Concerto da recoñecida fadista galega.
Unindo as súas múltiples influencias ao sentir portugués e á dozura natural do idioma galego, dotada de cualidades vocais excepcionais, envolve de inmediato ao público nun ambiente máxico coa musicalidade arrepiante que lle brota da alma.
En xullo do 2011 xorde o Quinteto Son Real. Coa intención de levar a música tradicional cubana a todas partes. A principal base é o son cubano, e a partir de aí poder fusionalo con outros estilos. Os compoñentes da agrupación contan cunha gran traxectoria musical.
O Quinteto como formación está composto polo xa tradicional tres cubano, instrumento nacional de cuba, guitarra clásica co seu peculiar acompañamento, contrabaixo co seu amarrado tumbao, congas, bongó coa súa marcha e o seu martelo, güiro, maracas, clave co seu ritmo contaxioso.
En “As arpas de Breogán”, Rodrigo Romaní presenta un traballo dedicado ao son da arpa céltica e á súa utilización dentro do folk contemporáneo creado a partir da música tradicional. Temas de composición propia e adaptacións de temas tradicionais e mesmo da música culta compoñen un variado repertorio que engancha pola súa sonoridade e orixinalidade.
Tromentelos presenta en Lugo o seu primeiro disco, Folk de Velcro. Tras anos de experimentación, ao fin deron coa fórmula axeitada que expresa as súas inquedanzas e que reflicte o seu gusto polo ecléctico. E sobre todo, que os identifica como músicos galegos, facendo música galega. Con inclusións, pero cunha base moi clara e que aparece en todos os seus temas.
Milesios nace recén comezado o verán de 2009, do interese común por interpretar música de raíz galega e irlandesa.
En febreiro de 2013 sae á luz o seu primeiro disco, titulado "Alén mar", que evoca a viaxe dos Milesios de Galicia a Irlanda hai miles de anos.
Milesios son:
Luis Emilio Batallán é un compositor, músico e cantautor galego nado en Moraña. Autor de éxitos recoñecidos como "Aí vén o Maio" e "Quen puidera namorala", é considerado un dos representantes da Nova Canción Galega.
É experto musicalizando textos líricos e literarios como os de Álvaro Cunqueiro, Celso Emilio Ferreiro, Rosalía de Castro e Uxío Novoneyra entre outros e conta con colaboracións con grandes artistas como Pablo Milanés e Joaquín Sabina
Nalgúns lugares de Galicia, as coañadeiras eran aquelas mulleres responsables de varrer os restos do cereal, logo das duras xornadas da malla. Tamén recibían ese nome as vasoiras que empregaban e, no fondo, o grupo Coanhadeira naceu en 2006 con ese mesmo espírito de recollida e vive entregada a amosar aqueles “restos” musicais conservados até os nosos días a través da tradición oral.
Este grupo presenta nas súas actuacións un formato didáctico e un percorrido variado polas músicas tradicionais e o papel que nela xogaron as mulleres. Queren transmitir un recoñecemento ás portadoras de saberes. Inclúen sonoridades distintas: vogais, de corda, de vento ou percutidas.
Grandes e pequenos fragmentos musicais coas historias que os acompañan.
Clave de Fado está fundado por Iria Estévez, Gonzo Piña e Pepe Piña. Naceu a finais do 2009 como grupo de versións. O proxecto, deseñado pola súa vocalista, Iria Estévez, estaba orientado orixinalmente, á creación de versións de grandes temas da música galega e portuguesa partindo do fado, aportando unha visión nova sobre a música portuguesa por excelencia, o fado.
Música tradicional, folk e de autor para unha tarde de domingo onde ademais do concerto haberá visita ao pazo e viño.
O grupo de música folk Puntada sen Fío chega ata Rois para presentar o seu primeiro traballo discográfico 'A lúa prendeu a luz', un álbum que se fixo realidade co apoio do micromecenado. O trío formado por Xiana Lastra (voz), Juan Collazo (percusión) e Roberto Rama (saxo) rodéanse neste concerto de amigos: Paco Barreiro, Rosalía Fernández Rial, Tanxugueiras...
