Neste festival os organizadores, a Banda de Gaitas Xarabal e a Agrupación Folclórica Lembranzas Galegas, están enriba do escenario acompañados de moitos amigos e compañeiros Anxo Lorenzo, Cristian Silva, a Banda Valladares, Ernesto Campos, Begoña Riobó e o seu grupo Riobó, Anxo Pintos. Coa recadación pola venda de entradas as bandas organizadoras participarán no desfile de San Patricio de Nova York no mes de marzo.
O grupo nace coma un diálogo entre a guitarra ibérica e lusófona do portugués João Pires e a voz e o violín do brasileiro Vitor Santana. Un encontro musical de tres músicos que manteñen a lingua portuguesa como a matriz do seu traballo. Vítor Santana compón música autoral brasileira; o guitarrista e compositor portugués João Pires aporta a música ibérica e lusófona e o percusionista brasileiro Marcos Suzano engade experiencia e modernidade desde o eido percusionista.
Luz de lágrima é unha identidade musical dedicada ao Fado de Lisboa, creada por Gabriela González López, (actriz, cantante, directora e bailarina) que desenvolve unha vasta actividade na cidade de Buenos Aires. Inicia o seu percorrido como fadista en 2005.
Espectáculo acústico cheo de intensidade rítmica, variedade armónica e riqueza melódica. Con influencias que van desde o folk ata o rock máis contemporáneo, un traballado repertorio en galego que ten a capacidade de absorver á audiencia con letras profundas que abordan unha ampla variedade temática e unha inmensa cantidade de matices musicais.
O grupos está formado por Sergio Trillo (voz, guitarra acústica, whistles), Rebeca Rama (voz e percusión), Salfu Valdés (voz e caixón) e Raúl G. Doldán (guitarra eléctrica, guitarra acústica e mandolina).
Concerto Inaugural da XVIII edición do 'Ciclo de Novos Intérpretes' da Asociación Galega da Lírica, o certame galego dedicado a novos intérpretes máis antigo en activo.
Alexander Anistratov é mestre artesán, profesor de música e músico, empregando os instrumentos da música celta para interpretar música folk e tradicional. Os seus concertos son moi valorados polo público amante da música escocesa, irlandesa, sueca, bretoa e galega.
Fundou o seu obradoiro no ano 2005 e, dende aquela, dedícase profesionalmente á fabricación de gaitas e outros instrumentos tradicionais de vento, como flautas e whistles.
Presentarase tamén o libro: Albión Galaica. Unha viaxe de regreso polas antigüidades e tradicións de Gales, de Miguel Losada.
Esta experiencia da que forman parte máis de trinta persoas, mulleres e homes, dende os vinte aos máis de setenta anos, xestouse cando logo de cantar, os veciñós e veciñas falaron da posibilidade de montar un orfeón mariñeiro que encarnara a tradición dos cantares de taberna do Berbés e, dalgún xeito, tomara o relevo ás Cantadeiras do Berbés. De certo, algunhas delas forman parte do grupo coral.
Ad Heyra Liti, un dúo formado por Aser Rodríguez (guitarra) e Erea Carbajales Molina (violín).
Teñen un estilo Neoclassic folk con influencias de músicas de Islandia, Australia e celtas.
Fusionan a música tradicional coas influencias de hoxe en día co fin de rescatala, evolucionala e facela máis audible ao público menos afeito, ademais de cancións propias fan versións de Bela Fleck, The Chieftains, Kan, Django Reindhardt, The Bothy Band, etc.
Un novo concepto de formación en Galicia, estrictamente acústico e baseado na música tradicional.
Neste proxecto únense tres músicos indispensables dentro da escea musical galega, o violino de Quim Farinha , o acordeón diatónico de Pedro Pascual e o contrabaixo de Kin García . Xuntos propoñen unha viaxe a través das músicas populares de Galicia e de outras latitudes.
O repertorio complétase con composicións propias. Todo isto aliñado con distintos enfoques estéticos que van desde a linguaxe do jazz pasando polo tango ata a tradición musical europea.
Xabier Díaz, acompañado polas Adufeiras de Salitre, presenta na sala compostelana o seu último traballo, The Tambourine Man.
Díaz alíase coas Adufeiras de Salitre para reinterpretar a tradición galega e crear o seu disco máis ambicioso. Elas son un grupo de once percusionistas e cantoras de música tradicional que, canda Gutier Álvarez (zanfona e violino) e Javier Álvarez (acordeón diatónico), compoñen a nova aposta do músico coruñés.
