Conferencia/Mesa redonda

A cultura galega afronta constantes desafíos nunha sociedade en rede que vive profundas transformacións. Os retos no horizonte da vindeira década, marcados pola Comisión Europea na Estratexia Europa 2020, son moitos e variados. Abranguen estratexias de crecemento baseadas en sete piares, entre os que se atopa a axenda dixital que propón explotar mellor o potencial das tecnoloxías da información e da comunicación (TIC) para favorecer a innovación, o crecemento e máis o progreso.

Relatorio de Mª Xosé Queizán que pon fin ás actividades do programa do día Internacional das Mulleres en Ourense 2015.

Mª Xosé Queizán é Catedrática de Lingua e Literatura galegas. Escritora e polígrafa. Presidenta de FIGA e directora da revista cultural Festa da Palabra Silenciada.

Actividade coorganizada coa Asociación de Mulleres Separadas e Divorciadas de Ourense.

Víctor López-Rúa inicia a súa traxectoria artística a comezos dos anos 90, fórmase na Academia Lorenzo de Medici de Florencia e co Pintor Nino La Barbera en Roma. Realiza numerosas exposicións, destacando as de Casa de América en Madrid (1999), Galería Sen Madrid (2009), Sala exposicións El Águila, Madrid, Casa da Parra, Santiago DC., Museo de Arte Moderno de Santo Domingo (R.D.), Centro León. A súa obra forma parte de importantes coleccións públicas e privadas.

A profesora de Matemáticas da Universidade de Vigo Amalia Verdejo é a encargada do relatorio desta conferencia.

Encadrada dentro das actividades ao redor do Día Internacional das Mulleres

Coorganizada esta actividade pola Coordinadora local de Ourense da Marcha Mundial das Mulleres.

“Creo na creatividade como mellor ferramenta para diferenciarse da competencia e conseguir resultados”. Así o pensa Jaime Conde, que desde hai 20 anos goza e loita no mundo da publicidade a través da axencia que dirixe: Quattro IDCP. Considerada unha das corenta mellores axencias de España pola revista El Publicista, Quattro IDCP traballa para todo tipo de empresas.

"A prioridade non é facer locais “fermosos”, senón crear imaxe de marca e poñer en marcha negocios con éxito”. Esta é a carta de presentación de Óscar Santomé, deseñador de interiores con máis de dezaseis anos de experiencia. Desde hai cinco, puxo en marcha o seu propio estudo especializado en Contract, Óscar Santomé Diseño, no que une unha idea clara cunha paixón irrenunciable: o deseño e a creatividade como bandeira.

Neste 2015, FrutoDS cumpre dez anos. Unha década na que o que foi o primeiro estudo de deseño de produto en Galicia acumulou unha ampla experiencia que lle levou a colaborar con empresas moi diversas: de Finsa a R, Televés ou o Clúster de la Madera de Galicia; e a recibir o Premio Innovación AJE 2013 e primeiro premio nos A’Design Award 2013 polo seu colector Big.Bin.

Salva e Pablo, dous dos artífices da marca de deseño Rei Zentolo, inauguran os Venres Emprendedores, unha cita mensual con profesionais que no seu día  deron o paso e hoxe constitúen un caso de éxito.

Ao longo de catro meses, catro fondos coñecedores do tema que se cita, procedentes de catro entornos distintos, xunto con tres poñentes do país, que precederán ás intervencións do público, tratarán a propósito da relación existente entre a sociedade e a cultura nos nosos días.

Este ciclo de conferencias están dirixidas por Alfredo Conde e contan con  primeiro convidado con Bernardo Atxaga, que conversará con Xosé A. López Silva, Ramón Nicolás e Henrique Albarellos.

Poucos dubidan que a comida e a lectura son dous grandes praceres. E con frecuencia van da man. Así, o noso larpeiro favorito, don Álvaro Cunqueiro, dicía: “son as xentes da imaxinación, case sempre, as que comen mellor”. É certo, a historia da literatura está repleta de grandes comedores e bebedores, hedonistas consumados que se entregaron ao goce sensual do sabor, o aroma, a textura e a evocación. Ás veces polo camiño do exceso, como naquela película de Marco Ferreri, ás veces cunha contención sublimada e case espiritual.