En 1982 Anxo García, Pilar Álvarez e Xulio Balado forman a compañía Viravolta títeres.
Ademais da produción e distribución de espectáculos de monicreques realizan outras actividades: cursos, exposicións, programacións (Titerentroido, Titirideza e Cantos e contos do Nadal); sempre relacionadas co mundo da marioneta.
Actores manipuladores: Eduardo Rodríguez "Tatán", Miguel Borines e Andrés Giráldez
Tres trogloditas convídannos a entrar no primeiro teatro da prehistoria: a cova, onde asistir a un cómico espectáculo cheo de humor e tolería. Da man dos Monicreques e das súas primitivas habilidades imos coñecer a singular forma de vida dos nosos antepasados máis divertidos.
Unha sorprendente ambientación, a orixinal linguaxe e unha prehistórica escenografía farán que o espectador perda durante a representación o sentido do tempo e do aburrimento.
O punto de partida da composición dramatúrxica do espectáculo é o conto O vixilante do soños publicado pola editorial Galaxia na colección Os duros.
Na historia sucédense os anos e Sonólicus, o protagonista, chega a deformar o seu corpo ao alongar os brazos a forza de estiralos cara á lúa. Na sociedade en xeral, moitos nenos e nenas deben enfrontarse á propia certeza de ser diferentes e loitar por esa diferenza.
Gale conducirá ás nenas e nenos a través da súa historia para que lle axunden a repartir ese gran tesouro que protexe con tanto con mimo: palabras, expresións, dicires e unha maneira única de ser e de descubrir o mundo.
Unha historia chea de aventuras e desventurasque nos axudarán a comprender as circunstancias que rodean a Gale no día de hoxe, pero tamén a gran riqueza que supón contar con música, poemas, libros e canta cultura se creou e creará en galego.
A Xunta de Galicia anima ás familias a gozar na Cidade da Cultura de Galicia dun 'Agosto monicrequeiro' con tres das mellores compañías de marionetas galegas: Baobab Teatro, Tanxarina Títeres e Os monicreques de Kukas que actuarán no Xardín do Teatro os mércores 5, 12 e 19 de agosto, respectivamente, ás 19,00 horas.
Da man do Fondo de Proxectos Culturais Xacobeo 2021 e da compañía teatral Tanxarina, coñeceremos a historia a historia de dous vellos traballadores daquel circo que lembran con marionetas de fíos as glorias do seu pasado na pista. Nun permanente xogo participativo co público, van aparecendo os números máis importantes daquel vello circo xa desaparecido: o home máis forte da península Ibérica; o malabarista máis divertido e bailadeiro do mundo….
Unha sesión "filipante" de contos para toda a familia. Historias tradicionais, música e o humor repártense entre os dous contadores que soben á escena: o actor Fran Campos e a súa amiga Filipa, qune lle dará un valor engadido ás historias de carácter tradicional: a súa experiencia.
Haberá tamén historias cantadas. Historias e xogos de palabras feitas cancións. Historias non só do noso entorno máis próximo, senón tamén doutras terras.
As Xeneralas da Ulla" é un espectáculo de rúa baseado nunha das manifestacións máis ricas do entroido galego: "Os xenerais da Ulla".
Andrea enche a súa maleta de contos e de outros obxectos para subirse ao tren co seu amigo Roque.
Roque é a primeira vez que vai viaxar en tren e está moi nervioso, Andrea intentará facerlle a viaxe máis agradable, e mentres agarda por él irá ensaiando os contos que lle vai contar.
Manipuladores: Óscar Ferreira e Andrea Bayer
Trátase dunha lembranza fantástica e festiva do grande circo de carpa alta e bicolor: a historia de dous vellos traballadores daquel circo que lembran agora con monicreques de fíos as glorias do seu pasado na pista.
Nun permanente xogo participativo co público, van aparecendo os números máis importantes daquel vello circo xa desaparecido: o home máis forte da Península Ibérica, o malabarista máis divertido e bailadeiro do mundo....
