Se te miras ao espello podes verche por dentro?
Xoga é un espectáculo para descubrir como es e saber de que estás hech@. Un encontro didáctico que conxuga espazo escénico, audiovisual, música e danza. Diversión, unión e espectáculo.
Unha viaxe desde a imaxinación ao coñecemento.
Adiviña
Como a pedra son duros
para o can un gran manxar
e sen eles non poderías, nin saltar
nin camiñar.
(Os ósos)
Gaia é un espectáculo onde a voz e a danza achégannos coñecementos desde unha óptica visual e imaxinativa.
Unha historia en movemento na que a pintura, a música e o audiovisual axúdannos a descubrir a intensidade, o poder e a beleza das características do noso planeta e dos seus tesouros naturais.
Un encontro didáctico para entender a importancia da interacción entre as persoas e o medio ambiente.
Unha proposta dirixida a un público infantil e familiar, a partir de 3 anos.
O noso fogar, a Terra, está a cambiar rapidamente?
Profesional da Danza, Pilates e Flamenco, Xestión Cultural e Animación socio-cultural
Experta Universitaria en xestión cultural pola Universidade de Santiago de Compostela. Son unha profesional dinámica e versátil, creo e xestiono proxectos culturais de maneira independente e en colaboración con empresas e institucións, sempre movida polo meu interese na pedagoxía do movemento, e na dinamización cultural.
Kukai Dantza é unha compañía que nace e reside en Errenteria (Guipúzcoa), creada por iniciativa do bailarín e coreógrafo Jon Maya Sein, en 2001. Kukai realiza una creación contemporánea a partir da danza tradicional vasca, impulsando encontros con outras linguaxes artísticas e estilos de danza. Iniciou a súa andaina coa presentación da breve coreografía Deiadarra. Desde entón, soubo desenvolver un proxecto artístico camiñando en diferentes liñas de traballo.
Alma (non é hippie) é o primeiro espectáculo de danza vertical de Galicia, unha produción do Colectivo Verticalia, ou o que é o mesmo, das compañías Duelirium e Traspediante, co apoio de Pistacatro.
Alma (non é hippie) investiga nas diferentes percepcións sobre unha mesma realidade, os diferentes puntos de vista e, daquela, sobre o aparente e as aparencias desde a linguaxe da danza contemporánea, a verticalidade e o movemento.
ALMA (NON É HIPPIE) | Vigocultura| el sábado, 10 de octubre de 2020 a las 21:00h. en el Auditorio Municipal de Vigo.
Durante os días que dure o festival, o parque de Bonaval servirá de escenario para presentar os traballos de varias compañías da contorna galega e estatal. Na primeira sesión de Danza no parque, poderemos asistir ao Conxuro, de Daniel Rodríguez, Descansa en mí, de Abdiel Vargas e Yaimelys Robaina, e Círcula, de Marta e Remedios Cuba.
O bailarín e coreógrafo donostiarra Mikel Aristegui realiza nesta edición do festival herDanza unha residencia creativa en colaboración co Centro Galego de Arte Contemporánea cuxo resultado se presentará o venres no auditorio do CGAC. O artista manterá ademais un encontro aberto co público sobre o desenvolvemento deste traballo que leva por título Ouveo.
Ballet Don Quixote é unha das mellores creacións do famoso coreógrafo Marius Petipa. Por primeira vez a obra foi presentada no teatro Bolshoi de Moscova en decembro do 1869. A música para este ballet foi composta polo compositor austriaco Ludwig Minkus polo encargo do mesmo Petipa.
O brillo e o carisma do espectáculo, o seu sentido de humor atraen dunha maneira máxica cada vez máis xeracións dos bailaríns, coreógrafos e espectadores.
"CATRO" é a nova proposta de Caramuxo Teatro para primeira infancia. É unha peza visual que xoga coa vida, coas formas, os sons e as texturas... co descobrer a través da danza como linguaxe e canle de coñecemento.
"CATRO" lados ten un cadrado, a miña galleta preferida, as estrelas que vexo dende a miña habitación e catro son os recunchos do meu lugar.
"CATRO" é a experimentación a partir dun número que se repite na nosa vida. Unha experiencia para gozar en familia
Un total de 21 agrupacións de música e danza tradicional da nosa cidade farán sendas actuacións en diferentes prazas de Vigo. Trátase de parte da programación cultural que o Concello ten preparada para este verán.
A programación é a seguinte:
24 de xullo: Andarena na Praza da Miñoca
24 de xullo: Corisco na Praza da Pedra
25 de xullo: grupo de gaitas de Cabral diante do MARCO
25 de xullo: Pandereteiras Alalá diante do Mercado do Calvario
26 de xullo: Ventos de Comesaña en Beade
26 de xullo: grupo de gaitas Pardavila en Rosalía de Castro
