Volve Naukas Coruña, organizado xunto aos Museos Científicos Coruñeses, e nesta terceira edición está dedicado ás máis apaixonantes expedicións científicas da Historia. As sesións terán un marcado carácter de ciencia en feminino, con charlas sobre as mulleres aviadoras e astronautas, ou a carreira profesional das mulleres no ámbito científico.
Programa:
O concello de Xermade, a Asociación Veciñal de Cabreiros e a Facultade de Ciencias da Educación da Universidade de Santiago organizan as XIV Xornadas Interxeracionais Rurais. Ao longo das catro xornadas, os asistentes poderán asistir a distintas charlas e participar en obradoiros e actividades cos que dar a coñecer elementos da cultura, historia e economía local.
A xornada do 26 de maio está dedicada á agrogandeiría, cunha charla e vídeo sobre xestión da superficie agraria de cara á prevención de lumes e coa presentación de distintas experiencias emprendedoras.
A escena galega no palco do Colón é un encontro que pretende axudar a contrastar os diferentes procesos polos que transitan as persoas que se dedican á creación escénica en Galicia. O encontro ten como eixo central o traballo de dramaturgos, actores, directore, coreógrafos, bailaríns, xentes do circo... todos conversarán sobre cales son os camiños e metodoloxías que os levan a crear unha peza escénica.
Programa:
A quinta edición do Foro de Rehabilitación dará a coñecer o proxecto de recuperación de "El Caminito del Rey" (Málaga), os segredos da Catedral de Santiago, os cales e esgrafiados da Ribeira Sacra ou a recuperación da Pedra da Ra. O evento está aberto a profesionais relacionados coa restauración e a rehabilitación, pero tamén para interesados de 'a pé'.
Contará cun obradoiro de restauración.
Inscrición previa, cun custo de 10 euros.
O IES Pazo da Mercé acolle durante os meses de abril e maio tres xornadas arredor de distintos aspectos históricos da comarca, con charlas impartidas por arqueólogos e investigadores con amplo traballo no legado galego.
As charlas serán todas no salón de actos ás 17 horas, e durarán aproximadamente unha hora. A asistencia é libre para toda a xente interesada.
Luns 16 de abril: Porto Maior, por Eduardo Méndez
Luns 23 de abril: Castrexo e romanización, por Francisco Calo Lourido
As xornadas parten da base do café e a súa historia e marcan a posta en valor destes establecementos como un patrimonio, saíndo dun pasado, analizando o presente e debatendo sobre as pautas para o seu futuro.
Polo aniversario do falecemento de Ricardo Carvalho Calero, Ferrol acolle unha serie de eventos culturais que recuperan a súa memoria.
O programa inclúe as conferencias Carvalho: o profesor e o lingüista, a cargo de Xosé Mº Dobarro e Aurora Marco (5 de abril); Carvalho: o estudoso da literatura, por Enrique Dacosta (12 de abril); A acción política de Carvalho, de Bernardo Máiz Vázquez (19 de abril) e O criador literario, de Carmen Blanco e Claudio Rodríguez Fer (26 abril). O 10 de maio proxectarase o documental Vieiros de Esperanza.
A Cidade da Cultura acolle a xornada CreaGaiás, unha iniciativa lúdico-formativa que nace co obxectivo de potenciar o emprendemento e a creatividade, así como darlle visibilidade as empresas e proxectos residentes no Centro de Emprendemento do Gaiás. Nesta primeira edición, CreaGaiás pon o acento na imaxe e en como empregala de forma eficaz a través das redes sociais para facer visible o traballo das persoas emprendedoras.
A Real Academia Galega dedicaralle o Día Mundial da Poesía a Xohana Torres. A escritora e académica de número, falecida o pasado mes de setembro, será recordada o 21 de marzo nun acto literario e musical, no que poetas de distintas xeracións e amizades da autora lerán e comentarán desde unha perspectiva persoal fragmentos da súa obra. Guadi Galego e Guillerme Fernández poranlle música a esta homenaxe.
Atlantic Emprende + Gaiás propón un espazo de encontro entre profesionais, emprendedores, estudantes e empresas da industria musical. En total serán dous días de conferencias, formación, espazos de debate e networking, que pecharán con cadanseu concerto acústico de artistas do panorama galego actual.
Os asistentes poderán coñecer mellor a realidade do sector musical e os seus retos e oportunidades, así como explorar novos mercados e liñas negocio, tanto dentro do sector como noutros ámbitos que busquen potenciar o seu negocio traballando coa música como ferramenta.
