AGAPI (Asociación Galega de Produtoras Independentes) celebra unhas xornadas dedicadas ao Audiovisual.
Baixo o título Novas formas de produción trataranse temas como: Crowdfounding, Transmedia e net strategist e Branded content.
Esta xornada está subvencionada polo Ministerio de Educación, Cultura e Deporte e conta co apoio da Fundación Cidade da Cultura, Xunta de Galicia e EGEDA (Entidad de Gestión de Derechos de los Productores Audiovisuales).
Cando Maruja Mallo regresa a Madrid despois dun longo exilio ten que inventarse de novo. O silencio impuxérase e xa ninguén lembraba aquela artista que participara da cultura emerxente e entusiasta dos anos trinta e transgredira as normas do seu tempo.
Na intervención, farase unha aproximación á biografía de Maruja Mallo coa luz da memoria, atopándonos cunha muller cunha poderosa capacidade de crear, irreverente, valente, atrevida e moderna e comprometida cos ideais de liberdade que a levaron ao exilio e que se reflicten na súa propia obra.
Homenaxe a Manuel María é un recoñecemento que lle realiza O Galo Asociación cultural ao poeta da Terra Chá. No acto entregarase a Saleta Goi (viúva do homenaxeado e presidenta da Fundación Manuel María) e á Casa-Museo Manuel María un cartafol artístico da autoría do pintor Nolo Suárez, actualmente vicepresidente da Agrupación Cultural Galo. Por outra banda, Alberte Ansede, secretario da Fundación Manuel María, falará sobre o legado do poeta da Terra Chá e tamén se proxectará un audiovisual sobre a súa vida.
A cultura galega está no mundo con voz propia. A súa proxección ten cada vez máis nodos de conexión na sociedade rede e as súas manifestacións merecen múltiples visións e interpretacións. Pero unha sociedade enredada, en constante cambio e marcada por grandes transformacións, esixe periódicas reflexións que nos permitan analizar o que facemos e como estamos no mundo, neste caso a partir da ollada de profesionais que viven e traballan lonxe da terra onde naceron.
Sentida homenaxe ao mestre e escritor Agustín Fernández Paz.
Na gala proxectaranse diferentes partes dun documental sobre as súas vivencias na zona de Ferrolterra e haberá actuacións musicais da man de Guadi Galego, María Manuela, Xabier Díaz, BellónMaceiras, Mini e Mero, Miro Casabella e A banda da Loba.
O congreso, en cuxa organización colabora o Centro Ramón Piñeiro para a Investigación en Humanidades da Secretaría Xeral de Política Lingüística, inclúe relatorios impartidos por máis de 60 especialistas de referencia no ámbito internacional e comunicacións do persoal investigador das áreas dos estudos literarios, históricos ou filosóficos, que darán a coñecer as últimas novidades sobre a materia dende unha perspectiva transversal.
A súa figura, o seu legado e a súa posta en valor. A xornada Camilo José Cela. O centenario dun Nobel abordará as múltiples caras do escritor galego: novelista, articulista, dramaturgo, poeta, académico… pero tamén editor, pintor, coleccionista ou actor. No marco da exposición Camilo José Cela 1916-2016. O centenario dun Nobel.
Co gallego do centenario das Irmandades da fala a Real Academia Galega organiza estas mesas de debate para falar das Irmandades da fala e a poesía con Xosé Luís Axeitos, Xosé Ramón Pena, Chus Nogueira e Miro Villar.
A entrada é libre ata completar capacidade.
A Asociación Galega de Editoras organiza, conxuntamente coa Concellaría de Educación e Cidadanía, do Concello de Santiago de Compostela, o XIII Simposio O Libro e A Lectura: Ler para comprender o mundo, que se vai celebrar no Auditorio do CCG.
Baixo o lema Ler para comprender o mundo, o gremio reúne a diferentes expertos e promotores da cultura escrita coa finalidade de reflexionar colectivamente, debater e reivindicar a lectura como cerna e motor do coñecemento.
Comeza Fugas e interferencias. I Congreso de Arte de Acción (tinyurl.com/zlm4cga) organizado pola Universidade de Vigo.
O CGAC colabora, xunto á Fundación Eugenio Granell e AIRE Centro de Arte, nun encontro que se achegará a arte da acción tanto desde a práctica como desde a reflexión teórica. Toda a información nesta ligazón: http://fugaseinterferencias.wordpress.com/programa/
