Encadrado na programación das Festas de Ourense a fadista María do Ceo preséntase xunto coa Banda Municipal de Música de Ourense con este concerto onde se interpretarán temas do folclore, tanto galego coma portugués.
Antonio Muñoz Fernández, La Unión (Murcia), 1975. Neto do guitarrista Antonio Fernández e fillo da cantaora Encarnación Fernández. Comezou a súa formación como guitarrista con tres anos da man do seu avó. Completou a súa formación con profesores como Manuel Cano, e moi pronto desenvolveu todo un estilo persoal baseado nunha depurada técnica e nunha intensa e inquieta creatividade que lle fixo gañar o "Bordón Mineiro", máximo galardón do Festival internacional Cante das Minas en 1989.
Ana Laíns canta por primeira vez en público aos 6 anos, desde cedo a artista nacida en Tomar descobre o seu talento inato para a música e aos 15 anos canta o seu primeiro fado. Tras vencer a gran Noite do Fado de Lisboa en 1999 decide levar en serio a súa carreira musical e preséntase nos Estados Unidos, Alemaña, Francia, Bélxica e Luxemburgo.
Nace no ano 1986 en A Coruña. Co paso dos anos acabouse convertendo no grupo de referencia da música feita en Galicia. A través do seu traballo, Luar na Lubre quere transmitir que a música é un dos factores culturais máis importantes para a afirmación do dereito á diferenza enriquecedora do pobo galego.
O concerto de Susana Seivane consta de temas do seu novo disco "Fiz", xunto con temas habituais do seu repertorio, pezas tradicionais e de autor. Durante o espectáculo a gaiteira vai interaccionando co público e créase unha atmósfera moi cómplice que culmina nun fin de festa inesquecibre.
O tempo estimado de duración será de 90 minutos con bises.
Esta programación pode sufrir modificacións. Consultar horas e datas nos espazos da Rede galega de teatros e auditorios onde se realiza a actuación.
Nas súas actuacións están presentes instrumentos unidos á música tradicional galega, mais empregados ao seu xeito. Reinterpretando en certa maneira a tradición, TIRULEQUE recorre á súa intuición musical á hora de arranxar melodías tradicionais e bota man da riqueza de instrumentos que esta música nos ofrece, pero dando un paso mais aló no uso das tonalidades e modos.
A idea de Galician on Board é facer unha viaxe no tempo trasladándonos ao s.XIX e representar o profundo cambio que se produciu en Galicia ata os nosos días. Conceptos como labrego, folclore, emigración, industrialización, etc., están presentes ao longo do show nunha viaxe músico-percusivatratada dun xeito vangardista.
Odaiko ofrécenos un crisol de ideas musicais onde os ritmos de culturas alleas como o latin, o flamenco, o brasileiro ou o africano se mesturan coas innovacións técnicas percusivas e o folklore galego para representar un pasado que dá resposta ao noso presente.
O dúo Milo Ke Mandarini, integrado por Isabel Martín como voz e percusión, e Carlos Ramírez, que se encarga de tocar instrumentos de corda tradicional no Mediterráneo oriental, onde teñen investigado as músicas destes lugares, así como as tradicións modais cos grandes mestres internacionalmente recoñecidos. Teñen feito música envolta en raíces sefardíes, ibéricas ou ritmos balcánicos, mesmo con melismas otomanos.
Salvado é un artista de formación autodidacta na música tradicional, na que ten explorado novas formas. Despois do lembrado O ladrón de amorodos, o seu último traballo titúlase Rústica, resultado do encontro de catro grandes da música galega, Cristina Pato, Anxo Pintos, Roberto Comesaña e o propio Salvado, que foi considerado como “unha carta de amor ao incrible patrimonio cultural de Galicia”.
Un dos mellores guitarristas do mundo. Presentando o seu exitoso traballo One night on Earth. Un excelso traballo que percorre os sons máis profundos de Mali e os seus músicos e que tributa á esencia que este país achega ao mundo mediante mestres como Toumani Diabaté ou Ali Farka Touré.
Un dos seus grandes desexos sempre foi tocar no Mosteiro de Santa Cristina e deleitarse coa súa exquisita acústica.
