Cultura no Camiño

A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.

O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.

Imaxe: 
Galego
Mostrar en barra lateral: 
SI mostrar en barra lateral

Onde viven os monstros

Adaptación para monicreques do clásico de Maurice Sendak, acompañada de pequenos contos monstruosos:

“Onde viven os monstros”

Nesta historia, chea de humor e diversión, Max crea na súa habitación un mundo imaxinario onde é libre. Libre mesmo para ser monstro, o máis monstro de todos. Na súa aventura, desafía aos seus propios medos, a frustración, a rabia, a incomprensión ou o temor ao rexeitamento. Finalmente, atopar en falta o amor da súa nai faino regresar a casa e comprende que sempre hay que respectar aos demais.

Galego

Enredos, abraios e vocábulos do país

Unha fonda acción máxica e cómica, de ilusionismo, sostida na nosa fermosa e culta lingua.

Un percorrido de transmisión da xenuína riqueza: de onde vimos e cara onde imos como sociedade.

 

Un movemento de maxia, humor e participación do público que xuntamente, serán testemuñas e colaborador@s do fío condutor desta malleira de información:

a pescuda, a xeito de espectáculo, da identidade desta nosa cultura, apañando no esquecido para non esquecer.

 

Palabras con pouco uso ou consumidas ao pouco polo xeito de vida, son a cerna desta obra de maxia:

Galego

Asdomare

Este espectáculo acaba de saír da fábrica en pleno confinamento e quere darlle continuidade a O Pozo das Señoras. ASDOMARE son as mulleres do mar, ou o mar de mulleres. É a senda dos faros que alumean A Maruxaina, A pedra do cu da raíña, Os cantos das conserveiras... Todo o que o mar quita, todo o que o mar deixa.

Un espectáculo de narración oral e música a cargo da consolidada parella formada por Vero Rilo e Sonsoles Penadique.

Galego

A libraría máxica

Atención donas e cabaleiros chega a súa vila a libraría máxica. Nela, dous simpáticos libreiros interpretados por Bea Campos e Marcos Alonso, ofreceranlle o libro perfecto, xa que teñen a capacidade de atopar o conto necesario para cada persoa e ocasión! A libraría máxica é o un espectáculo de Inventi Teatro para toda a familia. Unha divertida peza teatral que rinde homenaxe ao pequeno comercio, as tendas de barrio, e que achega aos nenos e nenas o amor pola literatura e a lingua galega. O espectáculo pode programarse tanto en rúa como en sala.

Galego

Pequeño cabaret infantil

Un orixinal espectáculo para nenos e nenas de todas as idades que consiste en a instalación dun vistoso teatrillo na túa rúa, praza ou teatro, a modo de unha barraca de feira ou de circo antigo e no que o mestre de cerimonias "Pedrito Mendrugo" e a súa pulga "Jacinta Florette" farán as delicias dos máis pequenos e tamén dos máis creciditos transformando algúns contos populares desde un punto de vista moito máis cómico e actual.

Galego

Volta ao xogo

TIAM Gz combina iso que a xente tanto bota en falta, e iso que á xente tanto lle gusta: positividade, colectividade e xustiza social. TIAM Gz combina nos seus temas compromiso e festa. A súa música leva ao público dende as cancións máis reivindicativas ata as sonoridades máis bailables. “Volta ao xogo” é so un adianto de todo o que está por vir: un novo EP que sairá en verán con sos electrónicos. Ata o momento, TIAM Gz contaba cun álbum chamado [De] Construción (2021) no que se mesturan diferentes estilos: hip-hop, pop, acústica, trap, etc.

Galego

Concerto en acústico

Silvia Penide celebra unha xira moi especial. XX Anos de carreira musical. Acaba de recibir os premio "Alas en tus pies" no Hostal dos Reis Católicos pola súa traxectoria profesional. E acadou en 2016 e 2020 os Premios Martín Codax nos apartados de Indie Pop e Canción de autor, estilos nos que se move durante os seus directos. Tamén puxo a música na Gala dos Premios Mestre Mateo 2023.

É un concerto en lingua galega pero moitas das cancións son en castelán. As presentacións e algunha das cancións son en galego.

Galego

Vacacións en Ornanda

Vacacións en Ornanda é o último traballo discográfico de Momboi. Nel, a banda colle a tenrura por bandeira e transita pola beleza dos lugares comúns ao compás de medios tempos e pasaxes melódicas. En total, 12 cancións que a banda compartiu xa nos seus directos, que gravaron no estudo de MaySound Producións con Ángel Morandeira e masterizaron con Cem Oral en Berlín. “As letras e a música deste disco buscan conectar co medio natural e co noso lado máis humano”.

Galego

Na lírica Emoción

A Quenlla, unha vez constituídos comezan unha nova andaina e parten da musicalización e gravación dos 10 temas de Martín de Padrozelos, quizais un dos primeiros trobadores da nosa lírica medieval. Un trobador no Camiño que nos sorprendeu con 9 cantigas de amigo e 1 de amor. Feita a gravación, estamos a espallar esa obra e a realizar concertos de variada temática e con temas antigos e de nova incorporación, tamén con novos autores.

Galego

Páxinas

Subscribirse a RSS - Cultura no Camiño