Cultura no Camiño

"The Show Moscón" é un circo ambulante de "varietés", presentado por un moscón gordo e rollizo. Un marabilloso circo, representado por un armario que abre as súas portas para mostrar os diferentes números que se haxan no seu interior. Nace como  homenaxe ás diferentes escolas e técnicas de manipulación, aprendidas ao longo destes anos e utilizadas nos seus distintos traballos de teatro e televisión, así como, a través da inspiración do traballo doutras compañías de teatro e circo como: Hugo & Ines, GaiaTeatro, Cia O retrete de Dorian Grey, Jordi Bertran Company ou Meigo Lioz Shem, 

"Stand Up!" é a nova aventura de Danny Boy-Rivera, unha miscelánea de rutinas humorísticas que conforman unha contundente oda ao inconformismo. Un show de stand up comedy no que Danny empúxanos á súa peculiar visión da vida, vista como unha travesía de medos e paixóns comúns na que nos embarca partindo desde a confesión máis descarnada da súa realidade persoal ou a fantasía onírica máis inverosímil, sen perder en ningún momento o sorriso durante a viaxe.

A Roda é un conxunto representativo da música popular galega, a música dos nosos cancioneiros, unha música que forma parte do imaxinario galego e do noso patrimonio inmaterial. O concerto do grupo A Roda, pretende promocionar o coñecemento “vivo” da canción popular galega así como fomentar o uso da lingua e a súa dinamización. O espectáculo é integro en galego.

Unha mostra da nosa terra galega coa actuación do actor BRUXO e do seu meiga que invocarán aos Deuses Celtas a través do lume, a música e a forza escénica, onde se mesturan a tradicional queimada coas novas tendencias escénicas. Conservando en todo momento a exaltación da nosa terra galega a través dos bruxos e bruxas, da Santa Compaña, da Queimada, etc. Os actores interactúa co público facéndoo partícipe do espectáculo.

Conta contos  teatralizado e musicalizado. Moi participativo e divertido.

A Maxia do Mago Rafa é recoñecida nos seus máis de vintecinco anos de traxectoria artística pola súa maxia orixinal e o seu humor desenfadado, que se afasta da maxia máis convencional. En todos os seus espectáculos hai varios denominadores en común; humor, tenrura,  unha excelente técnica interpretativa, unha fantástica selección musical, unha escenografía moderna e espectacular e maxia moi orixinal e impactante que comunica a través do absurdo e do cotián.

Moitos definen os seus espectáculos como "A Maxia diferente, a próxima e a de verdade".

Unha proposta de narración oral para público adulto que reivindica a literatura, a música e a poesía de transmisión oral co gallo das Letras Galegas 2025. As narradoras Atenea García e Vero Rilo trasladan ao escenario o legado e a voz das que non calaron, das que cantaron e bailaron. Os contos ás veces son coma as cereixas, cando botas un á boca parece imposible deixar de botar máis. E así, coma a vida e a amizade, nace esta proposta: botando os contos á boca, un detrás do outro.

Henriko é un peculiar feiticeiro, mago, bruxo, ¿charlatán? que sente que realiza trucos incríbels. Proezas que superan o entendemento humano. Pero en realidade é unha fraude de mago ao que mesmo os nenos lle cazan os trucos. Aínda así, sendo o único que segue crendo na súa maxia, ten a caradura de continuar co espectáculo como se todo estuviese a saír segundo o planeado. Pero trala aparencia deste desastroso feiticeriro agóchase un veterano malabarista que realizará arriscados xogos con coitelos e perigosos equilibrios.

Claudia Abril (voz e percusións)  Marina Carpente (violín e voz) e Hugo Abril (Guitarra clásica) integran este proxecto no que melodías tradicionais galegas e ibéricas son adaptadas a sonoridades actuais con certa intimidade, personalidade e frescura. Abril é unha proposta de folk contemporáneo na que instrumentos de música tradicional como a pandeireta, o pandeiro ou o violín folk dan lugar a un coidadísimo repertorio que contribúe a poñer en valor a música tradicional galega sen deixar de lado a modernidade. Abril é tradición renovada; sons de raíz en harmonía co presente.

Integrantes do grupo

Diego Piñeiro: voz, guitarra acústica e guitarra eléctrica.
Iván Piñeiro: voz, guitarra acústica e harmónica.

Os Piñeiros é o nome artístico dos xemelgos Iván e Diego,que desde nenos xogaban á música xuntos. O grupo ten influencias de Rem, Europe, Bob Dylan, Creedence, Michael Jackson, Lennon, Bob Marley, Fito, etc......

Premios

Diego Frikipaldi :
Gañador do concurso Rock in Cambre 2015 e 2016