Xornada/Congreso

Monumenta, andar con arte é un programa de actividades culturais que se desenvolve ao redor da acción de camiñar e da experiencia da andaina como o mellor e o máis antigo dos xeitos de explorar e de vivir o territorio. Con este novo horizonte, Monumenta avanza un paso máis á hora de mostrar, difundir e contar o noso patrimonio material —igrexas, castros e outros monumentos e lugares históricos— desde as achegas do patrimonio inmaterial, que é a raíz do seu significado.

O Museo do Pobo Galego, o Grupo de Investigación Lingüística e Literaria Galega (ILLA) e a Revista Galega de Historia Murguía, coa colaboración da Consellería de Cultura e Educación a través das secretarías xerais de Política Lingüística e de Cultura, organizan este simposio conmemorativo do centenario da creación das Irmandades da fala (1916-1931), primeiras organizacións do nacionalismo galego.

A Real Academia Galega xunta ao longo de tres tardes máis dunha vintena de persoas expertas en distintos aspectos da obra do protagonista do Día das Letras Galegas de 2016.

O Simposio Manuel María continúa a celebración do ano dedicado ao poeta chairego cun programa, aberto a todo o público, no que os relatorios e mesas de debate comparten cartel co recitado dos seus versos, e que concluirá coa proxección do documental sobre o homenaxeado Eu son fala e terra desta miña terra, da académica Margarita Ledo Andión.

O Quisco Afonso, na Coruña, albergará os actos dun evento que se convoca co lema Literatura Dramática e Teatro Nacional e no que participarán tanto os membros da asociación como outros creadores interesados no xénero teatral e que estará aberto ao público.

A mañá, ás 12 horas, estará dedicada ao encontro entre literatos, nun debate sobre "A Literatura Dramática galega na actualidade".

A cultura e os contidos culturais son un eixe central do consumo e do uso de Internet na actualidade, tanto en Galicia como noutras partes do mundo. O abaratamento de custes e as facilidades de acceso posibilitan que nos últimos anos observemos en Internet un importante incremento de cibermedios e servizos culturais iniciados con accións de emprendemento, por individuos ou pequenos equipos que exploran un espazo non só de lectores, senón de sustentabilidade económica e social.

"O galego é un mundo" é un programa da Secretaría Xeral de Política Lingüística para alumnado de centros educativos dependentes da Consellería de Cultura, Educación e Ordenación Universitaria. Con vocación de continuidade, na súa primeira edición chegará a 12 centros de educación secundaria. A iniciativa ten como obxectivo fomentar nos centros de ensino a consciencia da diversidade lingüística e do multiculturalismo e contribuír a erradicar os prexuízos existentes con respecto ao galego.

Este encontra acolle dúas interesantes charlas no CGAC.
A entrada é libre e de balde.

- 11:20 BAMBINOMONKEY [Animación/Publicidade] 
Ignacio Maroto, experto en deseño de personaxes, falará da súa traxectoria e traballo, cunha breve sesión de pintura dixital en directo.

- 13:00 XOSÉ VIZOSO [Produto/Cartel/Editorial] 
A través dun coloquio co autor faremos un percorrido polo seu traballo como deseñador en Sargadelos, cartelista e ilustrador.

aRi(t)mar galiza e Portugal é unha iniciativa da Escola Oficial de Idiomas de Santiago de Compostela, que celebra agora a súa primeira edición, e ten por obxectivo dar a coñecer e difundir a poesía e a música editada en Galicia e en Portugal, así como achegar a cultura e a lingua dos dous países para o aproveitamento da lingua portuguesa e vínculos coa lusofonía . 

O certame consta de catro categorias: Mellor tema musical galego, Mellor tema musical portugués, Mellor poema galego e Mellor poema portugués. 

A Secretaría Xeral de Política Lingüística colabora co Consello da Cultura Galega e coa Fundación Galicia Empresa na organización deste encontro que quere analizar, non só o panorama xeral da Responsabilidade Social Corporativa (RSC), senón tamén como se incorpora no caso de Galicia unha orientación cultural e lingüística que interpreta a RSC como vía de xeración de valor para todos os grupos de interese e para mellor colaborar cara a un desenvolvemento sostible.

O cancioneiro popular galego pervive na memoria colectiva grazas á transmisión oral. Esta herdanza musical foi coidadosamente recompilada, analizada e clasificada por recoñecidos etnomusicólogos: Casto Sampedro, Jesús Bal y Gay e Eduardo Torner, Colectivo Fuxan os Ventos, Dorothe Schubart e Antón Santamarina, entre outros. A maioría destas cancións e danzas tradicionais foron recollidas no medio rural galego nunha época na que tiñan unha función intimamente ligada á vida comunitaria.