Fantástica recreación para marionetas baseada no relato de Lewis Carrol “Alice in Wonderland”.
Conducidos polo Coello Branco, seguiremos con expectación as aventuras da pequena Alicia nese mundo onírico e fantástico que late debaixo da terra.
Alí merendaremos coa Lebre de Marzo, o Sombreireiro Loco e o Leirón. Xogaremos ao cricket coa Raíña de Corazóns e coidado Alicia! estás a medrar de novo e caeremos todos polo chan!
O espectáculo leva á cativada nun mergullo escénico para coñecer a Golfiña e acompañala na súa viaxe submarina. Esta peza de monicreques propón unha reflexión sobre a problemática da contaminación no medio mariño.
Para nenos e nenas de 3 a 12 anos.
Unha sesión "filipante" de contos para toda a familia. Historias tradicionais, música e o humor repártense entre os dous contadores que soben á escena: o actor Fran Campos e a súa amiga Filipa, quen lle dará un valor engadido ás historias de carácter tradicional: a súa experiencia. Haberá tamén historias cantadas. Historias e xogos de palabras feitas cancións. Historias non só do noso entorno máis próximo, senón tamén doutras terras. Contos "filipantes", contos cantados e acompañados dunha guitarra.
Auga que non vas beber é un recital satírico para monicreques, onde salientan diversas cantigas populares como A saia da Carolina, O sermón do padre Damián ou O cura está malo, entre outros cantos e contos que remiten sempre a unha memoria colectiva de transmisión oral compartida en toda a península ibérica e que o autor enlaza para contar as aventuras e desventuras amorosas do muiñeiro Xosé coa Carolina, baixo a libidinosa tutela do padre Damián, cura de Agolada.
Espectáculo de monicreques de Títeres Cachirulo. Nesta obra, o Principe Verdemar é desterrado do seu fogar. Coa axuda dun trasno falcatrueiro, tendrá que loitar contra bandoleiros e mesmo enfrentarse cun terrible dragón que ten prisioneira á filla do Rei Micomicon, para poder retornar triunfante a casa.
Para nenos e nenas de 5 a 11 anos.
Espectáculo de contos con monicreques de mesa acompañado de instrumentos musicais sinxelos para gozo dos máis pequenos da casa e os seus pais.
Para bebés de 1 a 2 anos.
Elenco: Andrea Bayer e Davide González
Marieta é unha nena como calquera nena de 5 anos. Ela está rodeada de portas, portas que se abren e contan historias. Historias que teñen música e cantan cando Marieta quere, pero Marieta ten unha porta que garda un segredo. Un segredo, que nunca contou e ninguén escoitou, por iso Marieta ás veces non fala e queda calada, por iso Marieta sempre se enfada, por iso dende hai tempo ten pesadelos e máis pesadelos.
Baila Roque, baila! é un espectáculo de teatro e contos dinámico, divertido e participativo onde os contos e os bailes teñen cabida.
Andrea, desta vez, estará acompañada deste simpático personaxe, Roque, que nos fará rir, bailar e soñar
Elenco: Andrea Bayer e Óscar Ferreira
Dirección: Andrea Bayer
Espectáculo “unipersoal”… ou non. Unha sesión “flipante” de contos para toda a familia. Historias tradicionais, música e humor repártense entre os dous contadores que comparten escenario: o actor Fran Campos e a súa amiga Filipa, que lle dará un valor engadido grazas á súa experiencia.
Na posta en escena deste 2018 prestarase especial atención á escritora homenaxeada no Día das Letras Galegas, María Victoria Moreno, e á súa obra narrativa Mar adiante. Para tal fin adaptaranse contos incluídos nesta escolma.
A alfombra máxica é un prelibro onde a artista plástica Mirari Urruzola convida aos máis pequenos a mergullarse nunha viaxe sensorial.
Un lugar de libre experimentación, unha alfombra táctil, sonora e olfactiva. Xuntos descobren o pracer de apalpar, manipular, escoitar, ver... Unha invitación a xogar, explorar, experimentar con todo o corpo.
Xogos, música e outras sorpresas viaxarán cos máis pequenos e cos seus acompañantes adultos por un mundo de emocións e sensacións.
