Sólodos en Danza é un festival internacional de danza contemporánea e un concurso coreográfico Iberoamericano, que promove o intercambio cultural entre continentes. Celébrase en América desde hai 6 anos e realizarase por terceira vez na cidade de Ourense.
A vistosidade da súa escenografía e vestiario, a maxia da súa historia, os seus imaxinativos personaxes e a música universal de Tchaikovsky converteron O Crebanoces nun clásico do Nadal, ideal tanto para públicos máis pequenos como para adultos.
Baixo a forma de conto infantil —os bonecos que cobran vida a noite de Nadal, e que arrastran á nena protagonista a vivir máxicas aventuras—, o ballet é unha fábula de espírito do Nadal que fala da añoranza pola infancia perdida e o choque entre a realidade dos adultos e o mundo dos soños de nenos e nenas.
O gran ballet por excelencia: O lago dos cisnes.
Unha cativadora historia de amor (un príncipe, unha fermosa rapaza transformada en cisne polo conxuro dun bruxo, un engano mortal...), o virtuoso dobre papel de Odette / Odile, a forza da música de Tchaikovsky, e un dos máis grandes pas de deux do repertorio do ballet, converten O lago dos cisnes nunha experiencia única.
A compañía St. Petersburg Festival Ballet foi fundada en 2011 por Maxim Zhuchin. Reúne a ambiciosos novos bailaríns de San Petersburgo.
O propósito da posta en marcha da compañía, foi o desexo de presentar aos amantes do ballet clásico no estranxeiro ás novas estrelas do ballet ruso, descubrir ao mundo novos nomes, e axudar aos bailaríns a revelar plenamente o seu talento.
Na formación da compañía tivo unha gran influencia o famoso coreógrafo Nikolai Boyarchikov, quen ao longo de moitos anos ocupou o cargo de Director Artístico do teatro Mikhailovski de San Petersburgo.
A obra transcorre entre o amor e a maxia, enlazando nos seus cadros a eterna loita do ben e do mal. Protagonízana o príncipe Sigfrido, namorado de Odette, moza convertida en cisne polo feitizo do malvado Von Rothbart e Odile o cisne negro e filla do bruxo.
"La danza, un camino a recorrer" é unha proposta educativa, creada desde un punto de vista absolutamente pedagóxico, que busca como fin dotar aos nenos e adolescentes dunha base de coñecemento sobre a descoñecida arte da danza, co fin de que nun futuro poidan ser espectadores críticos e reflexivos. Desde unha formulación do espectáculo visual e activo, conducirase ao alumno/espectador a través do tempo, mostrándolle os diferentes personaxes, músicas e bailes pertencentes a cada época histórica e que en ocasións poderá executar.
Heartbeat é un só de movemento para un intérprete. A primeira finalidade deste só é ocupar un espazo e un tempo bailando. Unha sesión de música dance, hip hop, techno e electrónica serven de base ao movemento. A pulsación da música é a que marca o ritmo e a que ofrece o estímulo ao corpo para moverse. Un corpo que está a escoitar súas necesidades así como da súa espontaneidade nun exercicio de improvisación.
Bailaríns: Mikel Aristegui, Nuria Sotelo e Rosabel Huget
In between plantéxase a cuestión da definición binaria do xénero no corpo dx bailarín/na. Abrir unha reflexión sobre a importancia que hoxe en día define os roles do home e da muller na nosa sociedade, da necesidade de tratar un xénero “non definido” para poder comenzar un diálogo sobre a igualdade, para poder tratar ao ser humán como tal e non como unha definición dun xénero ou outro.
Elenco: Dario Dumont e Greta García
Dous seres opostos atópanse nunha escena bañada polo subrrealismo, onde as cores marcan o seu ritmo e no que o amor guiado polo circo e a danza, marcan todo o espectáculo.
É unha obra circular, exposta para que o espectador se sitúe a 360º, como o amor e a vida que nos fan virar.
Premio FETÉN 2018 ao mellor espectáculo de rúa.
É a nova proposta de Pisando Ovos dirixida cara as novas linguaxes escénicas, en clave de creación contemporánea, na que se amosa o concerto como forma de reunión da sociedade actual, e que convida a todas as asistentes a vibrar conxuntamente.
