Acompaña a Peter Pan e a todos os seus amigos nesta divertida aventura entre piratas, sirenas, indios e fadas. Cunha espectacular e colorida posta en escena, voces en directo, efectos visuais e grandes números musicais nesta volta de porca do conto clásico que ten o obxectivo de divertir, emocionar e educar a pequenos e maiores sobre o respecto á diferenza.
Unha noite de lúa chea para descubrir que é un güe-güe, para o que hai atopar algo pequeno que estea a durmir.
Para bebés de 0 a 3 anos.
Elenco artístico: Carlos Clemente Martinez e Anxo Rodriguez
Duas versións do mesmo conto,porque cada quen narra o conto como lle vai na feira.
Un avó moi vello e encollido, e o seu neto relambido, queren conta-lo conto a un tempo; acordan que o neto leve o fío e o avó lle axude só cando o novo se atranque. Pero o avó apaixónase e chochea a partes iguais, e ámbolos dous fanse unha lea de moita tea, coa Carapuchiña... Vermella?
E para rematar, o Lobo, farto da súa mala prensa, quere da-la súa versión da historia.
Recomendado para os máis pequenos da casa, Kikiriguau é un espectáculo sen palabras, co idioma dos animais para que todos o podan entender sen importar de onde sexan ou se están a aprender a falar. Por iso é chamado iniciación ao teatro. Os coloridos monicreques, a iluminación, a banda sonora orixinal e por suposto as historias están pensadas para que esa primeira experiencia no teatro esperte nese novo chegado público a súa curiosidade e diversión.
Recreo é un espectáculo de sombras que dá luz a unha historia baseada en feitos reais.
Esta é a historia de Telma, unha grande aventureira que só pensa en atopar tesouros perdidos en lugares remotos xunto ao seu amigo Luís á hora do recreo. E... que pasa co bocadillo? Á pequena intrépida non lle dá tempo. Comerllo ou non llo quere comer, ou peor aínda, quítanllo. Porque ela volve todos os días a casa famenta. Por iso o seu pai está tan preocupado... como xa non se acorda de como se buscan os tesouros...
O conto comeza cun lobo feroz, encerrado no zoo. Está triste e seu soño acaba por ser un pesadelo. O lobo rompe as barras da súa gaiola e consegue escapar.
Elenco:
Sabela Amado Rojo
Plamev Dipchikov
A historia comeza así: "Contan que, nun castelo vivía un Rei que protexía excesivamente ao seu único herdeiro.Tanto é así, que non lle permitía xogar cos demais nenos da aldea. O Príncipe pasaba a maior parte do seu tempo encerrado na súa suntuosa habitación".
Da man da compañía de monicreques A la Sombrita, o público aprenderá o valor dun sorriso e a importancia da amizade.
Fantástica recreación para marionetas baseada no relato de Lewis Carrol “Alice in Wonderland”.
Conducidos polo Coello Branco, seguiremos con expectación as aventuras da pequena Alicia nese mundo onírico e fantástico que late debaixo da terra.
Alí merendaremos coa Lebre de Marzo, o Sombreireiro Loco e o Leirón. Xogaremos ao cricket coa Raíña de Corazóns e coidado Alicia! estás a medrar de novo e caeremos todos polo chan!
O espectáculo leva á cativada nun mergullo escénico para coñecer a Golfiña e acompañala na súa viaxe submarina. Esta peza de monicreques propón unha reflexión sobre a problemática da contaminación no medio mariño.
Para nenos e nenas de 3 a 12 anos.
Unha sesión "filipante" de contos para toda a familia. Historias tradicionais, música e o humor repártense entre os dous contadores que soben á escena: o actor Fran Campos e a súa amiga Filipa, quen lle dará un valor engadido ás historias de carácter tradicional: a súa experiencia. Haberá tamén historias cantadas. Historias e xogos de palabras feitas cancións. Historias non só do noso entorno máis próximo, senón tamén doutras terras. Contos "filipantes", contos cantados e acompañados dunha guitarra.
