Sinopse: O zapateiro real recibe todos os días calzado das persoas máis importantes do Reino. Un día chega as súas mans un pequeno zapato de cristal, o fermoso zapato da Cincenta; un zapato que agocha unha fantástica historia.
A partir do clásico dos irmáns Grimm, Danthea teatro presenta unha comedia para toda a familia que mestura o teatro de actor e o de obxectos.
Nesta tarde de teatro, que tal un paseíño en barco? E unha historia de piratas?
Esta historia é a do capitán Barracuda e os seus piratas, de illas remotas, de tesouros que son libros e de libros que son un tesouro. Viaxaremos polo Caribe, atravesaremos tormentas, enfrontarémonos a truáns, bailaremos en festas e durmiremos baixo as estrelas.
Premio Barriga Verde de Textos de Teatro de Monicreques 2014.
Había unha vez un pequeno lobo que vivía no Prado Azul e precisaba falar coa Lúa. Era moi importante o que lle tiña que dicir, mais como a lúa estaba moi lonxe non o escoitaba, así que o lobo tiña que ouvear. Cos seus berros non deixaba durmir a ninguén: nin a Nina a tartaruga, nin a Duarte o elefante, nin a Miñao o gato malvado. No seu intento de falar coa lúa coñece a Mariano, un rato falador e divertido que lle axudará, ou quizais non. No Prado Azul esta noite ninguén pode durmir!
Baseada na obra de Pepe Carreiro Historia da lingua galega, do latín ao acento de Burgos.
Gale conducirá ás nenas e aos nenos a través da súa historia para que lle axuden a repartir ese gran tesouro que protexe con tanto con mimo: palabras, expresións, ditos e unha maneira única de ser e de descubrir o mundo. Unha historia chea de aventuras e desventuras que nos axudarán a comprender as circunstancias que rodean a Gale no día de hoxe, pero tamén a gran riqueza que supón contar con música, poemas, libros e canta cultura creouse e crearase en galego.
SINOPSE
Había unha vez unha ra que non paraba de brincar, sempre cantaba contenta baixo o sol ata que un día todo cambiou...Nano xa non da choutos, non canta, está triste e bebe auga sen parar. Que lle pasará? NANO vai á doutora.
Contos con moita ciencia.
Para nenas e nenos a partir de tres anos.
A Compañía Xarop Teatre de Castellón chega a Ferrol para continuar o ciclo Festea 2017. Neste caso a actuación é realizada na Capela do Torrente Ballester.
O espectáculo representa a historia do avó Teo, que lle ensina a súa neta moitas das cousas que el aprendeu ao longo da súa vida para que non queden no esquecemento.
E tamén lle contará cales son as cousas importantes da vida.
A Compañía Xarop Teatre de Castellón chega a Ferrol para continuar o ciclo Festea 2017. Neste caso a actuación realízase na Capela do Torrente Ballester.
O espectáculo representa unha obra teatral na que o pirata Barba e o señor Mirabet loitan polo mapa dun suposto tesouro.
A Compañía Xarop Teatre de Castellón chega a Ferrol para continuar o ciclo Festea 2017. Neste caso a actuación realízase no Centro Cívico de Caranza.
O espectáculo representa unha obra teatral coa axuda de marionetas, pero trátase dunha historia máis seria pero á vez divertida o que fai que os nenos gocen da interpretación. Tamén axuda a impartir certos valores sociais e fala dos problemas que ocasionamos os humanos á natureza e aos animais.
Esta é a historia de Antón, a quen de neno na súa casa llo facían todo; non facía falta que aprendese nada se el non quería. Cando creceu tiña un axudante, Nicolás, que era o encargado de tamén facer todo por el. Pero, un día, Nicolás chegou á conclusión de que xa tiña bastante diñeiro e marchou vivir ás Illas Verdes deixando a Antón. Comeza así unha longa viaxe na Antón vai na procura de Nicolás, atravesando campos, cidades e lugares descoñecidos para el e aprendendo polo camiño moitas cousas.
O prezo das entradas é de 5 euros.
Do 14 ao 22 de outubro celébrase en Santiago de Compostela a XXII edición do Festival Internacional Galicreques, no que se poderán ver 27 espectáculos de monicreques de Galicia e países como Arxentina, Francia, Portugal ou Brasil, nun programa que ocupará, ademais de salas habituais como o Teatro Principal ou a Fundación SGAE, prazas e rúas.
