Unha preadolescente afástase da súa familia nunha churrascada para ler baixo unha árbore. Con este acto, dá comezo un rito de paso, e o viacrucis dunha muller da xeración E, como filla menor, doctoranda e traballadora sexual. Tallarei aos homes sobre a face da terra pon en relación a violencia emocional e sexual coa violencia sobre o medio ambiente.
La Panadera conta a historia de Concha, unha muller de corenta anos, encargada dunha panadería, casada, con dous fillos. Unha muller cunha vida tranquila e feliz que un día esperta coa noticia de que polas redes sociais corre un vídeo íntimo o seu mantendo relacións sexuais cunha parella que tivo hai 15 anos. O vídeo sae agora á luz e esténdese de maneira incontrolada porque ese home fíxose famoso en Italia grazas a un reality televisivo.
Fernando Arrabalde naceu en Melilla en 1932. É un dramaturgo, poeta, novelista, ensaísta e creador plástico e foi galardoado co Premio Nacional de Teatro en 2001. Fernando Arrabalde Ruiz, o seu pai, foi tenente republicano condenado a 30 anos de prisión durante a Guerra Civil. A súa obra está influída por esta situación e trata de provocar que o espectador se cuestione temas tales como a guerra, a política, a relixión, os modelos de familia e matrimonio tradicional. Ademais de temas como o sexo e a sexualidade, o machismo, a liberdade?
Caos, na mitoloxía grega, é o primeiro deus primordial, a máis vella das formas de consciencia divina. O abismo, o baleiro, o nada e a explosión que orixinou o universo. Foi aquí que todo comezou, mergullamos na cosmogonía, entropía e na maxia do Caos. Unha nova xeración do CITAC tira partido desta forza catabólica que xera por medio da escisión para crear algo novo, vibrante e único.
O Dezasete, é unha actividade previa ao Festiletras que a Fundación Eduardo Pondal, co apoio da Consellería de Cultura, Educación e Universidade, prepara para os días 14, 15, 16 e 17 de maio como parte da programación das Letras Galegas 2022.
Unha mañá aparece fronte á porta dun instituto unha pintada que di “GOLFA”, un insulto anónimo que destapa a historia que o precede.Amanda e Fran foron parella hai uns meses, adolescentes cuxa experiencia é a de tantos, unha relación que se viu truncada. Este feito non tería relevancia algunha se inmediatamente despois desta ruptura Amanda non sufrise un terrible acoso virtual que leva aos seus pais a denunciar a posible autoría de Fran. Ata que non se aclaren os feitos a dirección do instituto decide apartar a Fran das súas clases.
Vestido cun traxe de etiqueta dentro do que non acaba de sentirse cómodo, cumprindo co preceptivo protocolo, o dramaturgo, ou seica unha actriz amiga a quen pediu que o represente no solemne acto, vai ingresar na Academia pronunciando un discurso titulado Silencio. Os seus oíntes son os outros académicos, cos que comparte estrado, e as persoas -familiares, amigos, colegas, autoridades, descoñecidos…- que viñeron a acompañalo esta tarde.
Decadencia é unha obra cáustica, provocadora, que persegue ao público, acurrálao e, a miúdo, obrígalle a rir por non chorar.Os seus protagonistas, dúas parellas formadas por tres aristócratas e un vividor que aspira a sacar proveito das súas debilidades, son clasistas e racistas, frívolos e desalmados; son hipócritas, banais e egoístas; actúan como depredadores; non teñen principios nin límites, aínda que si medo a que os miserables a quen desprezan se xunten e os ataquen; o seu humor é sarcasmo, a súa ironía é rabia; son grotescos pero perigosos e, primeiro de nada, son infelices, están ba
Neste espectáculo a actriz, acompañada dunha música en escena, desprégase en múltiples voces para facer unha viaxe ao pasado co fin de entender esa estraña amalgama que resulta do que un día quixemos ser e o que somos.
CASTELVINES E MONTESES é unha festa do teatro. É pór o verso de Lope, a historia de Bandello , o xogo da versión de Rojas Zorrilla, o voo de Shakespeare e a acidez de Quevedo ao servizo dun espectáculo cheo de humor, xogo, música, maxia, clown e baile.Lope de Vega e William Shakespeare partiron das mesmas fontes e escribiron Castelvines e Monteses e Romeo e Xulieta na mesma época, finais do século XVI.
