O cerne do concerto é un disco dos "peixes" e "berrogüettos" Xabier Díaz e Guillerme Fernández chamado Arrolos de salitre, a maior parte tradicionais, do seu propio arquivo e algunhas de autor musicadas por eles mesmos. O obxecto é achegarlles o repertorio a pais e nais e facelos partícipes del. Recuperar a marabillosa tradición de adormecer as e os pequenos cantándolles...
Ivó Jordà (gralla que é un tipo de dulzaina de orixe catalán) e Marçal Ramon (acordeón diatónico) forman un dueto intimista, que se interna nuns terreos pouco explorados por estes dous instrumentos. Sen perder de vista as súas orixes e tocando sempre polo terreo tradicional mantendo os seus ritmos e o seu estilo. Realizan un traballo minucioso para achegar estes dous instrumentos tan propios da festa popular a un entorno máis concertístico.
Criatures aparece como o proxecto de aparicións conxuntas dos dous músicos, unha das súas múltiples colaboracións.
Felisa Segade, Estevo Lamas e Xosé Antón Ferreira son Tres Pesos. Tres xeitos de facer, tres adictos á nosa música, tres caras da mesma moeda. Un proxecto, un soño. Tres músicos, tres voces e tres vidas vinculadas a ducias de proxectos culturais; Malveiras, Colexiata, Pradairo, Limagoia, A Ponte Vella, Ker-cuez, Estivada de Calo, Arreixeira, Leilía, Liceo de Noia, Brincadeira,... centos de horas sobre o escenario e miles fora del soñando coas música e tradición galegas.
Mounqup é o proxecto en solitario da cantante autodidacta francesa Camille Hedouin que leva vivindo en Galicia desde fai 3 anos.
Camille empezou a cantar aos 13 anos escoitando ás súas cantantes favoritas, cantou en grupos de estilos moi diferentes (folk, jazz, metal, electrónica,...) ata chegar a Galicia onde empezou a xogar con máquinas de loops e samplers.
Pandereteiras Bouba son cinco mozas da comarca de Compostela que centran os seus esforzos en recoller a música tradicional do país para logo poder mostrar polo mundo adiante o poderío dos nosos vellos e a forza da nosa música.
Neste proxecto únense tres músicos indispensables dentro da escena musical galega, o violín de Quim Farinha, o acordeón diatónico de Pedro Pascual e o contrabaixo de Kin García. Xuntos propoñen unha viaxe a través das músicas populares de Galicia e de outras latitudes. O repertorio complétase con composicións propias. Todo isto aliñado con distintos enfoques estéticos que van desde a linguaxe do jazz pasando polo tango ata a tradición musical europea.
Banda de folk fusión que aposta pola mestura de xéneros, estilos e sons. Unha visión da música que fuxe do contemporizador na procura do ecléctico, filosofía que é aceno de identidade do grupo e que xorde directamente da variedade de influencias musicais dos seus propios compoñentes: folk, rock, jazz, clásico,... Virandeira Folk prosegue adiante na súa andadura polo panorama musical galego coa presentación dun novo disco, Metamorfose, unha proposta musical viva, fresca, moderna e singular.
Red Beard presenta o seu novo EP "Nobody's Gonna Bring Me Down". Ademais de artistas poderíaselles considerar artesáns. A factura das súas cancións é excepcional. Escoitarlles é trasladarse directamente a Nashville, os Spaguetti Western ou as bandas sonoras de Ennio Morricone. Beben de Johnny Cash ou Blackberry Smoke pero, sobre todo, hai verdadeira paixón por facer as cousas ben.
Juraj Dufek é un gaiteiro e construtor de gaitas de Eslovaquia. Compoñente de grupos folk eslovacos Keltieg, Safran, Banda, Folk and Bass Orchestra, tamén traballa co grupo nacional de baile e música tradicional (SLUK). Fundador da primeira banda de gaitas eslovacas, Spojené huky Slovenska (Roncónes Unidos de Eslovaquia). Neste concerto presentarán xunto coa súa esposa Miroslava unhas pequenas mostras da riqueza de música tradicional do seu país, do corazón de Europa. Música instrumental con varios tipos de gaitas, frautas e violín, cantos rituais e bailes populares.
Juraj Dufek é un gaiteiro e construtor de gaitas de Eslovaquia. Compoñente de grupos folk eslovacos Keltieg, Safran, Banda, Folk and Bass Orchestra, tamén traballa co grupo nacional de baile e música tradicional (SLUK). Fundador da primeira banda de gaitas eslovacas, Spojené huky Slovenska (Roncónes Unidos de Eslovaquia). Neste concerto presentarán xunto coa súa esposa Miroslava unhas pequenas mostras da riqueza de música tradicional do seu país, do corazón de Europa. Música instrumental con varios tipos de gaitas, frautas e violín, cantos rituais e bailes populares.
