores.
Thomas Walgrave, director do Alkantara Festival, fará unha breve descrición da historia deste evento, evolucionando dunha plataforma de danza contemporánea ata un festival internacional e interdisciplinar. Nesta evolución xorden cuestión sobre o diálogo entre unha globalización e o seu soño dun mundo sen fronteiras dun lado, e a necesidade de contar as historias locais cunha lingua local do outro.
Entrada de balde, ata completar localidades.
Olga Mesa, coreógrafa e artista nada en Avilés, Mesa é unha das figuras da nova danza contemporánea española. Desde os 90, a súa busca dunha escrita do corpo ao mesmo tempo persoal e renovadora comprométea a asinar o lugar do íntimo dentro da representación, a través dunha construción onde a expresión e a percepción están aliadas. Instalada en Estrasburgo desde o 2005, onde é convidada como artista residente no Théâtre Pôle Sud, a artista desenvolve nas súas obras a escrita dunha dramaturxia experimental deliberadamente na fronteira entre a danza, o teatro, a instalación e o cine.
O libro ilustrado infantil é só unha mínima parte do traballo dos ilustradores: cartelismo, formatos dixitais, audiovisual e libro ilustrado para público adulto son algunhas das moitas posibilidades que gañan máis e máis importancia nos nosos días.
Charla con proxección de exemplos, a cargo dos ilustradores Marina Seoane, Alberto Guitián e Miguel Ruiz Sekone. Irá precedida da presentación ao público do libro Caderno AGPI 2015.
Análise dos inicios, o esplendor e o final do chamado Novo Hollywood
O xornalista Luís Menéndez Villalva, presidente da Federación de Asociacións de Xornalistas de España en Galicia, glosará as súas Viaxes polas identidades próximas (países celtas e lusofonía). Este pioneiro da Televisión de Galicia contará unha década de experiencias en 26 países.
Conferencia impartida por un membro do Equipo de Investigación de delitos Tecnolóxicos da garda Civil, José E. Torres Meira, e que versará sobre os perigos e bo uso de internet e das redes sociais.
