“O porco de pé”, o novo espectáculo de Producións Teatrais Excéntricas, leva ao teatro a novela de Vicente Risco coa que Galicia entrou na modernidade literaria hai case 100 anos. Esta versión de Quico Cadaval e Pepe Sendón conta coa aprobación da Fundación Vicente Risco.
Unha nave espacial viaxa a Marte para colonizar o planeta vermello. Pero o capitán e o seu androide Trasto descubrirán que o planeta xa está habitado cando chegan a cidade de Martid, donde os veciños mutantes celebran unha verbena popular castiza ante os alieníxenas terrestres.
Para colmo de males, o capitán enamorase de unha chulapa marciana postiñeira de ollos hechiceiros (oito en concreto) e pretende fuxir con ela rumbo a Venus… Villa y Marte é a reinvención do xénero chico en clave ronlalera: humor, música en directo, teatro… e chotis.
Cachosdesqueches é un espectáculo formado por catro sketches humorísticos que nos levan a diferentes situacións cotiáns (ou non), introducidos por dous personaxes que simulan (ou non) ser o persoal técnico da compañía. É un espectáculo pensado para todo tipo de locais que queiran amenizar as comidas, copas, eventos, etc. ou simplemente, facer algo diferente. A súa duración aproximada é dunha hora, cun descanso de dez minutos despois do segundo sketch. Está destinado, sobre todo, a un público adulto.
Neste pequeno espectáculo de monicreques e actor cóntase a vida de Eleazar Bouffier. Un humilde pastor que durante anos plantou árbores, e non llo contou a ninguén.
Só ao noso narrador que ao longo do espectáculo irá descubrindo unha das máis fermosas e esperanzadoras fábulas; un esforzo, por pequeno que sexa, pode cambiar o mundo e facelo máis habitable.
Espectáculo, sensorial e de aprendizaxe, de teatro- danza para a infancia. As estrelas son esferoides luminosos que manteñen a súa forma debido á súa propia gravidade. Estas estrelas permanecen no ceo na mesma posición durante a nosa vida. Ese é o punto de partida, dúas irmás comparten a súa infancia, a súa madurez e a súa vellez mentres as estrelas contemplan os seus movementos, os seus xogos, as súas alegrías e as súas penas. Nunha montaña rusa de emocións as dúas actrices fan un percorrido por toda unha vida.
Lourenzo ten unha galiña azul con cinco plumas vermellas na á dereita. Unha galiña moi bonita e moi rara.Pon ovos de cores. Ademais non di "cacaracá" coma as outras galiñas, senon que di "cocorocó". E isto ten preocupadas as autoridades.
A Galiña Azul é un espectáculo que fala da diversidade e da solidariedade, destinado ao público infantil e familiar, no que empregamos diversas técnicas de manipulación de bonecos e traballo actoral.
O peculiar universo desta muller-nena que anda solta polas rúas, fai de cada praza un novo xogo cada día. Xunto con todo o que a rodea, sucéndese momentos de risas inesquecibles a través da súa interacción co público e cos transeúntes que paran a ver as tolerías que lles ofrece esta gran pallasa.
Pajarito é a número un, a número dous e tamén ... é patrimonio da humanidade, a oitava marabilla do mundo!!!!!
Olivia, a protagonista desta historia, vive nun pequeno pobo preto do bosque. Olivia ten un secreto e é que posúe un don especial: pode comunicarse cos animais. Grazas a este don, un día descobre que o lago se está secando e que os peixes necesitan chegar ao mar. Estes pídenlle que busque plumas para axudarlles.
YeORBAYU é unha reivindicación do goce en escena con acompañamento do público, e tamén do humor como arma de comunicación masiva, de destrución de prexuízos e de construción de liberdades… unha serie de homenaxes a diferentes figuras dentro do circo como o dúo portor/áxil, lles domadores, as bestas, lles forzudes e tamén (e como non!!!) á figura do Pallaso...pero talvez desde uns ollos que contemplan máis o backstage, a cotiandade e a rutina e non tanto a escena onde brillan os abelorios á luz dos focos e o aplauso.
Antón Retaco é un espectáculo de teatro monicreques para sala con música en directo.
É unha adaptación do libro “Antón Retaco” de María Luisa Gefaell (Premio Nacional de Literatura 1952) cunha posta en escena para os rapaces de hoxe utilizando diversas técnicas de monicreques, máscaras e actor.
