Conferencia/Mesa redonda

Conferencia impartida por Pedro López Gómez sobre a investigación e a importancia das fontes documentais para o estudo da historia da Coruña no século XVIII; centrándose en institucións como o Concello, as academias, os monte píos e outras entidades relevantes; facendo un percorrido nas mesmas da man de persoeiros relevantes na vida cultural, política e económica da cidade como o ilustrado José Cornide
Día 12 de xaneiro, ás 20 h., no salón de actos.

Nesta ocasión os relatorios son:

• O que aconteceu cando Anxo lle pediu a Barbie aos reis magos a cargo de Alba Alonso Feijoo - Mestra.
• Está toleando o tempo ou só o parece? a cargo de Juan José Taboada Hidalgo - Coordinador de predición de MeteoGalicia.
• Sinais do pasado. Enigmáticas marcas arqueolóxicas na paisaxe... ou non tanto a cargo de César Parcero Oubiña - Investigador do Instituto de Ciencias del Patrimonio (Incipt) CSIC.

Santiago de Compostela, cidade turística por excelencia, estase a beneficiar dun incremento acelerado no número anual de visitantes. Esa inxección de recursos é un maná moi prezado en tempos de crise, especialmente para os sectores de restauración, hostalería e comercio. Con todo, e á luz do sucedido noutras latitudes, esa afluencia masiva podería ter consecuencias non desexables. A especialización turística leva en ocasións aparellada un empobrecemento dos usos urbanos, así como a expulsión de poboación e de formas de vida autóctonas.

O 23 de abril de 2016, coincidindo co Día Internacional do Libro, celebramos o 400 aniversario do falecemento de William Shakespeare e Miguel de Cervantes, cumios das letras en lingua inglesa e española. Non son poucos os estudosos da literatura que apuntan similitudes entre as súas obras. Tampouco faltan historiadores que tracen paralelismos entre as súas vidas. A modo de exemplo: ningún dos dous tivo formación universitaria e ambos foron perseguidos pola xustiza. Até aquí as coincidencias.

A recente crise do sector inmobiliario asestou un duro golpe ao oficio de arquitecto, obrigando a repensar os seus enfoques e prioridades. O anterior modelo, escorado cara o espectáculo, cedeu paso a intervencións máis mesuradas, eficientes, sustentables e ancoradas no contexto social. Esa reformulación coincide en Galicia co agromar dunha extraordinaria xeración de profesionais que están a obter recoñecemento fóra das nosas fronteiras.

Desde o mesmo instante en que naceu o cine, poderiamos trazar unha (hipotética) divisoria entre dúas grandes correntes. Aquela que buscou entreter ás masas mediante a ficción e aqueloutra que quixo contar unha verdade, sexa intimista ou como forma de denuncia. O cine como evasión ou como testemuña.

O programa Conversas Nortear ofrece un encontro literario galego-portugués cos escritores Ledicia Costas e Pedro Guilherme-Moreira, que contará tamén coa participación do público durante o coloquio que seguirá ás intervencións dos dous autores.

Nesta ocasión os relatorios son:

• Que carallo teñen as redes sociais? a cargo de Antonio Rial Boubeta - Profesor titular de metodoloxía da ciencias de comportamento da USC.
• Patentes e Star Wars: Por que o imperio perdeu a guerra? a cargo de Fernando Pardo - Técnico da área de valorización, transferencia e emprendimiento da USC.
• Pero, chegou o home realmente á lúa? a cargo de Celedonio Fernández Rodríguez  -  Licenciado en Física pola USC.

Conferencia a cargo de Xurxo Martínez González, doutor pola Universidade de Vigo en Filoloxía Galega. Especialista no século XIX de Galicia, particularmente no Rexurdimento coa cidade de Vigo como marco (residencia da familia Chao), tamén ten traballado sobre a historia do nacionalismo galego.

Co gallo da inauguración da súa exposición Constelacións do intanxible,o director do CGAC, Santiago Olmo, co artista Luis Gónzalez Palma que amosta o seu universo temático nesta exposición.