Cultura no Camiño

Ilusionismo para disfrutar toda a familia, con números sorprendentes, o humor e a participación dos pequen@s e maiores están garantizados en todo momento. Preparados para entrar nunha experiencia inolvidable? Vén ilusionarte.

As percusións da banda Odaiko están listas para armar unha festa musical con ritmos de todo o mundo.

Los Camachuelos é unha banda de versións de verdade. Unha formación con distintas personalidades -Rumba, Ska, Funk, Rock, Reggae, Disco, Indie, Cumbia-, que se mesturan dando un aire fresco e actual a cada cover, sempre respectando a esencia musical das cancións orixinais. Nos seus concertos poderás bailar, cantar e gozar de éxitos atemporais que che farán vibrar como a primeira vez que os escoitaches, pero á forma dos Camachuelos.

Bruxa en Prácticas é un espectáculo de maxia que combina ilusionismo, humor e reflexión social. A protagonista, unha moza aprendiza de bruxa, embárcase nunha viaxe máxica chea de desafíos e aprendizaxes con moito humor. 

A través dos seus trucos de maxia, desmonta estereotipos de xénero e promove a igualdade, demostrando que a maxia non ten xénero e que todos podemos ser protagonistas da nosa propia historia.

Neste programa, o grupo Alfolí integrado pola soprano Gemma Román e os instrumentistas Roberto Santamarina ao violín barroco, Víctor Blanco ao harpa de dúas ordes e guitarra barroca e Pablo Ruibal a viola da gamba, preséntanos un compendio de música irlandesa, escocesa e inglesa do barroco. As broadside ballads eran cancións populares interpretadas nas rúas e casas das cidádes e vilas británicas dende o século XVI ata principios do século XX. O programa complétase con obras diversas que veñen dulcificar ese ácido e humorístico sabor da melodía popular británica do Barroco.

Un espectáculo que xira ao redor dunha roda de afiar dos anos trinta, herdada polo Mago Teto dos seus ancestros. O afiador, un oficio que tivo o seu apoxeo nos séculos XVIII e XIX (e practicamente extinguido no século XX) desprazábase centos ou milleiros de quilómetros por uns meses, mesmo anos, coa única compaña da súa roda. Miles de historias e aventuras doutros tempos chegan á escena coa axuda do ilusionismo. Para os efectos de maxia deste espectáculo empréganse elementos típicos dos afiadores como poden ser coitelos, tesoiras, navallas e paraugas.

Desde o humor e o circo este espectáculo toma como punto de partida o universo creado por dous pallasos que deciden casar. Que pode pasar?

Despois de 200 funcións con Saaabor! chega unha nova proposta cómica dirixida por Avelino González e protagonizada por Félix Rodríguez e Fran Rei sobre o mundo da gastronomía e a alimentación saudable. Máis Saaabor! mestura música en directo, maxia, humor, moito ritmo e participación do público.  A nova cociña mundial abre o seu novo establecemento na vosa localidade e ides ter que probalo!

Un menú elaborado en directo coa participación do público digno dos maiores recoñecementos do mundo culinario.

Félix Rodríguez, Olivier Cano, Lydia Botana e Óscar Prieto forman o Gran Cuarteto da Familia Bocaprier.

Nunha pequena casa dunha remota vila dun país descoñecido vive a Familia Bocaprier: unha longa estirpe de músicos de dubidoso prestixio internacional criada entre todo tipo de instrumentos.

O Planeta M’BURRO é (como o nome ben di) moi aburrido. Alí todo é monótono, todo o mundo viste igual, as comidas saben todas ó mesmo, as familias teñen sempre os mesmos compoñentes, ... Cando un M’burrido ven de expedición intergaláctica ao noso Planeta Terra, observa que aquí nos gusta moito a diversidade, ... e o máis curioso, as familias non son todas idénticas: Hai familias cunha nai e un pai, familias con dúas nais, con dous pais, familias monoparentais, ...