A contaminación lumínica fixo desaparecer o ceo estrelado das nosas cidades e pobos. A iluminación artificial mal deseñada ten ademáis outros efectos negativos. Qué podemos ou debemos facer?
Acércanos a violenta extinción dalgunas estrelas, mostrando a súa evolución e rápido fin, facendo que en ocasións sexa a única forma que temos de ver as estrelas de outras galaxias.
Organizado por AstroVigo e a Fundación Ceo, Ciencia e cultura (FC3) e impartido por Pablo J. Martínez Alemparte.
Unha viaxe científica con Xurxo Mariño arredor dos momentos máis sorprendentes e interesantes da viaxe do relator arredor do mundo, visitando desertos, glaciares, volcáns, ríos, selvas e montañas.
Actividade que forma parte da programación do Mes da Ciencia en Galego nas Bibliotecas.
Salón de actos.
Cando se cumpren 150 anos da publicación de Alicia no país das marabillas, a Cidade da Cultura celebra unha nova sesión especial de 'Nexos convida...' que terá como protagonista a Teresa Barro, autora da tradución ao galego do libro de Lewis Carroll, do que tamén celebramos os 30 anos da súa publicación. Un traballo, realizado xunto ao seu marido Fernando Pérez-Barreiro, que lle valeu o Premio Nacional de Tradución de Libros Infantís e Xuvenís.
Como preámbulo e presentación da estrea de Siempre/Todavía, as Xornadas de Música Contemporánea propón un encontro cos seus creadores…
O CGAC acolle unha conversa entre/con Alberto Corazón (artista plástico) e Alfredo Aracil (compositor), ilustrada con imaxes da obra, na que se pode descubrir a xénese e o proceso creativo desta “ópera sen voces”.
Con total seguridade contribuirá a un goce pleno da estrea de Siempre/Todavía que estas Xornadas de Música Contemporánea de Santiago comparten co Museo Universidad de Navarra (MUN).
O salón de plenos do Concello de Lugo acolle a mesa redonda dedicada a Ramón Piñeiro organizada pola RAG para celebrar o seu centenario. Xosé Manuel Dasilva abordará achegas documentais para a biografía de Piñeiro, Henrique Monteagudo participará cunha intervención titulada "Ramón Piñeiro e a lingua galega" e Andrés Torres Queiruga falará do "compromiso integral e integrador" do homenaxeado. Modera Xesús Alonso Montero.
O ciclo de cultura contemporánea Nexos volve á Cidade da Cultura coa sesión A literatura portuguesa despois da revista Orpheu.
Neste primeiro encontro Nexos achegaronos aos tres dos principais fitos da literatura portuguesa do último século: o nacemento da revista Orpheu, da que se cumpre agora o centenario, a poesía excepcional de Herberto Helder, recentemente falecido, e a narrativa de Lídia Jorge, con presenza da propia autora para falarnos da súa obra e das súas lecturas.
Coincidindo coa exposición Arissa. A sombra e o fotógrafo. 1922-1936, o CGAC presenta un ciclo de intervencións e comunicacións que abordarán como a investigación e valorización de distintos arquivos fotográficos históricos permitiu establecer unha nova lectura e interpretación de diversos autores.
Conferencia a cargo de Lucie Sauvé, profesora titular do Departamento de Didáctica da Facultade de Ciencias da Educación da Universidade de Québec, en Montreal. Organizada polo Grupo de Investigación SEPA da Universidade de Santiago de Compostela e coa colaboración da Concellería de Medio Ambiente e Convivencia do Concello de Santiago de Compostela.
O arquitecto Antonio de Vega fala para o ciclo Monumenta da relación entre a paisaxe e a característica arquitectura popular de Santalla.
A participación en todas as actividades e concertos é libre e de balde.
