A Fundación Otero Pedrayo convoca, en colaboración coa Secretaría Xeral de Política Lingüística e co Liceo de Ourense, a segunda edición destas xornadas que propoñen mesas redondas, conferencias e a proxección do documental Pelerinaxes para afondar no coñecemento do autor ourensán.
Este Encontro realízase precisamente polo interese da Asociación Rocha Forte de xerar un debate arredor da problemática actual do castelo e explorar vías na súa xestión futura.
Nel interveñen axentes sociais, culturais ou públicos, desempeñando un papel moi importante na súa xestión o Concello de Santiago de Compostela.
Este Encontro ten como obxectivo facer un percorrido polo labor da Asociación dende a súa constitución até a actualidade, dar a coñecer os resultados das últimas intervencións arqueolóxicas, así como a xestión patrimonial do xacemento.
A Semana das Industrias Culturais e Creativas en Ourense, é un encontro que se celebrará, en diferentes cidades e vilas da provincia de Ourense, entre os días 2 e 7 de maio de 2017.
ICCWEEK é moito máis que unha feira profesional. É un acontecemento transversal na cultura e industria creativa: Radio, Cine, Tv, Industria Musical, Novas Tendencias Tecnolóxicas, Apps, Video- xogos.
Speedmeetings, re...latorios, charlas, entrevistas, showcases, vertebrarán un programa repleto de actividades que poñerán en valor a actividade económica dun sector clave na Europa do século 21.
O foro de arte, cultura e educación de Pontevedra son unhas xornadas dirixidas a toda a comunidade escolar, a profesionais e destinatarios do ámbito da educación.
Un encontro co fin de crear un espazo de reflexión conxunta e un intercambio de experiencias entre administracións escolares, institucións artísticas, mestres e profesores, alumnos e familias.
Un lugar para debatir sobre a necesidade dunha complementariedade efectiva entre arte e educación en todos os niveis e en contextos formais e non formais, e sobre a importancia de xerar interseccións e territorios comúns.
Primeira edición dos Encontros na Casa de Rosalía, organizado en colaboración coa Universidade de Vigo, que inclúe varios relatorios sobre a vida e obra da poeta.
Relatorios:
Lingua e estilo en Cantares gallegos, a cargo de Xosé Fernández Salgado.
Rosalía de Castro, tradutora e traducida, a cargo de Áurea Rodríguez Fernández.
Rosalía Sempre viva, por Camino Noia Campos.
Vigo é a cidade das ondas cantadas por Martín Códax no medievo. O mar terá de ser o referente esencial dunha certa ollada sobre a cidade de Vigo no século XX, nomeadamente dende a década de 1920, cando dúas personalidades sobranceiras, Valentín Paz-Andrade, primeiro, e Xosé Luís Méndez Ferrín, nuns lustros posteriores, se erixiron en cabezaleiros locais indiscutibles.
A Biblioteca de Galicia pon en marcha o 19 de maio unha xornada técnica sobre datos abertos enlazados para bibliotecas, arquivos e museos.
Os datos abertos enlazados en institucións da memoria son aínda unha cuestión nova para moitos dos profesionais que traballamos nelas. Por este motivo queremos profundar no coñecemento desta nova tecnoloxía para publicar os datos de bibliotecas, arquivos e museos, o que ademais nos permitirá confluír no enriquecemento da importante información cultural que xeramos.
A xornada sobre Educación e Patrimonio: un diálogo interdisciplinar forma parte do programa de actividades que desenvolve a Dirección Xeral de Patrimonio Cultural, no contexto do programa Plan Proxecta. Mirando polo Camiño. Este programa pretenden fomentar o coñecemento e a sensibilización da comunidade educativa co patrimonio cultural mediante un contacto directo cos bens patrimoniais da súa contorna inmediata. A celebración desta xornada ofrece unha oportunidade para promover un intercambio de experiencias entre docentes e profesionais do ámbito patrimonial.
Sigurjón Birgir Sigurðsson, máis coñecido como Sjón, participa neste ciclo dirixido por Yolanda Castaño.
Este artista e intelectual islandés atesoura unha longa obra editada e está acompañado polo escritor galego Elías Portela, tradutor da súa obra en galego e castelán.
Máis información, aquí.
Aula Castelao de Filosofía presenta un ano máis unha nova edición da Semana Galega de Filosofía, desta vez baixo a epígrafe de “Filosofía e Saúde”..
Como en anos anteriores, a asistencia á SGF poderá ser certificada como formación do profesorado (20 horas) e como 1 crédito ECTS.
Xa está aberto o prazo de inscrición, péchase o 16 de abril de 207. A matrícula, aquí.
