Un ano máis Os Bolechas presentan a súa xira de Nadal, un espectáculo para toda a familia que chegará a 8 concellos da Rede de Dinamización Lingüística.
Volven os Bolechas cunha trepidante aventura chea de diversión que atrapará a cativada desde os primeiros instantes.
No País do Vento, o Tren do Ano é longo e nunca para. Pasa por 4 estacións, 12 meses, 52 semanas, 365 días... Moito traballo para un só tren! O que ninguén sabe é que o Tren do Ano colle vacacións: en decembro, descansa. No seu lugar, polas vías da vida troupelea un tranvía pequecho, brillante, especial, cheíño de sorpresas e de agasallos. É un tranvía que vai vestido de festa: o Tranvía Nadal. Cando pasa, o sol queda quieto no ceo. Non é de estrañar. Ese tranvía garda tantas marabillas que ata o sol devece por descubrilas.
Contan que contan as avoas da miña terra que a única noite, ou o único día, que Catarina e Lourenzo se viron, foi tan forte o seu amor que del naceu un trasno que enreda noite e día coas súas trasnadas e a súa enerxía. O espectáculo para público infantil e familiar Ris Ras, da recoñecida compañía Baobab Teatro, está pensado para nenos e nenas de 1 a 8 anos e dálle continuidade a Puño, puñete, unha proposta que formou parte, con notable éxito, do Nadal en Rede de 2018.
O contador e monologuista Avelino González ofrece, no marco de Nadal en Rede, un espectáculo de contos, historias e anécdotas cheas de humor para afastar o enfado e a carraxe e sacar de nós a bondade que parecen pedir unhas festas familiares e de tanta tradición. E, como o Nadal non é só cousa da cativada, esta proposta está dirixida preferentemente a público adolescente e adulto (a partir de 14 anos).
Espectáculo de monicreques, contos e cancións a cargo da compañía Bandullo Azul. En escena, Fran Campos e a súa amiga Filipa farán as delicias da cativada e tamén dos adultos que a acompañen en sete concellos da Rede de Dinamización Lingüística.
Non hai nada máis parecido ao Nadal que reunirse a escoitar contos, quererse, comer e fartarse de historias e de música! Como facían aquelas dúas velliñas que vivían xuntas, comían xuntas, durmían e soñaban xuntas... Ou aquela avoa que quería pasar o Nadal coas súas tres netas, pero deulle por facer pan con mel e... Ui!, e cando tocan as 12 na noite de fin de ano e chega o Paporco... Rilo&Penadique tráennos un feixe de historias para toda a familia, contos para quererse, xuntarse e divertirse son o alimento do Nadal. Iso e os cantos, que nunca falten! Tedes fame?
Goza cos teus fillos/as dos contos e das historias que os Ratos de Lonxedetodo, uns simpáticos ratiños e ratiñas, traen á túa biblioteca. Déixate contaxiar dos seus bos costumes: a lectura en familia.
Merendas con contos é un contacontos dirixido a familias con crianzas de 3 a 7 anos no que os Ratos de Lonxedetodo, uns simpáticos ratiños e ratiñas que visitarán a biblioteca, achegarannos aos libros e a música dunha maneira atractiva e lúdica.
Goza cos teus fillos/as dos contos e das historias que os Ratos de Lonxedetodo, uns simpáticos ratiños e ratiñas, traen á túa biblioteca. Déixate contaxiar dos seus bos costumes: a lectura en familia.
Merendas con contos é un contacontos dirixido a familias con crianzas de 3 a 7 anos no que os Ratos de Lonxedetodo, uns simpáticos ratiños e ratiñas que visitarán a biblioteca, achegarannos aos libros e a música dunha maneira atractiva e lúdica.
Goza cos teus fillos/as dos contos e das historias que os Ratos de Lonxedetodo, uns simpáticos ratiños e ratiñas, traen á túa biblioteca. Déixate contaxiar dos seus bos costumes: a lectura en familia.
Merendas con contos é un contacontos dirixido a familias con crianzas de 3 a 7 anos no que os Ratos de Lonxedetodo, uns simpáticos ratiños e ratiñas que visitarán a biblioteca, achegarannos aos libros e a música dunha maneira atractiva e lúdica.
Goza cos teus fillos/as dos contos e das historias que os Ratos de Lonxedetodo, uns simpáticos ratiños e ratiñas, traen á túa biblioteca. Déixate contaxiar dos seus bos costumes: a lectura en familia.
Merendas con contos é un contacontos dirixido a familias con crianzas de 3 a 7 anos no que os Ratos de Lonxedetodo, uns simpáticos ratiños e ratiñas que visitarán a biblioteca, achegarannos aos libros e a música dunha maneira atractiva e lúdica.
