Danza

SinTempo, segundo traballo de Sara Cano, é un só de danza no que a coreógrafa busca crear un espazo escénico propio no que poder desenvolver unha danza anacrónica, feita de pasados, presentes e futuros, unha danza sen tempo... simplemente persoal. SinTempo busca poder falar do paso do tempo, do pasado, o presente, o atemporal, o rápido, o lento, o estático, o que permanece e o que se vai e, en definitiva, das sensacións e reaccións que todo isto produce na creadora neste momento presente que vive o seu corpo e a súa conciencia. 

SER E TERRA . Un estilo de danza que  molla o aire. Velaí outra fecunda realidade artística que chega dende Galicia -absolutamente nova- con raices tan fondas como o propio océano.

  Dicímolo con orgullo. Nos últimos anos os galegos non deixamos de sorprender pola nosa creatividade. Coa Democracia xurdíu a primeira xeración que tivo oportunidade de formarse ben na cultura galega e na cultura universal. Aqueles rapaces regálannos agora unha arte plena, cargada co poder desta Fisterra, e, ao tempo, capaz de emocionar a calquera ser humano.                                           

Falamos de volver a nós, de sentirnos como almas ceibes destinadas a transmitir historias, viaxes de vida a nos mover entre susurros, mais sen medo de nos enfrontar co que non queremos.

Seguimos os nosos instintos, ouveamos para recoñecérmonos e uliscamos a mesma pegada para seguir o camiño desexado.

Somos elas e elas nós.

Interpretación: Alba Fernández e Ana Beatriz Pérez

SEN TITULO é un dúo creado en 1997 a partir da invitación do grupo Artistes Face au SIDA, para participar nunha gala na Sala Patiño en Xenebra, nunha época durante a cal as asociacións de loita contra a enfermidade comezaban a facerse visibles na paisaxe europea.

'Escenas do cambio' -o Festival de inverno, de teatro, danza e arte en acción da Xunta de Galicia na Cidade da Cultura- arranca o venres 31 de xaneiro cunha programación que permitirá gozar durante a fin de semana no Gaiás de cinco pezas que xiran ao redor da danza contemporánea e das linguaxes do corpo. O certame -incluído na programación do Xacobeo 2021- reunirá nestes tres días en Compostela a figuras internacionais tan relevantes como Ezster Salamon, Ula Sickle ou Leonor Leal e a creadores emerxentes galegos como Los Bravú ou Pálido Domingo.

Un espectáculo único con estrelas mundiais do Teatro Bolshoi, Teatro Mariinsky, Teatro da Scala Milano, San Francisco Ballet, Kremlin Ballet e Russian Classical Ballet, que interpretan algúns dos máis belos e emblemáticos Pas de Deux da danza clásica.

O espectáculo creado pola famosa bailarina Evgeniya Bespalova é formado por obras mestras do gran repertorio de danza clásica, abarcando distintos coreógrafos como Marius Petipa, Vasily Vainonen, Lev Ivanov, pero tamén Mikhail Fokin e Alexander Gorsky. 

Gala solidaria de danza a favor do proxecto viaje hacia la vida da ONG Fundación Tierra de Hombres

Colabora: Danza 10 studio

Presenta: Iria Tato

Obra mestra absoluta do teatro da danza do Romanticismo. Foi estreada en 1841 na Ópera de París constituíndose en peza pura e fundamental da danza clásica, tanto polo tratamento dos ideais románticos como polo emprego da máis refinada técnica teatral do século  XIX. O ballet  Giselle constitúe unha das máis puras xoias do ballet romántico.

Sin título é un duo creado en 1997 a partir da invitación do grupo Artistes Face au SIDA, para participar nunha gala na Sala Patiño en Xenebra, nunha época durante a cal as asociacións de loita contra a enfermidade comentaban a facerse visibles na paisaxe europea.

O Crebanoces de Piotr Tchaikovsky é a obra máis do Nadal do ballet clásico universal. A maxia dunha festa de Nadal fai posible que os soños de Masha se cumpran: os xoguetes cobran vida, o Crebanoces convértese nun belo príncipe e xuntos, tras enfrontarse aos malvados ratos, viaxan polas terras nevadas ao palacio máxico. Un gran espectáculo con magníficos solistas internacionais e espectacular escenografía de Eugeny Gurenko.