Semana de conferencias en Marín. Cada día haberá unha charla, na que cinco relatores abordarán aspectos da arte, pasando por distintos momentos da historia de Galicia.
As xornadas rematarán o domingo cunha visita guiada á igrexa de San Bartomeu de Rebordáns e á catedral de Santa María, en Tui.
A Xunta de Galicia celebrará o XVII Aniversario da declaración da Muralla de Lugo como Patrimonio da Humanidade cun programa de actos que se desenvolverán durante a mañá do sábado, día 2 de decembro, na sede da Delegación Territorial.
12h: inauguración da mostra fotográfica Operación Muralla limpa. 1972, organizada polo Arquivo Histórico Provincial. Na sala de exposicións da sede da Delegación Territorial.
A ourivería é unha das manifestacións máis salientables da cultura dos castros do noroeste. A abundancia de recursos auríferos e a mestura de correntes atlánticas e mediterráneas contribúen a explicar unha produción ourive de alta calidade, da que hoxe coñecemos máis de duascentas pezas.
A Asociación de Amigas e Amigos do Museo de Pontevedra (AMUPo) celebrará un Seminario sobre o Pazo de Lourizán os días 24, 28 e 29 de novembro de 2017 entre a Casa Fonseca (Arquivo Histórico Provincial de Pontevedra) e a Casa das Campás, sede da Vicerreitoría do Campus de Pontevedra da Universidade de Vigo.
Dirixido a aqueles profesionais de perfil investigador, este curso asentará cal é o estado actual da publicación científica en España en relación co panorama internacional. Os diferentes poñentes intentarán mostrar cales son as mellores fórmulas para elaborar unha boa estratexia de publicación en revistas académicas. Por tanto, os destinatarios son todos aqueles profesionais que queiran coñecer como funciona actualmente a publicación científica na sociedade do coñecemento para usalo en beneficio da súa carreira profesional.
A Real Academia Galega celebra o Simposio Carlos Casares. As tres xornadas contarán coas achegas arredor da vida e da obra do protagonista do Día das Letras Galegas 2017 de dezaseis especialistas, aos que se poderá escoitar nas mesas redondas e conferencias coas que descubrir a figura de Casares.
Entrada libre e inscrición gratuíta.
As II Xornadas da Música “Boiro, Territorio Musical” volven un ano máis, organizadas polo departamento de Cultura de Concello de Boiro, dentro do proxecto República Creativa.
A segunda edición destas xornadas xorde como consecuencia da realidade musical local vivida durante o último ano no municipio. Son un encontro no que reflexionar, intercambiar experiencias e promover accións formativas específicas baseadas no potencial local. Se celebrarán no salón de actos do Centro Social de Boiro.
Os Itinerarios Culturais representan un modelo de xestión para poñer en práctica e fortalecer os valores fundamentais do Consello de Europa, preservar o patrimonio cultural e natural, a identidade e a diversidade; son unha base para o enriquecemento e o diálogo intercultural, e para o desenvolvemento económico a través de un turismo sostible.
Fairway Forum do Camiño de Santiago intentará un ano máis ser un punto de encontro para todos os interesados no Camiño de Santiago. O domingo 12 contará cunha programación especial para todos os públicos, de acceso libre.
A muller e a súa vida durante o século XIX serán as protagonistas da VII Xornadas Romasanta. A doutora en dereito Natalia Pérez Rivas falará sobre o tratamento penal da muller durante a época e a catedrática de filosofía Carme Aldán abordará cuestións de xerarquía de xénero.
