Raíz/folk

Falua, composto por Sara de Sousa na voz e Gom de Abadim na guitarra, integra no seu repertorio un percorrido polos sons da lusofonía con músicas galegas, portuguesas e mesmo brasileiras.

O trío máis retranqueiro da música galega renóvase e preséntanos a súa nova proposta escénica cun repertorio composto exclusivamente por temas dunha única formación da historia de Galicia: Os Trintas de Trives. 

Como xa nos teñen acostumados, Suso Vaamonde, Pedro Lamas e Xosé Lois Romero, ofrécennos a súa particular visión cómica e desprexuizada deste cuarteto, que triunfou hai máis dun século aquí e alén das nosas fronteiras e cuxa traxectoria é un cúmulo de singularidades, anécdotas e vangardismo. O cosmopolitismo na montaña ourensá.

O trío máis retranqueiro da música galega renóvase e preséntanos a súa nova proposta escénica cun repertorio composto exclusivamente por temas dunha única formación da historia de Galicia: Os Trintas de Trives. 

Como xa nos teñen acostumados, Suso Vaamonde, Pedro Lamas e Xosé Lois Romero, ofrécennos a súa particular visión cómica e desprexuizada deste cuarteto, que triunfou hai máis dun século aquí e alén das nosas fronteiras e cuxa traxectoria é un cúmulo de singularidades, anécdotas e vangardismo. Vaamonde, Lamas & Romero son boa música e mellor humor.

Fado Violado é un proxecto musical portugués que cruza flamenco e fado. Parten da tradición viaxando pola Península Ibérica recreando o Fado engadíndolle a densidade do Flamenco, mais sen nunca pensarse lonxe da branca, máxica, viaxeira e máis melancólica Lisboa.

Os Fado Violado nacen das mans de Ana Pinhal e Francisco Almeida o ano de 2008.

Presentación do seu novo traballo discográfico “Vendima tarda”
Treixadura celebra o seu 25 aniversario de traxectoria artística cun novo disco que resume a súa extensa carreira e inclúe algunhas pezas inéditas.
Treixadura constitúe dende 1990, un espectáculo musical sorprendente. A música tradicional observada desde dúas concepcións ben arraigadas: o canto e a gaita.

O zanfonista Germán Díaz presenta no Método cardiofónico un espectáculo musical baseado nos ritmos dos latexos do corazón a partir dos cales crea un universo sonoro único con instrumentos mecánicos.

Unha nova e reveladora reinterpretación da zanfona cunha visión didáctica e de difusión deste instrumento.

Confirmación da programación: Museo de Pontevedra.

Un novo concepto de formación en Galicia, estrictamente acústico e baseado na música tradicional.

Neste proxecto únense tres músicos indispensables dentro da escea musical galega, o violino de Quim Farinha , o acordeón diatónico de Pedro Pascual e o contrabaixo de Kin García . Xuntos propoñen unha viaxe a través das músicas populares de Galicia e de outras latitudes.

O repertorio complétase con composicións propias. Todo isto aliñado con distintos enfoques estéticos que van desde a linguaxe do jazz pasando polo tango ata a tradición musical europea.

O músico e cantautor Emilio Rúa e as cantareiras e pandereteiras Xestreu únense nun proxecto común e compartido. Trátase da unión de dous tipos de música: a canción de autor ou moderna coa canción popular ou tradicional.

Este proxecto está formado por unha escolma de cancións populares da música galega e outras partes do mundo e mediante unha nova revisión das mesmas, son unha aportación para a súa divulgación ante o público, pero sobre todo para acercar ás novas xeracións á nosa música.

Roi Casal é un músico, compositor e cantante galego e gran virtuoso na arpa céltica, a zanfona e o bouzouki. Formado co mestre Rodrigo Romaní e no Conservatorio Superior de Música de Madrid, formou parte de Milladoiro, a formación máis internacional da música galega.

Na actualidade, Roi Casal está considerado unha das principais referencias musicais da música galega. O seu estilo é moderno e contemporáneo, combinado cos aportes da terra da que é orixinario. Trátase dun dos grandes expoñentes da música do estado español.

Riobó é o nome do grupo de Begoña, e tamén o título do seu primeiro traballo discográfico, que se caracteriza polo virtuosismo dos seus músicos á hora de arranxar e interpretar melodías da tradición galega, sendo fieis ás súas formas e orixe.

Cada concerto convírtese nunha mostra de sensacións, onde conviven as raíces culturais máis puras con formulas interpretativas actuais.

No 2015 Riobó presenta o seu segundo traballo "Quiral".