Raíz/folk

Roi Casal é un músico, compositor e cantante galego e gran virtuoso na arpa céltica, a zanfona e o bouzouki. Formado co mestre Rodrigo Romaní e no Conservatorio Superior de Música de Madrid, formou parte de Milladoiro, a formación máis internacional da música galega.

Na actualidade, Roi Casal está considerado unha das principais referencias musicais da música galega. O seu estilo é moderno e contemporáneo, combinado cos aportes da terra da que é orixinario. Trátase dun dos grandes expoñentes da música do estado español.

Proxecto en formato acústico de tres ex membros de Fía na Roca que ofrecen unha proposta moi interesante para gozar ao aire libre.

Vaia Trío son Xosé Ramón Vázquez, no acordeón; Giao Rodrigues, na guitarra e a mandolina; e Roberto Santamarina, no violín. Trátase de tres grandes da música que durante 15 anos tocaron xuntos en Fía na Roca. 

Treixadura actúa nunha das citas salientables do verán onde o público pode gozar non só de grupos galegos, senón de formacións doutras culturas e pobos celtas.

O festival procura que converterse nun referente neste estilo de música folk tanto no concello como no Sur de Galicia e Norte de Portugal.

Nesta edición, como novidade, intégrase o festival 'Bailamos'. Deste xeito, na tarde do sábado poderase gozar das actuacións de dez grupos de baile galego do concello de Mos. 

O certame conta con sitio para facer acampada e gozar dos dous días.

A asturiana Marisa Valle Roso comenza nas de tonada en 2000 da man de Alfredo Canga, unha das voces máis reputadas do século XX neste xénero musical. E gaña moitos premios neste xénero.

Esta agrupación saca no 2010 o seu primeiro disco, titulado Banda Crebinsky, cos temas da B.S.O composta por Pablo Pérez da película Crebinsky, dirixida por Enrique Otero. A partir deste momento comeza a ofrecer concertos en diversos formatos e acadan importantes premios.

En marzo do 2012 sae á venda o seu segundo disco, Jet Lag, publicado por Boa Música, no que a Banda opta por un son máis ecléctico e directo, rápido no cambio de estilos, tempos,f ranxas horarias, culturas e idiomas nunha viaxe a un mundo en constante metamorfose.

18.30 h Concerto: Xosé Lois Romero & Aliboria
20.30 h Nova Galega de Danza: Tradición
22.00 h Concerto: Andrés Penabad
00.15 h Concerto: Riobóo

Encontro vinculado á XXXI Xuntanza Internacional de Gaiteiros. A música da gaita empezará a soar ás 21 horas nunha xornada de homenaxe ao gaiteiro Pepe Temprano da Coruña.

Participan diferentes formacións, entre elas a Real Banda de Gaitas da Deputación de Ourense.

O cartel complétase con outras agrupacións galegas, nacionais e mesmo de Grecia, Holanda, O Xapón e Portugal.

Xosé Lois Romero e Aliboria é un proxecto musical que da boa contara da excelente fusión da música tradicional coa renovación. Arranxos innovadores e novas fórmulas sonoras póñense ao servizo da tradición dando un resultado ben fermoso. Froito deste proxecto na búsqueda de novos camiños na percusión tradicional nace o disco 'Xosé Lois Romero e Aliboria', que ten ao colectivo de xira para presentalo en directo.

Sesión vermú do máis musical. Primeiro escóitase o concerto e, se gusta, págase ao saír (a vontade).

Vai é o grupo formado por Xosé Ramón Vázquez no acordeón, Giao Rodrigues na guitarra e a mandolina e Roberto Santamarina no violín. Os tres foron membros de Fía na roca, onde se coñeceron e tocaron xuntos durante quince anos. Agora presentan este proxecto, un formato acústico adaptable a todas as situacións, sólido no musical e lixeiro na posta en escena.

A súa música é na maior parte de composición propia pero sen deixar de lado o mellor repertorio tradicional, do que interpretan varias pezas tentando darlles un aire orixinal.

O amor nas súas diferentes formas convértese en temática recurrente de “Entre dous mares”. Dende a pureza do afecto universal e sincero de “Máis amor” ata o arraigo transformado en dor de “Arde el mar” pasando polas reminiscencias das cantigas de amigo no “Romance de Mirabella”.