Thomas Walgrave, director do Alkantara Festival, fará unha breve descrición da historia deste evento, evolucionando dunha plataforma de danza contemporánea ata un festival internacional e interdisciplinar. Nesta evolución xorden cuestión sobre o diálogo entre unha globalización e o seu soño dun mundo sen fronteiras dun lado, e a necesidade de contar as historias locais cunha lingua local do outro.
Entrada de balde, ata completar localidades.
Olga Mesa, coreógrafa e artista nada en Avilés, Mesa é unha das figuras da nova danza contemporánea española. Desde os 90, a súa busca dunha escrita do corpo ao mesmo tempo persoal e renovadora comprométea a asinar o lugar do íntimo dentro da representación, a través dunha construción onde a expresión e a percepción están aliadas. Instalada en Estrasburgo desde o 2005, onde é convidada como artista residente no Théâtre Pôle Sud, a artista desenvolve nas súas obras a escrita dunha dramaturxia experimental deliberadamente na fronteira entre a danza, o teatro, a instalación e o cine.
O libro ilustrado infantil é só unha mínima parte do traballo dos ilustradores: cartelismo, formatos dixitais, audiovisual e libro ilustrado para público adulto son algunhas das moitas posibilidades que gañan máis e máis importancia nos nosos días.
Charla con proxección de exemplos, a cargo dos ilustradores Marina Seoane, Alberto Guitián e Miguel Ruiz Sekone. Irá precedida da presentación ao público do libro Caderno AGPI 2015.
Análise dos inicios, o esplendor e o final do chamado Novo Hollywood
O xornalista Luís Menéndez Villalva, presidente da Federación de Asociacións de Xornalistas de España en Galicia, glosará as súas Viaxes polas identidades próximas (países celtas e lusofonía). Este pioneiro da Televisión de Galicia contará unha década de experiencias en 26 países.
Conferencia impartida por un membro do Equipo de Investigación de delitos Tecnolóxicos da garda Civil, José E. Torres Meira, e que versará sobre os perigos e bo uso de internet e das redes sociais.
Este xoves, 20 de novembro, terá lugar no auditorio do Consello da Cultura Galega a undécima edición do Simposio anual da Asociación Galega de Editores. Manuel Gago, Xosé Manuel Pereiro e Camilo Franco formarán parte da primeira das catro mesas programadas: "A cultura nos medios. O caso galego". Na segunda mesa da mañá, "O libro e a lectura na rede", participarán como relatores, Montse Dopico, César Lorenzo Gil, Raquel C. Pico e Nacho Alonso.
Luis Navarro, profesor titular do Departamento de Bioloxía Vexetal e Ciencias do Solo da Universidade de Vigo, falará da importancia que ten a transferencia de información entre científicos e sociedade.
Esta actividade forma parte do programa Mes da Ciencia en Galego.
Ramón Cid, profesor de Física e Química e profesor asociado no Departamento de Didáctica de Ciencias Experimentais da Facultade de Educación da USC, nos falará do CERN, o Laboratorio Europeo de Física de Partículas Elementaís.
Esta actividade forma parte do programa o Mes da Ciencia en Galego.
Que é o ADN? Que é o xenoma? O director do Instituto de Medicina Legal da Universidade de Santiago de Compostela Ángel Carracedo achegaranos algunhas respostas e falaranos do impacto que o coñecemento do xenoma das especies, particularmente do xenoma humano, está a ter noutras disciplinas como a xustiza, a medicina, a veterinaria, a bioloxía ou mesmo no coñecemento da nosa historia.
Entrada libre ata completar a capacidade.
Esta conferencia forma parte do ciclo de actividades do Mes da Ciencia en Galego
