Novo circo

Delirante espectáculo no que se combinan disciplinas de novo circo (malabares, pallaso, equilibrios...) con excentricidades e xogos co público.

Un personaxe eléctrico e bastante tolo sorprende a todos realizando proezas como: malabares incribles, memorizar centos de nomes, darlles novos usos a obxectos cotiáns, pelexar co público ou transformar a un neno nun grande artista de circo.

Habilidade, perspicacia, velocidade mental e sobre todo moita risa.

Pequenos e grandes sacarán, neste espectáculo de Cultura no Camiño, ao tolo que levan dentro.

Autor: Alfredo Pérez Muíño

O teatro xestualdanza, acrobacia, malabares e outras disciplinas circenses mestúransepara crear una historia absurda, tola, sobre un artista coa intención de presentar o seu número a toda costa; e demostrarlle ao seu amado público do que é capaz. No intento, este personaxe encontrarase cun montón de trabas que solucionará dunha forma un tanto particular, axudado, en ocasións, pola participación do público e dentro dun marcado rexistro clownesco.

Obra gañadora do Festival Internacional de Clown (Festiclown 2006)

A protagonista colga a colada na praza pública de cada vila que visita e coa súa lavadora portátil crea confusión na tranquila vida dos habitantes. 

Este show baséase sobre unha innovadora forma de espectáculo de rúa, onde a manipulación de obxectos, clown e malabares son as bases para a comunicación narrativa.

Os espectadoares están directamente implicados en todo o espectáculo

Interpréte: Francesca Martó

Velocíclopes é un espectáculo conformado por varios sketchs, O propietario, ser ou non ser e os bos modais, onde a través da utilización dunha linguaxe plástica surrealista amósase o absurdo do comportamento humano en situacións propias da vida cotiá (a furia que aparece cando nos poñemos ao volante, o sentido da propiedade, a importancia de aparentar socialmente,...).

Desastronauts chega cun incrible espectáculo de acrobacias aéreas que inclúe técnicas de trapecio en voo, unha especialidade tan espectacular, como arriscada e pouco habitual.

Unha muller forte, intelixente, atractiva e divertida topa cun home... Estúpido. El ha facer o que sexa para estar con ela, e ela fará todo o posible por escapar. Ela é dona de si mesma, el é infantil. Veremos como a súa loita frenética vaise intensificando a medida que atopan un trapecio de balanceo, cordas aéreas e un hula-hoop de lume.

Situacións irrepetibles, comedia instantánea, creación en directo. Os actores crean historias a partir das propostas do público e resólvenas a un ritmo vertixinoso e hilarante. Cada función é diferente, pero o resultado é sempre o mesmo: non poedrás parar de reir.

Mestura de fraxilidade, desequilibrio e tensión, esta é a historia dun home sinxelo que vén mostrar e compartir o seu último gran enxeño. Unha máquina complexa realizada nun 90% con materiais reciclados, chea de diferentes mecanismos que reaccionan en cadea e que xeran diferentes sons e ritmos que crean un ambiente de expectación entre o público, ademais de múltiples e diversas situacións en escena. O interese polo ritmo, os malabares e o movemento, é a base e punto de partida deste traballo.

Non faltan equilibrios, acrobacias aéreas, malabares, maxia, danza e mesmo o humor.

Catro mulleres actrices e que dominan á perfección as técnicas do circo son as protagonistas de 'Expertas'. O que ofrecen sobre o escenario é un espectáculo con moita forza, humor e emoción que vos deixará abraiados coa súa sorprendente execución de técnicas de circo como o equilibrio, os elementos de acrobacia aérea, os malabares, os aros, a maxia, a danza...

"Contiguo" é un espectáculo sensitivo, poético e dinámico para todos os públicos que investiga na linguaxe espacial e corporal. Álvaro Pérez Hidalgo e  Álvaro Reboredo Ortega interpretan esta peza que se presenta como unha investigación da linguaxe espacial e corporal que crea un universo único de expresión, resultado da búsqueda do circo como linguaxe en si mesma. 

Un Belo Dia é un proxecto de vida construído por Dulce Duca e Iris Ziordia. Vida en forma de espectáculo.

Dulce Duca incorpora o malabar, a manipulación e os equilibrios de mazas nunha linguaxe corporal única e impactante, transmitindo emocións nunha peza que integra e intriga ao público de todas as idades.