Uxía ten unha voz fermosa e serea que fuxe do virtuosismo exhibicionista e se fai transparente, para amosar unha artista madura, que comprendeu que non hai nada máis sofisticado que o esencial e que a voz é o único instrumento que nunca minte.
Vinte e cinco anos de carreira artística convértena nunha das voces máis populares e valorizadas da lingua galega. As súas cancións seguirán tendo a presenza latente da música tradicional, cun tratamento innovador.
Radio Cos, uns pandereteiros de sona que fixeron evolucionar a música galega naturalmente.
Xurxo Fernández e Quique Peón, cantantes e percusionistas do grupo, son dous referentes no eido da investigación etnográfica en Galiza. No seu primeiro disco, música de raíz que mestura a sonoridade máis arcaica con elementos sacados da propia tradición e melodías alleas que gardan relación co país. A banda complétana tres prestixiosos músicos: Pedro Lamas na gaita e saxo soprano, Nikolay Velikov no violino e Xan Pampín no acordeón.
Luminaria é unha viaxe a través do universo, unha expedición en busca dunha nova expresión da tradición.
Partindo das raíces de cancións populares vascas, castelás, gregas, finlandesas, africanas, cubanas e brasileiras; este grupo achega a súa propia identidade e unha interpretación orixinal a estas músicas ancestrais.
O estilo deste grupo radicado en Lisboa está baseado na música do oeste africano, en de xeito máis preciso na música tradicional dos griots; contadores de historias que transmiten de xeración en xeración.
Samsu Band fusionan a tradición cun forte contido rítmico coas influencias modernas do jazz e das músicas do mundo.
Ebrima Mbye: Kora e Voz
Yannick Nolting: Baixo
Matteo Nocera: Batería
Matteo Bowinkelmann: Percusións
O dúo formado por Mapi Quintana (voz e contrabaixo) e Elías García (bouzuki) ofrecen unha nova perspectiva da música tradicional asturiana.
Mediante a improvisación e co uso de harmonías herdadas do jazz e a música europea do século XX conseguen dotar dunha nova atmosfera sonora a cancións tradicionais recollidas no concejo de Lena (zona sur do Principado).
Grupo folk formado na Coruña no 2012, pola inquietude dun grupo de músicos, procedentes de diversos e distintos estilos, que buscaban novos xeitos de interpretar e reivindicar a música tradicional, tanto galega como de outros países.
Deste xeito conseguen darlle unha nova visión á música tradicional cun toque máis contemporáneo, actual e persoal.
Grupo novel gañador do Festival Intercéltico do Morrazo no 2014.
O grupo folk formado por 12 persoas das terras de Compostela e de diferentes xeracións que gostan da foliada e que unen os instrumentos tradicionais con ventos de metal.
Presentan o seu espectáculo Imos a-la!
Pan de Capazo é un grupo que naceu no ano 2002, da man de varios amigos e unha mesma inquietude musical, na procura dunha tímbrica e un repertorio enérxico e poderoso.
Empezaron tocando música antiga, saltarellos, branles e cantigas, que mesturaban cun repertorio máis moderno e autóctono como muñeiras, polkas, charradas, brincaos, romances e xotas, ademais de ritmos e melodías de Europa central (bourrés, andrós ou mazurcas).
Serafín Santos - Bombo, charles, percusión menor e o que lle boten
Rodri Martínez - Tambor e aereostáticos
Roberto Sotelo - Gaita
Pablo Rial - Gaita
Ludovaina son un cuarteto tradicional de música do país. Alá en decembro do ano 2003 comezan a ensaiar para ir tocar ós Carnavales do Hío, concretamente a Pinténs, e foi aí onde deciden seguir adiante co grupo e onde se forxan realmente como gaiteiros.
Romain Alberteau é de Tours, Francia, pero hai anos que vive en Tarragona e compón pequenas cancións de folk lo-fi. Tras diversas probas, parece que atopou os músicos ideais para vestir as súas composicións: César (guitarra), Pablo (teclados) e David (percusións). Xuntos forman Harrison Ford Fiesta, nome da broma que non dá pistas do que se esconde detrás: a sobriedade e parquedad da nova canción francesa (Dominique A, Françoiz Breut) con apuntamentos de épica á Constellation e a voz grave dun Kevin Ayers ou Serge Gainsbourg.
