Guadi Galego está levando a cabo unha exitosa xira co seu último traballo 'Lúas de outubro e agosto', un repertorio que, de seguro, é protagonista do concerto que ofrece dentro das actividades do Encontro da artesanía popular e tradicional de Galicia.
As Lagharteiras son un grupo de mulleres pandereteiras cunha ampla traxectoria no eido da música tradicional, que unen os seus coñecementos para por en marcha un proxecto de dignificación e revalorización do patrimonio cultural galego.
MARUSÍA é o cheiro do mar. E, como o mar, o proxecto de Clara Pino e Pablo Vidal bate os textos poéticos cos sons da arpa celta, zanfona, o contrabaixo e as voces... desde o eclecticismo e sen complexos, femenino e masculino, modernidade e tradición.
Najla Shami, cantora e compositora nacida en Compostela, filla de tres culturas: palestina, galega e arxentina, creceu entre Galicia e Kuwait.
Interesada pola música desde a infancia, comeza a estudar e cantar con 9 anos, facendo parte de diversos coros polifónicos e formacións de música tradicional galega. Nesa altura crea as súas primeiras cancións, pero é aos 17 anos, idade á que comeza a tocar a guitarra, cando as súas composicións se volven máis persoais e a súa voz vese influenciada por estilos coma o jazz, funk e world music.
A Deolinda, un grupo que conta historias de personaxes reais que viven en Lisboa, que namoran fugazmente no metro. Os seus temas falan da vida no barrio, de precariedade da época na que nos toca vivir.
Ana Bacalhau, voz.
Pedro da Silva Martins, guitarra.
Luís José Martins, guitarra.
Zé Pedro Leitão, contrabaixo.
A Praza Maior acolle o concerto dos grupos Cantigas da Terra, AOFT Gomes Mouro e a Coral de Ruada.
Este concerto pon fin aos actos do IX Certame de Ruada, e encádrase dentro dos actos das Festas de Ourense 2015.
Vai é un novo grupo formado por Xosé Ramón Vázquez no acordeón, Roberto Santamarina no violín e Giao Rodrigues na guitarra e a mandolina. Os tres foram membros de Fia na Roca, onde se coñeceron e tocaron xuntos nos últimos quince anos. Agora presentan este proxecto, un formato acústico adaptable a todas as situacións, sólido no musical e lixeiro na posta en escena.
Os Greyhounds tentan abranguer un mundo e situalo no escenario, resumindo máis dun século de música americana con parámetros firmes pero variantes infinitas.
A banda está formada por:
Encadrado na programación das Festas de Ourense a fadista María do Ceo preséntase xunto coa Banda Municipal de Música de Ourense con este concerto onde se interpretarán temas do folclore, tanto galego coma portugués.
Antonio Muñoz Fernández, La Unión (Murcia), 1975. Neto do guitarrista Antonio Fernández e fillo da cantaora Encarnación Fernández. Comezou a súa formación como guitarrista con tres anos da man do seu avó. Completou a súa formación con profesores como Manuel Cano, e moi pronto desenvolveu todo un estilo persoal baseado nunha depurada técnica e nunha intensa e inquieta creatividade que lle fixo gañar o "Bordón Mineiro", máximo galardón do Festival internacional Cante das Minas en 1989.
