Elenco: Miguel Borines, Andrés Giráldez e Eduardo Rodriguez Cunha "Tatán"
A galiña azul é un espectáculo que mestura títeres e actores, baseado no conto homónimo de Carlos Casares. Está orientado ao público infantil e familiar, que é co que habitualmente traballa Tanxarina.
Manipuladores: Manuel Pico e Eva Soriano
Tin e Ton son un par de calcetíns inseparables.
Onde está Tin está Ton e onde está Ton está Tin. Desde pequenos creceron xuntos compartindo risas, aventuras e travesuras.
Un bo día Ton desaparece e Tin debe emprender unha viaxe na súa procura, unha viaxe chea de sorpresas que o levará a recunchos insospeitados.
Calcetíns, sabas, pantalóns, fregonas, escobas, ferros e outros obxectos cotiáns dan vida á nova creación da Canica, a súa proposta teatral máis divertida e desenfadada.
Elenco: Luis Vallecillo e Celtia Figueiras
O mar, no seu infinito murmurio trae consigo sons,lendas e tamén cancións.
Dende tempos inmemoriais o mar, ademais de ser unha inesgotable fonte de inspiración para debuxantes, músicos e poetas, agocha historias e aventuras de sereas, piratas e vellos mariñeiros.
A través dos contos e da música, utilizando monicreques, obxectos, instrumentos e por suposto moita imaxinación sumerxerémonos nun universo tan real como lendario, un mundo mariñeiro do que sabemos algunhas cousas e descoñecemos moitas outras.
Manipuladores: Isabel Coldeira e Ero Vázquez
Tolitates, movido por unha atracción se cadra máis tola ca el, sáltase todas as sinais de perigo e escapa da cordura atopando outras personaxes e situacións absurdas que loitan polo protagonismo sobre as táboas dun teatro.
Un gran elenco informal e atolondrado formado por obxectos, monicreques de fíos, bunraku e guiñol que nos leva a gargallada continua sen mediar palabra.
Espectáculo poético, divertido, áxil e desenfadado dirixido a un público comprendido entre os 3 e 7 anos.
Está baseado en 3 contos clásicos: O Reiseñor, Garavanciño e O zapateiro e os trasnos.
Autor: Ricardo Combi
Dirección: Alex Díaz
Elenco: Rocío González e Rocío Salgado
A compañía de maese Seisdedos, cego e monicrequeiro ambulante, realiza as súas representacións usando a técnica tradicional do bululú galego na que o “lazarillo” manipulaba os bonecos oculto na capa do cego que tocaba a zanfona.
Representará contos medievais (Joan de Timoneda, Lope de Rueda,…) e populares; romances históricos (A nau Catrineta, D. Martiño,…); romances de cego (Crime de Caldas,…); pequenas pezas teatrais, cancións tradicionais (O sacristán de Coimbra,…). Contos e narracións da literatura galega (Can branco, can negro de M. Victoria Moreno)….
Na noite de Nadal o padriño regálalle á pequena Clara un crebanoces con forma de boneco. De tanto partir noces, o boneco acaba rompendo, e Clara colle un enorme desgusto. Para consolala o seu padriño cóntalle a historia do boneco, xa que o Crebanoces é, en realidade, un valente personaxe que loitou co seu exército de xoguetes contra a raíña dos ratos.
Acompaña a Peter Pan e a todos os seus amigos nesta divertida aventura entre piratas, sirenas, indios e fadas. Cunha espectacular e colorida posta en escena, voces en directo, efectos visuais e grandes números musicais nesta volta de porca do conto clásico que ten o obxectivo de divertir, emocionar e educar a pequenos e maiores sobre o respecto á diferenza.
Unha noite de lúa chea para descubrir que é un güe-güe, para o que hai atopar algo pequeno que estea a durmir.
Para bebés de 0 a 3 anos.
Elenco artístico: Carlos Clemente Martinez e Anxo Rodriguez
Duas versións do mesmo conto,porque cada quen narra o conto como lle vai na feira.
Un avó moi vello e encollido, e o seu neto relambido, queren conta-lo conto a un tempo; acordan que o neto leve o fío e o avó lle axude só cando o novo se atranque. Pero o avó apaixónase e chochea a partes iguais, e ámbolos dous fanse unha lea de moita tea, coa Carapuchiña... Vermella?
E para rematar, o Lobo, farto da súa mala prensa, quere da-la súa versión da historia.
