Raíz/folk

Neste concerto, A Pedreira abre un novo capítulo creativo no que dialogan, con naturalidade e forza, as súas composicións máis recentes e o repertorio tradicional que a acompaña desde a infancia. Cantareira de raíz fonda e creadora de mirada contemporánea, Ugia convértese nesta proposta nun fío que une xeracións, territorios e linguaxes.

A Pedreira revisita a tradición desde o presente, iluminando as coplas antigas con novas narrativas e ampliando o seu universo musical, cunha voz poderosa, sensible e profundamente galega.

Xiro é o territorio onde conversan as melodías tradicionais cantadas pola voz e percusións de Icía Kirk co saxo de Andrés Pérez e o acordeón de Xan Pampín. Un diálogo coa emoción e sabiduría que brota da linguaxe da música e do baile tradicional de Galicia, símbolo da nosa identidade como pobo. 

A Rede de Dinamización Lingüística pecha o ano dedicado ás cantareiras e á poesía popular galega con Tres Pesos, un trío de música tradicional formado por Felisa Segade (voz e percusión), Xoan Porto (gaita, clarinete, voz e percusión) e Xosé Antón Ferreira, máis coñecido como Pepe de Calo (acordeón, voz e percusión). Tres músicos unidos tras unha rica traxectoria que agora xunta experiencia e afinidade para alimentar un proxecto en común.

Concerto de Felisa Segade e Merchi Rodríguez no marco da inauguración da mostra Cantade todas a unha. O cantigueiro popular galego, que poderá verse no Museo do Pobo Galego a partir do vindeiro 12 de decembro para pechar o ano dedicado ás pandeireteiras.

No marco da xira conmemorativa do 45º aniversario de Milladoiro, fito na historia da música galega contemporánea desde a súa fundación en 1979 por canto representa para a proxección da lingua e da cultura galegas, a Consellería de Cultura, Lingua e Xuventude colabora, por medio da Secretaría Xeral da Lingua, con tres concertos especiais que ofrecerá a formación nos concellos de Catoira (Pontevedra), Muíños (Ourense) e Mos (Pontevedra).

O grupo de gaitas Os Barrios é unha formación musical fundada en 1894 por José Argiz na parroquia de Muradelle, Chantada. É considerada a banda de gaitas máis antiga de Galicia en activo. Ao longo da súa historia mantiveron viva a tradición musical galega, participando en numerosas foliadas, romarías e eventos culturais. Grazas a súa extensa traxectoria, conta cun amplo repertorio propio.

Maricarme é o resultado de xuntar tres recoñecidas caras do panorama musical galego: Antía Ameixeiras (Caamaño&Ameixeiras), Cibrán Seixo (Davide Salvado, Budiño) e Migui Carballido (Zeltia Irevire). Os instrumentos acústicos (violíns, pandeiros, bouzouki...) únense á sonoridades máis electrónicas (sintetizador de baixo, pads, pedais...) creando un folk orixinal e poderoso. Maricarme viaxa dende a tradición oral ás composicións propias e presenta un concerto dinámico no que prometen facervos bailar.

O grupo A Quenlla créase no ano de 1984 por dous membros fundadores e escindidos do grupo Fuxan os ventos que deixaran no ano 82. Ao longo da súa traxectoria de concertos e gravacións, con distintas formacións evolutivas, contan con traballos e proxectos levados a cabo para a dinamización da cultura tradicional e de autor dentro dos vieiros da nosa música. Ao longo dos anos foron moitos os concertos, charlas didácticas e encontros levados adiante por un grupo de mulleres e homes que tiñan a teima da concienciación social na honra e orgullos do Noso.

Celebramos o Día Internacional dos Museos remarcando o carácter festivo deste día. Organízase nos soportais do museo unha actuación musical baseada no folclore popular galego, coa posibilidade de acompañamento de baile. Broche final do DIM'25, cunha actividade coa que festexar esta xornada desde a nosa cultura tradicional e coa nosa comunidade. 

Na Furgoteca Ourense occidental celebramos o Día das Letras Galegas 2025 cunha actividade moi especial: unha charla-obradoiro sobre a educación vocal, as implicacións emocionais da voz como ferramenta expresiva e as recollas de música popular oral polos pobos de Galicia. Ademais, desfrutaremos con Lucía da Fonte e Cristina Asenjo dun fermoso concerto de cantigas populares a dúas voces, acompañadas por pandeiretas e acordeón.

Trátase dunha actividade aberta a todos os públicos, agardámoste!