A biblioteca acolle un ciclo de conferencias no marco do Programa Filosofía nas Bibliotecas, que ten como obxectivo fomentar e apoiar a difusión do pensamento filosófico nas bibliotecas públicas galegas.
Actividade que consta de dúas partes:
Feitura e xéneros dos traxes de faena tradicionais. O traxe mariñeiro
Impartida por Andrea Menéndez
Charla sobre tecidos tradicionais e os seus usos no traballo vencellados ao mar.
O arqueólogo, historiador e experto en toponimia, falará sobre toponimia e documentos: o baleirado documental do material existente nos arquivos públicos e privados, incluídas as hemerotecas, coa recollida da tradición oral.
Tratamento da toponimia, os nomes da terra e do mar en trance de desaparición debido aos cambios económicos e sociais das últimas décadas.
O artista plástico e xornalista Siro López, presidente do Club de Prensa de Ferrol, percorre a biografía de Cao e o seu facer artístico, ilustrándoos con imaxes das distintas etapas da súa obra.
Trátase de dar a coñecer a vida e a obra dun artista que acadou no seu tempo prestixio internacional e segue a ser un descoñecido na súa terra.
Como complemento á exposición que conmemora o centenario do nacemento de Miguel González Garces, o profesor e escritor Xesús Manuel Valcárcel falará das distintas facetas da vida e da obra do poeta así como a súa valoración na posterioridade e na cultura.
Vicente Álvarez Areces, expresidente do Principado de Asturias, Darío Villanueva, director da Real Academia Española, e José Gómez Alén, experto na figura do artista plástico, falarán da personalidade artística e cultural, da ligazón sociopolítica e dos vínculos literarios de Xaime Quessada.
Organizada pola Fundación Xaime Quesada.
Bernabé González Fernández, asesor e consultor en internacionalización empresarial, aborda a relación existente entre a cultura, nun sentido amplo, e a promoción internacional dos Estados e o seu aparello institucional e administrativo.
Rematará cunha rolda de debate e preguntas.
Non poderiamos comprender a poesía de Manuel María se non comprendemos que toda a súa obra -e non só a poética- é coherente co seu compromiso político e social, coa súa identificación co país e a súa militancia nacionalista, mais tamén coa súa propia experiencia vital, coas súas angustias, as súas dúbidas e incertezas, os seus soños, as súas vivencias máis íntimas, a súa paixón por gozar de todo o que a vida nos ofrece e o seu pensamento radicalmente humanista. Creo que só así podemos coñecer e comprender a Manuel María en toda a súa dimensión humana e creativa.
Márlio Barcelos, leitor de portugués do departamento da Facultade de Filoloxía Galega da Universidade de Santiago de Compostela desenvolve un coloquio sobre a situación actual no Brasil. Participarán profesores e estudantes da USC e máis outros membros da comunidade brasileira afincada en Compostela. Intervirán:
Carmen Villarino - profesora (mediadora)
Fernando de Oliveira - investigador
Márlio Barcelos - profesor
Vivian Rangel - xornalista
Salón de Actos. Entrada libre ata completar a capacidade da sala.
