O Seminario de Gramática da Real Academia Galega celebra no IES Otero Pedrayo de Ourense unha homenaxe a Juan Antonio Saco Arce co gallo do 150 aniversario da publicación da 'Gramática gallega', a primeira gramática da nosa lingua.
O acto terá lugar tras a inauguración no mesmo instituto, ás 13:00 horas, da exposición 150 aniversario da Gramática gallega de J. Antonio Saco Arce.
22 de novembro ás 20h no Auditorio: o músico e investigador Xurxo Souto presentará o proxecto de recuperación de cantigas de traballo das mulleres do mar. No acto participará Cantarelas, que poñerán voz a algunha das pezas recuperadas por Souto.
O escritor Santiago Posteguillo, Premio Planeta, será un dos participantes nas II Xornadas de Novela Histórica da Biblioteca do Concello de Verín. Posteguillo participará na mesa redonda sobre novelas históricas sobre a Hispania romana, na que participarán tamén Margarita Torres, escritora e profesora titular de Historia Medieval da Universidade de León, e Francisco Narla, escritor.
Urbtopía quere ser un punto de encontro, debate e reflexión sobre o futuro dos espazos e sobre as cidades posibles. Nos diferentes encontros serán abordados diferentes temas: as transformacións urbanas e o seu impacto na calidade de vida, a cultura como motor para as cidades, os valores, as perspectivas de xénero aplicadas á transformación das urbes ou os casos prácticos, como o de Pontevedra.
Organizado pola Universidade de Vigo en colaboración co CGAC, o obxectivo fundamental deste congreso centrarase na análise e reflexión sobre os novos comportamentos da arte de acción, tanto desde a práctica como desde a reflexión teórica.
Na súa terceira edición, o evento terá lugar do 29 de novembro ao 1 de decembro de 2018 na Casa das Campás (Pontevedra) e no CGAC (Santiago de Compostela).
A Asociación Galega de Profesionais da Xestión Cultural (AGPXC) organiza unha xornada de debate sobre as políticas culturais que afectan ao sector, coa participación de políticos, colectivos profesionais e traballadores recoñecidos do sistema cultural galego.
A Biblioteca de Galicia acolle a celebración das primeiras Xornadas profesionais das librarías de Galicia. O evento está estruturado nunha serie de charlas e conferencias, que abordan distintos aspectos do negocio.
Programa
9:30-9:45 Acreditación
9:45-9:50 Apertura da Presidenta
9:50-10:45 Check-lists da túa libraría (LOPD, Medio ambiente, Factura da luz, …..). Sol Vázquez Abeal. Directora Xeral de Comercio e Consumo.
A Asociación Galega de Editoras celebra o XV Simposio O libro e a lectura, desta volta, baixo o lema Poesía, a luz apagada? A edición deste ano terá lugar os días 15 e 16 novembro 2018, no auditorio do Consello da Cultura Galega, en Santiago de Compostela.
O programa contará con dúas mesas redondas, dúas conferencias, un panel de experiencias, unha actuación-performance e un recital poético.
As xornadas Karl Marx. 1818/2018 pretenden conmemorar o bicentenario do nacemento deste pensador de xigantesca influencia histórica.
O programa IN SITU pretende crear outros lugares de reflexión fóra do habitual espazo dos Encontros, trasladando o espazo de debate ao contexto xeográfico e social dos bens. A elección dos conxuntos históricos onde se van desenvolver os Encontros (Vigo, Ferrol, Ourense-Ribadavia) pretende mostrar a diversidade das situacións nas que se atopan e introducir no debate os aspectos complexos do debate arredor da protección patrimonial da cidade histórica.
