A segunda xornada do ciclo Entre... e a arte, Entre a comunicación e a arte, aborda a visión da arte desde os coñecementos en Ciencias Sociais e Comunicoloxía. A cuestión é, como apuntan os organizadores, a de reflexionar sobre as imaxes artísticas desde a circulación das imaxes en xeral, non necesariamente artísticas, nos medios, nas redes sociais e en internet.
A Real Academia Galega e a Universidade de Vigo celebran un acto académico-literario arredor do Pergamiño Vindel. O programa desenvolverase o xoves 1 de marzo, a partir das 12 horas, no paraninfo da reitoría da Universidade de Vigo.
Intervencións académicas
Camiño Noia Campos Cantigas de amigo, cancións de muller
Henrique Monteagudo Ao son das ondas
Xesús Alonso Montero O macrotexto das sete cantigas de Martín Codax: unha noveliña dramática de amor
Interpretación musical
Roi Casal
O vindeiro 24 de febreiro, con motivo do Día de Rosalía, proxéctase o documental A palabra xusta no salón de actos do concello de Fisterra. Esta obra está centrada na figura de Antía Cal, creadora da Escola Rosalía de Castro en Vigo, referente da renovación pedagóxica.
A continuación haberá un recital poético da obra de Rosalía.
Esta xornada estará a cargo de Ana María López Cuadrado, funcionaria do Corpo Facultativo de Arquiveiros e Bibliotecarios do Estado dende 2007. Traballa no Centro de Información Documental de Archivos como responsable da Área de Normalización, coordina o Censo Guía de Archivos de España e Iberoamérica e os traballos de normalización de autoridades arquivísticas dentro da Plataforma Portal de Archivos Españoles (PARES).
Aproveitando o 140 aniversario da primeira viaxe de Jules Verne a Vigo e o 150 aniversario da visita do Nautilus de 20000 leguas de viaxe submarina, Vigo acollerá unha serie de eventos centrados na figura do escritor. Unha conferencia sobre Verne a cargo de Piero Gondolo della Riva, un roteiro literario ou unha ofrenda floral serán algunhas das actividades previstas, así como varios paneis de expertos que abordarán dende as novidades científicas e tecnolóxicas das novelas do escritor francés ata o seu potencial no terreo educativo.
A primeira edición do Regueifando Lalín reúne distintas iniciativas para potenciar a tradición das regueifas, desafíos improvisados en verso entre dous grupos.
Ao longo da mañá haberá unha serie de obradoiros sobre a regueifa en dous institutos da vila.
Pola noite celebrarase un festival de regueifas, no que participarán ata 3 grupos de regueifeiros profesionais. Será a partir das 22.00 horas, na carpa Mahou do campo da feira, e tamén haberá degustacións de balde.
O 11 de febreiro celébrase o Día internacional da muller e a nena na ciencia, e a iniciativa do mesmo nome, 11 de febreiro, quere axudar á visibilización do traballo das profesionais de carreiras STEM (acrónimo en inglés de ciencia, tecnoloxía, enxeñería e matemáticas) mediante unha serie de iniciativas por toda España. Buscan tamén contribuír á creación de roles femininos e a lograr a igualdade de xénero nos ámbitos científicos.
Acollemos na biblioteca unha xornada de xadrez organizada polas Federacións Española e Galega de Xadrez e o Concello de Santiago, no marco do Proxecto Simultáneas e Conferencias con Raíñas do Xadrez Español e Galego, que ten como obxectivos a promoción do Mundial de Xadrez 2018 e visibilizar a participación das mulleres nesta disciplina.
A compañía Teatro do Noroeste pon o colofón final ao ano do seu 30 aniversario con dúas xornadas de actos e actividades. Serán o día 29 e 30 de decembro, no teatro Colón.
29 de decembro
12.00 horas: Inauguración da exposición Teatro do Noroeste, 2017: 30 anos actuando. Entradas de balde.
20.30 horas: Representación teatral da obra Estado de graza, de Eduardo Alonso, con Luma Gómez, Imma António, Manuela Varela e Nini True. Entradas na billeteira de balde.
O Consello da Cultura Galega celebra unha xornada especial con motivo da presentación do volume Anna Turbau. Galicia, 1975-1979.
11:00 horas: Mesa redonda arredor da obra de Anna Turbau, coa participación de Margarita Ledo, César Portela, Anna Turbau e Cristina Zelich. Modera: Natalia Poncela, editora do volume
12:30 horas: Presentación do libro Anna Turbau. Galicia, 1975-1979, a cargo de Ramón Villares e Natalia Poncela
