"O autocoñecemento que se convirte nunha vertixinosa viaxe hacia as entrañas da psique.
Un intento de purificación da alma a partir dunha brutal vivencia que esnaquiza o ego obrigando á análise das propias paixóns dende o lugar da contemplación de unha vida aparentemente plena.
A eterna disputa respecto ao vínculo existencial entre virtude e felicidade, que exixe levar á práctica a auténtica sabedoría, a sabedoría innata coa súa busca constante da ledicia do espírito.
Espectáculo de teatro a cargo da asociación veciñal Creación Colectiva, os intérpretes son Ana Jurado, Loly Quelle, María Iglesias, Merchi González e Pepi González, e a dirección a cargode Helga Méndez.
Conferencia fúnebre-cómico-teatral.
Dous prestixiosos e peculiares científicos, o profesor Jeckill e o profesor Hyde, divulgan as súas investigacións sobre un tema que afecta ao cen por cen da poboación de todo o mundo sen distinción de raza, sexo ou condición: A Morte.
Ao longo da conferencia, os dous profesores disertan, dramatizan e dan resposta a preguntas sobre diversos temas relacionados co asunto principal.
A vida. Vivir é bonito ou está sobrevalorado?
A inmortalidade. Como sería o mundo se fósemos inmortais?
Unha das obras fundamentais da literatura galega, unha suma de relatos que estremecen e fan reflexionar. Ou, se acaso, fan deambular por mundos nos que transitan o erotismo, o misterio, a miseria e a grandeza de alma e de vida. Un microcosmos rural de marxe e de fronteira, construído cunha lingua, así mesmo, límite e nos lindes da realidade e da fantasía. É difícil non sentirse arrastrado pola tremenda capacidade fabuladora de Ferrín.
Carolina cumpre traballos sociais limpando teatros tras pasar tres meses no cárcere. O que segue dentro é o seu marido don Mauricio (Mauri), un empresario de altos voos que parece caer en desgraza desde o seu polémico matrimonio.
Un músico está a piques de dar un concerto en solitario. Antes de que chegue o público, prepárase entre bambolinas. Nada máis chegar, comezan os problemas: non atopa as cousas, perde as partituras, ponse nervioso... e todo porque o rexedor do espectáculo é todo un... pallaso.
Durante o transcurso da peza, a través do humor físico, a música e o xogo constante co espectador, veremos a parte máis divertida do que sucede antes de saír a escena. Porque, ás veces, o mellor dos espectáculos ocorre tras o pano.
As funcións faranse en ligua oral galega e lingua se signos (LSE), coa participación en escena de dúas intérpretes en lingua de signos.
As fillas bravas son tres mulleres que tocan e cantan o que lles peta como antes fixeron a súa nai e a nai da súa nai, porque todas son fillas do vento, mulleres de andar a pé do toxo, orgullosas de vir de tras da silveira, cantoras dunha estirpe de voces furtivas que berran entre raposos.
AMANTIS conta a historia de M. Un rapaz de barrio obreiro que quere ser influencer, amado, aceptado. Nese camiño topará coas trampas dun universo intanxible no que non todo é o que parece e no que descubrirá que el mesmo non é quen pensaba ser.
A peza explora a brecha xeracional entre nativas/os e non nativos/as dixitais, tentando comprender como inflúen as Redes Sociais, o selfie e o sexting na formación da identidade propia e nas relacións interpersoais.
En pleno funeral do avó Nuno, a familia apercíbese de que o seguro contratado polo felecido, ofrece a posibilidade de resucitar dixitalmente ao finado, a través dun innovador dispositivo de Intelixencia Artificial. Mentres tanto gozarán dunha semana de fábula nun resort vacacional de alta tecnoloxía. Inicialmente a matriarca: Sabela, decidirá o como e o cando do uso de tal dispositivo, que permite aos familiares conectarse neuronalmente a Nuno e reencarnalo.
Silva vive nunha fonte da Coruña que concede desexos á xente de bo corazón que
bebe dela. Cada ano a fada Pupeiriña, cuxo maior desexo é ser a primeira fada
influencer, axúdaa a conxurar un meigallo que permite que a fonte continúe a ter
poderes. Non obstante o malvado Lambirón envelena a auga e secuestra a Silva. Pupeiriña,
coa axuda do Diantre e dos nosos espectadores, terá que reunir todos os
ingredientes do meigallo e atopar a Silva antes da medianoite para executar o
conxuro e salvar a fonte.
