Trinketrinke
Lugar: salón de actos
Entrada libre ata completar a capacidade da sala
Os ratiños de Lonxedetodo volven á biblio con historias para fascinar aos máis pequenos! A ratiña Carolina cóntanos a historia dun invento para chegar ao ceo.
Entrada libre ata completar a capacidade da sala.
Lugar: ludoteca
Contados por Miguel e Blanca da FAXPG
Fantásticas historias contadas por especialistas en Lingua de Signos da Federación de Asociacións de Persoas Xordas de Galicia.
Comezamos o novo ano cunha edición especial do Galiverso, que poderá visitarse do 2 ao 5 de xaneiro de 2023 no andar -1 do Museo Centro Gaiás. Nesas datas, o Galiverso amplía o número de postos dispoñibles para gozar das 12 experiencias coas que conta actualmente, que permiten visitar o patrimonio material e inmaterial galego dun xeito inmersivo e diferente.Ademais, o Galiverso de Nadal estrea unha nova experiencia adaptada para nenas e nenos de 6 a 11 anos, que terá unha duración menor (5 minutos aproximadamente) atendendo ás recomendacións de uso da realidade virtual para estas idades.
Álex é un neno como calquera neno de 8 anos ao que lle encanta correr, xogar, saír cos amigos, ir ao parque... e ten ademais unha paixón: o fútbol. Pero un día ten que deixalo todo porque o seu corpo non responde, non camiña. E como calquera neno, Álex enfádase. Enfádase coa súa mamá, coa súa irmá, co seu can, ata co fútbol. Álex enfádase co mundo e repítese sen para a pregunta por que eu? por que? por que?
Con fío, agulla e dedal enfíame un conto xa! Comezamos a viaxe nun taller de costura, un lugar máxico aos ollos da nena protagonista que escoita contos, coplas, cancións en boca da súa avoa, nai e tía mentres traballan. Contos tan antigos como o oficio da costura. Puntada a puntada percorreremos mundos onde os fíos falan, as caixas de costura abren as portas da fantasía e os bastidores de bordar son ventás onde asomarse a historias prohibidas. Neste espectáculo atoparemos narración oral, música, teatro de obxectos e pezas enlazadas polas coplas do Cancioneiro da Agulla.
Unha homenaxe a María Antonia Dans, artista homenaxeada polo Día da Ilustración. Nesta actividade contaremos e debuxaremos unha adaptación para o público infantil e familiar da biografía da pintora galega.
No salón de actos. Para nenas e nenos de 3 a 8 anos. A entrada é libre ata completar a capacidade da sala.
O Universo Verso está habitado por poemas que falan distintas linguas. Uns riman e outros non, pero todos saben a poesía. Queredes descubrilos?
No salón de actos. Para nenas e nenos de 3 a 8 anos. Entrada libre ata completar a capacidade da sala.
No palacio real andan buscando a alguén para traballar nas cociñas. Búscase unha persoa que saiba guisar e asar para reis, raíñas, marquesas, duquesas e príncipes de todas as cores e condicións.
No salón de actos. Para nenas e nenos de 3 a 8 anos. Entrada libre ata completar a capacidade da sala.
Coñecer mediante exercicios e exemplos gráficos como se aplica a sombra a obxectos e personaxes.
Estudar que pode agregar a sombra: volume, peso, posición, misterio, terror,…
Como exercicio final faremos unha composición onde a sombra xere unha atmosfera e unha narrativa determinada.
Duración: 60 minutos.
Idade: de 4 anos en adiante.
Inscrició previa na biblioteca ou no teléfono 886 120 445.
Nesta viaxe con Raquel Galavís mergullámonos nunha historia interactiva acompañados dos sons do universo e as verbas das estrelas, para descubrir como se formaron os planetas e a nosa terra.
Idade: de 0 a 3 anos.
Duración: 30 minutos.
Inscrición previa na biblioteca ou no teléfono 886 120 445.
