O trío nace no 2007 entre Vigo e Baiona.
O seu repertorio repasa os grandes éxitos da época dourada do bolero, pasando por habaneras, rancheiras, valses peruanos, etc. ofrecendo versións con corda e voz.
O trío está formado por: Pablo Alonso (Primeira voz); Esteban Alonso (Segunda voz e Guitarra); Miguel A. Cedeira (Terceira voz, Guitarra e Bandurria).
O primeiro Festival de Música de Sabarís, nace coa vocación de difundir a música clásica, o jazz, música popular, entre outras, nunha das localidades do Val Miñor, a parroquia de Sabarís, en Baiona. O principal obxectivo deste evento é ofrecer ao público unha interesante oferta musical cun enfoque ameno e pedagóxico, e por outra banda darlle a oportunidade aos novos valores da música, para que poidan iniciar a súa traxectoria artística como intérpretes.
O Programa do Festival é o seguinte:
É un grupo galego nado no ano 2001 en Torroso. Cunha formación composta por ventos e percusión, The Turre´s Band propón un innovador repertorio musical cheo de ritmos, como ska, swing, blues, música balkánica e música galega.
Toma o seu nome de ODAIKO dun tambor tradicional xaponés. Integrado por licenciados en percusión clásica, contemporánea e jazz, o grupo fórmase en Holanda no ano 2003. A proposta artística deste grupo galego céntrase na exploración da música tradicional multiétnica, na súa variante percusiva, faceta pouco traballada pola dificultade que supón a diversidade técnico-musical.
Unha banda que opera fóra do espazo e do tempo. Así define a crítica a Flamingods, escollidos porThe Guardian como unha das bandas do momento.
Con base en Brixton, formado en Barhein e fortemente influenciados pola música de danzas tribais e a cultura rave, Flamingods ofrece sons trotamundos que nos transportan aos máis lonxanos confíns da conciencia.
Comisa Bal é un novo proxecto músical integrado por Gutier Álvarez (Violín Trompeta) e Javi Sexto (Acordeón).
Música en pequeno formato, a través deste espectáculo faise un percorrido polos ritmos bailables que estiveron presentes nas salas de baile durante a primeira metade do século XX, onde a música acompañaba sutilmente a actividade intelectual e social dos oíntes.
Esta programación pode sufrir modificacións. Confirmar datas e horas nos espazos onde se representa.
Dúas grandes artistas e tamén amigas compartindo escenario, talento e sensibilidade; unindo tradicións e facendo un camiño longo no seu percorrido xeográfico pero moi curto no debuxo das emocións, profundas e salvaxes, que as dúas interpretan de forma máis orgánica e natural, espindo a voz.
Eliseo Parra creceu sempre acompañado pola música. Como músico profesional acompañou a Ovidi Montllor, Gato Pérez ou María del Mar Bonet, entre outros. A partir de 1983, co grupo Mosaico, empeza a facer música máis tradicional. Realizou tamén traballo de campo xunto a Jose Manuel Fraile e colaborou con el nos seus libros e discos como transcritor musical. Actualmente é un recoñecido profesor de percusión e canto tradicional.
Carmen París é unha artista aragonesa, creadora e intérprete, que irrompeu, na primavera de 2002 no panorama musical nacional con "Pa' mi genio", un disco que revisaba o folclore aragonés dende un punto de vista universal e contemporáneo. O seu segundo disco "Jotera lo serás tú", ampliou aínda máis o seu desprexuizado universo musical irmandando o jota con habaneiras, chotis, rancheiras e ritmos do folclore castelán ou brasileiro.
Abraham Cupeiro e Vadzim Yukhnevich presentan Compromiscuo, o seu primeiro traballo discográfico no que desenvolven un tipo de música que emana de distintos estilos como o jazz, a rapsodia ou a música clásica e á que aportan o seu selo especial nun eclecticismo desenfrenado. Conectan o inusual cornetto barroco co tango arxentino ou a gaita irlandesa con J.S. Bach. Aínda que o instrumento que máis curiosidade vai despertar será o Karnyx, unha especie de xigantesca trompeta céltica da época dos romanos, que impresiona pola súa poderosa presencia e a súa sutil sonoridade.
