Teatro

Tres investigadores de Europa do leste viaxaron polo camiño de Santiago para desmontar os mitos dos seres ou fenómenos locais. Hoxe, farán un simposium para amosar os resultados da súa aventura. Con axuda dunha máquina da súa invención, serán capaces de convocar os distintos “monstros” dos que falan para amosar a súa falsidade ou non... Percorrerán unha chea de personaxes míticos dos distintos lugares por onde transcorre o camiño dende, Drácula, Lobisome... até as Meigas, a Santa Compaña, o Sacauntos...

Elenco: Marco Aurelio González Ortiz , Neves Rodriguez Roman, Alfonso Espiño Louro, Cristina Fuentes Gutierrez , David Vazquez Rodriguez, Carla Alvarez Gonzalez,Tareixa Martinez Barral e Francisco Javier Villasenín Montoiro.

Sinopse:

Cando Little Neno queda durmido sempre suceden cousas estrañas. Pero estrañas de verdade...

Feira das Sementes é a feira máis pequena do mundo. Unha feira onde nada se vende, onde as sementes trócanse por outras, por un conto, un refrán, unha canción ou unha adiviña.

“Sabela era una nena á que lle encantaba a música. Tanto que pasaba o día cantando, bailando, asubiando... Un día a súa nai dille: E por que non aprendes a tocar un instrumento musical?  A Sabela aquilo pareceulle unha boa idea e púxose a pensar que instrumento quería tocar... pero eran tantos!...”

Baixo esta premisa asistiremos á viaxe fantástica que Sabela fai por varios instrumentos ata ir a dar co seu instrumento favorito (gaita, acordeón, xilófono, pandeireta, ...)

Un espectáculo dan man do “Gran Director de Orquestra”  Caxoto cheo de fantasía e da nosa música 

Hoxe na horta de Brais das Hortas hai concerto. Mellor dito: Consertasso!

Todo da casa!

Grelos e temassos, cun equilibrio variado de formas e estilos - como debe ser nun ecosistema musical diverso e saudable!

A Santa Compaña aparécese entre as patacas cantando un trap.

Hai unha pulga punk da praia de Liméns.

As cabras tiran para o monte e os caracois reivindican o seu ritmo: o reggae.

Entre as cenorias, os lagartos toman o sol ao son dun tumbao-é o propio!-  e os kiwis non paran de brotar bailando ska.

Canta, Buguina, canta!

Canta para nenos e nenas, para viaxar xuntas en igualdade, con amor e respecto.

Soprando a nosa buguina, comezaremos a viaxe polo mar. Visitaremos illas onde viven caracois,

galiñas poñedoras e vacas. Regaremos a herba. Xogaremos coa marea que sobe e baixa.

Cantaremos cancións sobre a lúa e faremos barcos de papel para continuar viaxando lonxe.

Brincamos coa imaxinación recreando animais con obxectos, barcos e illas de papel, un mar de

tea ao son da música e as palabras.

DESCONCERTO é un espectáculo cómico sobre a música culta posto en escena por Félix Rodríguez e Fran Rei e dirixido por Marcos Orsi.

Os nosos protagonistas aparecen, por accidente, no escenario dun concerto de música culta. Coa orquestra a piques de comezar o repertorio e o público preparado para gozar co recital, vense na obriga de facerse pasar por reputados músicos para saír da situación. Curiosamente, a partir deste aloucado punto de partida, o espectáculo vai avanzando e o programa previsto vaise executando non sen diversos atrancos cómicos.

O espectáculo do exitoso libro de Xosé Lueiro, xa pola terceira edición tras un ano dende a súa estrea.

O espectáculo conta a viaxe iniciada por Fazulas, o gato persa de dona Adelaida, na súa teima por saber de que cor é o vento. Para dar resposta a ese misterio, emprenderá unha fantástica aventura, collido á empuñadura dun paraugas. Unha peza baseada no libro do mesmo nome, que trata de sensibilizar á cativada sobre temas como a violencia machista ou os conflitos bélicos.

Miki Dkai é un cómico gaditano, residinte en Alboraya (Valencia) dende fai 4 anos. No espectáculo “Humor 100% Amarillo” fálanos dos tempos de antes, da TV que víamos de rapaces comparandoa á de agora e outros tantos temas… Miki traenos un humor gaditano, pero con corazón de Nano. Él está disposto a trocar o Vino Fino pola Horchata. 

Poucos textos poden mellorar o que, para mIn, é o mellor chiste da historia:

Dous borrachos están na barra dun bar e un dille ao outro:

- A túa cara sóame de algo

- Home… son o teu irmán

- Non… de Outra Movida!

Esta é sensación que teño dende non fai moito tempo con esto que se denomina, “Nova Normalidade”. É o mesmo peeeero… doutra forma, é OUTRA MOVIDA.