O Día Europeo das Linguas, o Consello da Cultura Galega, coa colaboración da Secretaría Xeral de Política Lingüística, celebra esta xornada na que participan diferentes expertos do ámbito académico, así como representantes de empresas que destacaron, en diferentes sectores, no uso da lingua galega nas súas accións de cara á clientela.
Os arquivos e fondos familiares poderiamos entendelos como o resultado da acumulación de arquivos de persoas con vínculo de parentesco, aínda que con características diferentes. Hoxe recoñécese a súa natureza orgánica e o seu tratamento específico e diferenciado ten levado á aparición dunha arquivística especializada. O seu contido ofrécese polas institucións da memoria (arquivos, bibliotecas, museos) a historiadores, biógrafos e investigadores.
Unha arquitectura para a vida e feita de espazos de paso, de encontro e lugares para a intimidade. A obra de Pascuala Campos está tecida así e a súa resulta ser unha actitude revolucionaria nun mundo de xerarquías espaciais no que as mulleres poucas oportunidades tiveron de construílo.
Servir de ponte entre institucións e cidadanía para democratizar os recursos máis avanzados da cultura do século XXI, como a fabricación dixital, os mundos virtuais ou o patrimonio tecnolóxico. Este é o obxectivo da segunda edición do Tek-Fest, o encontro de cultura dixital que se vai celebrar en Pontevedra do 25 ao 30 de setembro.
As Xornadas de Cine e Vídeo en Galicia (Xociviga) do Carballiño desenvolverá unha nova edición do 30 de xullo ao 4 de agosto co apoio da Xunta de Galicia.
As Feiras do Libro de Galicia continúan a súa andaina por concellos e vilas galegos. Nesta ocasión, en Rianxo, onde sacará pola súas rúas novidades editoriais, recitais, música e outras actividades nas que nunca faltan as presentacións por parte das autoras e autores galegos cos seus últimos traballos, o que supón unha oportunidade de encontro para as lectores e lectores.
Máis información, aquí.
Co gallo do aniversario do pasamento de Rosalía e cando se cumpren 45 anos da apertura da Casa-Museo, celábrase --na véspera da re-inauguración da Casa-Museo-- un novo Encontro na Casa de Rosalía, coa visita do alumnado de Galego sen fronteiras (18 horas) e co relatorio da rosalianista Catherine Davies (19 horas).
Nestas xornadas preténse reflexionar dende a crítica construtiva sobre como afecta o turismo masivo aos bens culturais e naturais do patrimonio mundial, sobre a xestión dos centros do patrimonio mundial ou sobre as paisaxes culturais como os Camiños de Santiago ou os conxuntos históricos urbanos ou territoriais.
Nun formato aberto e dinámico, trátase de debater sobre tres temas concretos e a súa relación co turismo masivo: centros históricos, patrimonio mundial e paisaxe cultural galega e as súas diferentes categorías legais.
Xunta preto de 150 embarcacións que veñen navegando desde Francia, Escocia, Irlanda, Reino Unido, Croacia, Portugal, País Vasco, Cataluña e outros territorios do Mediterráneo.
O cenobio de Caaveiro será o epicentro das actividades enmarcadas no evento Noite no Mosteiro, unha iniciativa coa que o Concello da Capela e a empresa Eventi pretende contribuír á posta en valor do principal recurso turístico do municipio así como fomentar e dar a coñecer a cultura e tradicións populares do mesmo.
