A Secretaría Xeral de Cultura, a través da Subdirección Xeral de Arquivos, convoca o curso “Os arquivos e a información nos medios sociais” que se impartirá os días 3 e 4 de outubro na Cidade da Cultura de Santiago de Compostela, na sala 1 do edificio da Biblioteca e do Arquivo de Galicia.
O CGAC comeza o curso académico cunha nova edición do Filocafé no CGAC. O primeiro domingo de cada mes ás 18:30, desde setembro ata xuño (agás nos meses de decembro e xaneiro), o CGAC organiza un filocafé na súa cantina. Os filocafés son conversas públicas cun enfoque filosófico nas que poden participar todas as persoas interesadas en intercambiar inquietudes ou puntos de vista desde calquera disciplina ou nivel de coñecemento.
Nesta segunda mesa de debate aor redor das Irmandades da fala interveñen Margarita Ledo, Carme Vidal e Xan Carballa.
Intervencións:
Margarita Ledo: Pensar un modelo de comunicación.
Carme Vidal: As mulleres no voceiro das igualdades.
Xan Carballa: A prensa, o escaparate das Irmandades.
PROGRAMA (desde as 20h do 15 de xullo):
- Salutación: Ana Blanco
- Presentación do libro do IV Premio de Poesía Escolar Quéimase todo o escrito: Pati Blanco, director de comunicación El Corte Inglés Galicia
- Benvida ao cadro Árbore do monte de Ovidio Murguía: Ángeles Tilve
- Lembranza de Manuel María: X. L. Méndez Ferrín
- Poetas con Rosalía: Daniel Souto Pazó, Marieta Orol Chao, Marisol Mejuto Preto, Xohán Xosé Fernández Abella, Helena Salgueiro e Xavier R. Baixeras
Este simposio reúne a unha serie de destacados conservadores, científicos e historiadores da arte participantes no Programa Catedral de Santiago, na compaña dun selecto grupo de recoñecidos expertos internacionais.
A Axencia Galega das Industrias Culturais (Agadic) volve colaborar co Curso de Medios Audiovisuais de Celanova (CeMAC), que desenvolverá a súa décimo terceira edición no Auditorio Ilduara da vila ourensá baixo o título ‘Audiovisual galego en feminino: singularidade e diversidade’.
Dirixido por Keith Payne e Patricia Sánchez, impúlsase unha nova proposta cuxo primeiro obxectivo é converterse en plataforma para o recoñecemento das mulleres na poesía e visibilizar a súa faceta creativa. Neste sentido, Vigo acollerá a editoras e poetas indispensables, como Chus Pato, Míriam Reyes e Ana Gorría.
O Instituto de Ciencias da Educación (ICE) da Universidade de Santiago de Compostela e o Centro Ramón Piñeiro para a Investigación en Humanidades (Xunta de Galicia), no marco do proxecto de investigación “Tematoloxía e métodos. As guerras na narrativa xuvenil no Marco Ibérico” (proxecto cofinanciado por MINECO_FEDER), convocan este congreso, de carácter multidisciplinar, para que estudosos e especialistas interesados no tema poidan compartir as súas investigacións.
O congreso constará de conferencias, mesas de debate e coloquios, entre outras actividades.
Nesta edición do programa Poetas itinerantes a poesía galega e vasca dialogarán nas voces de Miren Agur Meabe, Leire Bilbao, Felipe Jauriste, Gonzalo Hermo, Dores Tembrás e Manuel Rivas.
Promovido polo Instituto Etxepare, o Instituto Ramón Llull e o Consello da Cultura Galega, este recital forma parte dun proxecto iniciado en Barcelona en 2015 que procura tender unha ponte máis cara un futuro cultural e multilingüe.
Terceira quenda das Xornadas de cinema, viño e cultura, que nesta ocasión está dedicada a Lisboa e a Fernando Pessoa, ilustrada polo filme Sostiene Pereira, onde Marcelo Mastrioianni é protagonista.
