É un congreso aberto á participación, no que coñeceremos de primeira man os retos aos que se enfrontan diferentes negocios e proxectos dixitais.
Queremos crear un espazo de intercambio de ideas e experiencias, onde poidamos aprender e establecer sinerxias colaborativas.
O Centro de Excelencia en Intelixencia de Negocio (CEIN) de DXC Technology, fiel ao seu compromiso de potenciación e desenvolvemento do sector TIC galego, convoca o IV Hackathon Big Data & Analytics, que terá lugar os días 6 e 7 de marzo, nas súas oficinas na Cidade da Cultura de Galicia en Santiago de Compostela.
Este ano, por primeira vez, desde Gyalshen Galicia, unha asociación sen ánimo de lucro, dirixida a difundir a cultura tibetana, especialmente Zhang Zhung, e cuxo director espiritual é Chaphur Rinpoche, queremos convidarte a celebrar con nós o Ano Novo Tibetano ( Si, sabemos que este ano chegamos un pouco tarde :-) pero non quixemos perder a ocasión! Así organizamos un evento de xornada completa para gozar de diferentes tipos de ioga: ioga tibetano, vinyasa, hatha yoga, meditación, concerto de bolos e comida ecolóxica ...
O salón de actos da Escola de Enxeñería Industrial acolle a I Xornada Técnica AER-UVigo, na que se abordarán as novidades e tendencias da robótica industrial.
Programa
O CGAC abre un novo programa de educación artística para a integración de persoas con diversidade funcional. O proxecto 'Aula diversa', dirixido pola xestora cultural e educadora Adriana Pazos Ottón, propón a arte contemporánea como ferramenta de inclusión social e o museo como espazo de aprendizaxe aberto ao encontro das diferenzas.
Entre os meses de xaneiro e maio de 2020 terán lugar unha serie de sesións abertas a colectivos ou persoas con diversidade funcional e ao público en xeral, que combinarán visitas guiadas e talleres creativos.
A Xunta de Galicia promove 'Atlantic Emprende + Gaiás' abrindo, por terceiro ano consecutivo, un espazo para o encontro, o debate e a formación de profesionais, estudantes, emprendedores e empresas da industria musical. O evento abrirá cun faladoiro con Brett Anderson –vocalista da banda británica Suede–, ao que seguirán as conferencias do deseñador Javier Mariscal e Alba Barneda, a directora de produción de CANADA, a axencia barcelonesa da que saíron icónicos videoclips musicais como o Malamente de Rosalía.
PROGRAMA DO IV ALLARIZ DEBUXADO, FESTIVAL DA ARTE DA ILUSTRACIÓN
Venres, 31 de xaneiro
12:00. Inauguración do festival. Interveñen a alcaldesa de Allariz, Cristina Cid, e o director de Aira editorial, César Lorenzo Gil.
12:15. Relatorio inaugural de David Lafuente ‘Cómo ser dibujante (y que te paguen)’
17:00. Relatorio de Ester García ¿ Detrás del telón’
19:00. Relatorio de Tomás Hijo ‘Ilustrando a Tolkien y Lovecraft. Gracias y desgracias del ‘fan art’.
Lugar: Fogar dos Maiores (Campo da Barreira, 3)
O II congreso ‘A Diversidade Sexual e de Xénero nas Aulas’ abrirá o calendario de actividades deseñado pola Concellería de Igualdade en materia LGTBIQ+ para 2020.
A xornada de formación terá lugar no Pazo da Cultura o sábado 1 de febreiro e contará coa presenza do cantautor madrileño Viruta, un dos principais referentes do activismo trans en España.
O programa impulsado por Paloma Castro inclúe o I Premio Literario Pinto e Maragota, a proposta de lecer escolar Somos Diversxs, os Vermús pola Diversidade e a campaña Deporte Diverso.
A Facultade de Ciencias da Educación e do Deporte acolle as IV Xornadas “Desfacendo a raia”, que promove a Asociación do Libro Infantil e Xuvenil de Galicia (Gálix) coa colaboración da Universidade e que neste 2020 terán como eixo temático a mediación lectora. Abertas á cidadanía, estas xornadas ábrense co relatorio da integrante da asesoría de bibliotecas escolares da Xunta de Galicia María José Pousa, e contarán tamén coas intervencións da mestra Chus Nuñez e da representante da asociación Espazo Lectura Beatriz Fernández.
Evento formativo que congregará a profesionais da educación, docentes de todas as etapas educativas e materias e estudantes de estudos afíns ao ámbito educativo. Contaremos con relatores destacados no ámbito da educación, neuroeducación, investigación e innovación educativa.
